انا خلاص اتعقدت من قصة الفتيس

السلام عليكم انا اللى لسه مغير الفتيس الاوتوماتيك من اقل من شهر
النهارده فوجئت بنفس الصوت اللى كنت سمعته قبل كده
مع اى دوسه بنزين صوت نعره غريبه كده او كأن حاجه بتلف ع الفاضى
انا قلت كده خلاص الفتيس ده بمببه و بدأت استعد هاقول ايه بكره لبتاع الاستيراد علشان اغير الفتيس

المهم لقيت تحت العربيه زيت فتيس واقع

جريت على بتاع زيت جنبنا فوجئت ان الميه كلها زيت

و مقاس زيت الفتيس بقى طحينه

ليا سؤالين
الاول هما قالولى من الرياديتير ممكن يتغير او قالولى ان جواه شمعه هى اللى ممكن تتغير

التانى بالنسبه للفتيس كده خلاص و ان شاء الله ربنا يعوض عليا و لا لما ننهى مشكله الردياتير دى ان شاء الله و نغير الفلتر و نحط زيت هايظبط تانى و الصوت بتاح النحره دى هايروح


لا حول ولا قوه الا بالله:hitwall3:

اصبر و انشاء الله حبظبط و يبقى تمام بعد تغيير الزيت

لو المبادل الحراري لتبريد زيت الهيدروليك بالردرياتير اتخرم مالوش غير التغيير ولازم بسرعة لانة بيبوظ الكلاتشات بتاعة الفتيس وبيعمل رواسب وصدأ علي البلوف بداخل الفتيس وان شاء الله هتلاقي الفتيس تمام بس ما يكونش عدي علية فترة وانت بتستخدمة كدة وبعدين ليا سؤال الدكتور اللي غير الفتيس لما شاف الفتيس القديم والنعرة دي فية مادورش علي السبب الله يخرب بيتة ماعندوش ضمير ولا دم روحله وقلة علي العيب في الردرياتير وحاول انك تتجنب المشي بالعربية حفاظا علي الفتيس ويستحسن لو تقوم باصلاح الردرياتير والفك والتركيب له وتغيير زيت الهيدروليك وهي واقفة في مكانها وبالمرة الكارتريدج بتاعه فلترة الزيت

اقتباس:

---

المشاركة الأصلية كتبت بواسطة kaza

لو المبادل الحراري لتبريد زيت الهيدروليك بالردرياتير اتخرم مالوش غير التغيير ولازم بسرعة لانة بيبوظ الكلاتشات بتاعة الفتيس وبيعمل رواسب وصدأ علي البلوف بداخل الفتيس وان شاء الله هتلاقي الفتيس تمام بس ما يكونش عدي علية فترة وانت بتستخدمة كدة وبعدين ليا سؤال الدكتور اللي غير الفتيس لما شاف الفتيس القديم والنعرة دي فية مادورش علي السبب الله يخرب بيتة ماعندوش ضمير ولا دم روحله وقلة علي العيب في الردرياتير وحاول انك تتجنب المشي بالعربية حفاظا علي الفتيس ويستحسن لو تقوم باصلاح الردرياتير والفك والتركيب له وتغيير زيت الهيدروليك وهي واقفة في مكانها وبالمرة الكارتريدج بتاعه فلترة الزيت

---

هو الكلام ده حصل بعد المغرب النهارده
يعنى ماقدرش امشى بيها بكره لغاية الميكانيكى؟؟؟؟

صباح لخير وللاسف ماانصحكش تمشي بيها بالحالة دي لان دة خطر جسيم علي الفتيس وعلي حساب طلمبة الزيت فية والفرنت والرير باند وحتتحرق الكلاتشات دي من فقد الضغط السليم عليها دة غير الكاربون طبعا
انا مش باقولك الكلام دة علشان اعقدلك الدنيا لكن ليا تجربة مريرة ودوخت السبع دوخات لاني كان معايا فيات كروما اوتوماتيك ونفس العيب حصل معايا ومافيش تقريبا فتيس اوقطع غيار فتيس اتوماتيك ليها في مصر وفي الاخر حولتها مانيوال علشان اعرف امشي بيها وبرضة اهملت النحرة دي في الفتيس لحد مابوظته خالص وماكانتشي بتمشي علي الدي نهائي الrهو الحاجة الوحيدة في الفتيس اللي كانت شغالة ومش هاقولك اني اتعرضت لاني امشي بظهري من عند طريق السويس الصحراوي مرورا بالدايري وحتي زهراء مدينة نصر لما رقبتي اتلوحت ومرة تانية من عند انبي لغاية البيت حاول تعمل الردرياتير والعربية واقفة بانك تفكة وتشوف حد بتاع ردرياتير يلحمة او يستحسن التغيير وبعدين غير الزيت واتوكل علي الله

متمشيش. بيها وصلح الرادياتير هيتغيرلوا شمعة 150جنية وهتغير زيت الفتيس كلة

الحمد لله الموضوع اتحل
قمت 7 و نص البح قبل الزحمه و اخدتها بالراحه للميكانيكى
1- غيرت الردياتير ب 260 جنبه صينى
2-فكنا كارتيره الفتيس و الميكانيكى فك مخ الفتيس و غسله غسله محترمه
3- 4 لنر زيت ب 110 جنيه
4-بتاع الردياتير غسلى الدوره كلها و ركب الردياتير و اخد 30 جنيه
5- اشتريت 4 بوجيها بالمره ان جى ك ب 50جنيه
6 الميكانيكى خلع الكنترول و نضفه و نضفلى الباب بتاع الرشاشات بالاسبراى و ظبطلى حاجه كده فى موضوع دوسة البنزين و اخد 120 جنيه

و الحمد لله العلابيه مظبوطه و تمام

الحمد لله وربنا يباركلك فيها ويكفيك شرها

الحمد لله

الحمدلله وعقبالى لم اعرف سبب انى العربية بعد160 بترجع تمشى على الثالث لحد لم تفصل انا هعمل نفس الى انت عملتوا هغير زيت الفتيس والفلتر وهنضف مخ الفتيس وربنا يهسل وتتحل

اقتباس:

---

المشاركة الأصلية كتبت بواسطة m.farouk

الحمدلله وعقبالى لم اعرف سبب انى العربية بعد160 بترجع تمشى على الثالث لحد لم تفصل انا هعمل نفس الى انت عملتوا هغير زيت الفتيس والفلتر وهنضف مخ الفتيس وربنا يهسل وتتحل

---

طيب متجرب كده ماعنتش تمشى على 160

الحمدلله و مبروك

العربيه مره واحده لقيتها مابتسحبش و بحس انها مكتومه ومن البنزين

جلابنا و لقينا الطرمبه ضغطها ضعيف

و اشتريت طرمبه استيراد بالعوامه ب 190 جنيه