اها ما دا اللي بسال عليه و شوفتلو فيديو عاليوتيوب .. فيه فتحه ف الدرج بتوصل هوا التكييف فيه عشان يسقع و طبعا لو عاملين التكييف تلاجه اكيد الحاجة اللي جوا الدرج هتسقع و كانها بي ام و المسند فيه تلاجه :D :hlopaet_prv:
عرض للطباعة
انا شوفت العربيه ف معرض عندنا ف العاشر من رمضان يا جماعه .. السعر عالنت 75 الف بس الراجل دا قولتلو اني هكيش و كدا و هفاصلك هفاصلك قال 73 بس اعتقد ممكن اهز ف االف او 500 كمان
المهم العربيه تحفه بجد و واسعه جدا جدا جدا من ورا دا ممكن يقعد فيها 4 مش 3 و التكييف بجد حلو جدا ف التبريد مع اني حاسس ان الهوايات مش ف مكانها الصحيح بس التكييف حلو و زرايرو حلوه و التابلو مترتب تحسو نضيف و عاملينو بضمير و التقفيل شايفه كويس جدا و حاجة نضيفه بجد اعتقد العربيه دي من انضف ما صنعته الصين .. غالبا هتوكل علي الله و اجيبها من عندنا بال73 الف .. هنزل مصر بس بعد الفطار اشوف اللون بتاعها ف ابو الفتوح ف الحجاز و بعد كدا اتوكل علي الله ... بعدين انا سمعت ان قطع الغيار برا و الحرفيين كمان ابتدو يعملو شغل ف العربيه دي و تعديلات كمان مش صيانه بس و ربنا يوفق ويسهل ان شاء الله
بالنسبه للي مالكين السياره دي هل ينصحوني بحاجة .. و خصوصا و انا بستلمها هل في حزء معين اتاكد منو .. و شكرا جزيلا لتعبكم .. اخوكم الصغير أيمــن
السلام عليكم استاذ May_Moon اتمني اكون لحقتك قبل الشراء ... سعر M11 في الوكيل دلوقتي 72000 لانه عامل خصم 3000 جنيه عليها وبرده علي M12 .. سمير رضوان قاللي 71500 .. انا حاولت اكلمك دلوقتي علي نمرتك اللي في البروفايل بس حضرتك قفلت عليا ... تحياتي
الف شكر طبعا استاذ هشام جزاك الله خيرا و جعله الله في ميزان حسناتك . . انا بالفعل امبارح قفلت عشان كنت سايق ف زحمه و قرف العاصمه "عندنا ف العاشر من رمضان اقل طريق بتجيب فيه 90 ولا 100" ف عشان اركز ف السواقه بس مش اكتر ... انا اصلي نزلت امبارح ل ابو الفتوح ف الحجاز و عرفت السعر و كنت لسه هبلغ المنتدي بالسعر للي عايز يلحق و فعلا العربيه ب 72 الف و ال516 ب 70 الف ... انا كلمت سمير ريان قبل كدا ف التليفون بس قالي الاستلام ف خلال اسبوع و عشان كدا مش بحب المعارض .. انا هدفع بكره و استلم بكره و بعد بكره هروح تاني للتوكيل اخد ورق العربيه اللي اتحتم ف الدراسه و اطلع ارخصها عندنا ف العاشر ان شاء الله
الف شكر يا استاذ هشام بجد علي روحك الطيبه و بجد زي ما استاذ خالد قال هيا دي الروح ف نايل موتورز
هكلم سمير ريان تاني لو هايسلمهالي علي طول ف انا اولا ب ال500 بس لو مش كدا ف انا بخاف من المعارض حتي لو اساميها كبيره .... الف شكر مره تانيه .. شكرا
اخوكم ايمن
السلام عليكم يااحلي شباب ... بفضل الله ان اشتريت العربية امبارح وخدتها معايا بورقها من موزع معتمد في مدينة نصر اسمه الهيثم ... جبتها بـ 71500 اللي هي طبعا m11 ... بصراحة ماشاء الله العربية جميلة ... انا جبتها لونها طوبي.
أنا بس كان ليا سؤال ... انهارده ان شاء الله المفروض اخد جواب المرور من المعرض اللي هو طلعه من بين السرايات ... بعد كده المفروض اروح المرور علشان ارخص ان شاء الله ... في ناس بتقول المفروض هااروح الدراسة علشان اجيب ورق للمخالفات ... هل ده صحيح ولا كله بيخلص في المرور بتاعي؟
واخيرا شكرا لكلامكم الجميل ... بس فعلا انا استفدت كتير منكم هنا واللى انا عملته هو فقط اني كنت بتماشي مع روح نايل موتورز زي ما استاذ خالد قال ... تحياتي
درج التابلوه في فتحة بتفتحها و تقفلها ... و حتي لو مهدي التكييف هيه بتسقع قوي نتيجة صغر المساحة .... لو حطيت شوكالاتاية سايحة تماما بتمسك نفسها زي الفل ... لو حطيت ميه هتبقي فاترة تميل للسقوعة انما مش تلاجة قوي برضه يعني علشان منبالغش :)
الاحسن للمياه انها تطحت تحت كرسي السواق او المرافق و يتعمل التكييف علي فتحات الارجل او الارجل و التابلوه الامامي "اللي هيه تاني اختيار من الشمال " لان في فتحات تكييف تحت الكراسي لتبريد الجزء الخلفي من العربية و دي بجد بقي بتسقع الميه