الحقونى يا رجاله التويوتا...العربيه الجديده اتخبطت

**احمد عزت** · 03-08-2012 06:23 PM

السلام عليكم يا اخوتى فى الله ...كل سنه وانتو طيبين

الحمد لله وقدر الله ما شاء فعل عربيتى الكورولا اللى لسه جايبها اتخبطت الباب اللى ورا السواق اتطبق وخل لجوه بمنظر يخلى قلبك يعيط...انا مش عارف الخبطه ده حصلت ازاى انا كنت راكنها فى باركنج نادى وعادى جدا بعد ما خلصنا ومروحين فوجئت بشكل الخبطه

حته كبيره اوى فى الباب داخله لجوه من تحت السوكه تحس كأن واحد دخل بركبته فى نص الباب

وحته مقاش 10 فى 10 فى نص السوكه وده اللى تعبانى نفسيا

طبعا لما تبص على الباب كأنك جبت كانز بيبسى وضغطت عليه بأيدك
بس الحمد لله الباب بيقفل ويفتح عادى مفيش مشاكب والازاز بينزل وبيطلع

الباب مفيهوش غير خدشين رفيعين حاسس انهم ممكن يطلعو بالبولش ومفيش اثر لحك صاج فى صاج

حاسس كأنها بالظبط اتنين بيتخانقو وواحد دخل بجسمو فى الباب
........................................
بعد ما طولت عليكو مش عارف اعمل ايه

العربيه صعبانه عليه منظرها كده ومتضايق جدا بقالى اسبوعين
ومش عارف اردها ازاى وفين وعند مين خايف حد يلعب فيها يبوظها لما يفك الباب ...وناس تقولى سيبها كده تاخد العين شويه وصلحها

اوديها التوكيل ...وهل فى ناس جوه التوكيل ممكن تكون فاتحه ورش بره
ولا ايه رأيكم اوديها ورشه كريم منير يردوها على البارد
انا من سكان اكتوبر
معلش طولت عليكم ....بس بجد محتاج لمساعدتكم وارائكم
وكل سنه وانتو طيبين

**M.Ayman** · 03-08-2012 07:30 PM

اولا و قبل كل شىء دى عين ياباشا و فعلا لو هى مش داخله جامد سيبها عشان العين تخف شويه او ممكن تردها على البارد و تسيب الخدوش من غير بولش مثلا و رجالة التويوتا بقى يفيدوك فى سمكرى نضيف و فاهم فى العربيه و طبعا احسن حاجه التوكيل بس طبعا اغلى و اكيد ابطأ فى الوقت

**ahmad--ezzat** · 03-08-2012 07:36 PM

على طول اقرا سوره الفلق
وردها على البارد عند سمكرى نضيف وخلص الكلام

**S O P H O S** · 04-08-2012 04:57 AM

قدر الله وما شاء فعل
راي تسبها شوية وبعدين تعملها
ولو عاوز تعملها دلوقتي شوف مكان كويس وتوكل علي الله
وان شاء الله خير ..

**احمد فهمى** · 04-08-2012 06:28 AM

الحمد لله على كل شيئ سيبها شويه بس عشان ممكن يكون فى حد عارفك عينو مش كويسه وبعدين هتروح لحد يكون معروف ومشهور فى الشغل على البارد هترجع زى الاول ان شاء الله

**Ahmod** · 04-08-2012 01:49 PM

انا رايي برضوا من راي الاخوة انك تسبها شوية عشان تاخد العين

بعد كدة موضوع التصليح ممكن توديها التوكيل او ممكن توديها ورشة كريم منير لسه مصلح الياريس عنده وبصراحة شغلهم عشرة على عشرة

**medo_sirion** · 04-08-2012 03:39 PM

قدر الله ماشاء فعل
حضرتك لون العربية اية ممكن تنزل الحرفين وتجيب باب ليها بنفس اللون تفك وتركب التانى بدون رش ولا حاجة
لان من كلام حضرتك ان الخبطة عاملة زى الكانز لما تطبق فكدة مش هينفع تترد على البارد
وياريت لو فى صورة للباب توضحة اكتر

**Y a r i s** · 05-08-2012 02:54 AM

الف سلامة عليك يا استاذ احمد. شدة وتزول يارب
بص يا سيدنا اذا العربية مفهاش جرح ممكن يسبب صدى. وهيا مجرد خبطة خليها زي ماهي
وانشاء الله تاخود الشر وتروح مشكلة البا انو غالي ابن اللذينة. تمنو ٣٥٠٠ جنية
بس. السمكرة حلوة. هتخشلها في ٥٠٠ جنية وربنا يلطف بيك وبكل عبيدووو

-

الموضوع: الحقونى يا رجاله التويوتا...العربيه الجديده اتخبطت

LinkBack

أدوات الموضوع

عرض

-

-

-

-

المواضيع المتشابهه

العربية اتخبطت يا رجاله

رجاله التويوتا باركووووووولى

الحقونى عربيتى اتخبطت

الحقونى يا لانسراوية العتبة اليمين اتخبطت

ارجوكم الحقونى العربيه بترعش وبتقطع الحقونى

الكلمات الدلالية لهذا الموضوع

المفضلات

المفضلات

ضوابط المشاركة