المشاركة الأصلية كتبت بواسطة arwah
عليكم السلام ازيك يا باشمهندس احمد والله وحشتني ولكن انت عارف رمضان وقته ضيق نسال الله القبول والاخلاص بالنسبه للكارته انا مشفتش الكارته الاصليه بحيث اتمكن من المقارنه واللي قاللي انه غيرها صاحبها القديم بعد ما المياه اتلفتها وغيرها بكارتات كتيره لكن انا بثق تماما بكلام حضرتك وده طبعا يفرحني لكن فيه موضوع موجود بالمنتدي بعنوان الى من تلفت لديهم وحدة الكنترول للباشمهندس طارق ..لقيت فيه شكل الكارته الموجوده بالموقع مختلفه عن اللي عندي ..وبالنسبه للفلتر والخنقه انا مخرجتش من يوم ما كنت عندك فقط خرجت امبارح الثلاثاء رحت الشغل في المنشيه ولقيت الخنقه زادت جدا عقدتني رحت لواحد ميكانيكي نضفلي الفلتر واستبدل البوجيهات وقالي ان العربيه محتاجه كهربائي وبرده للاسف ما قدرتش اقف معاه وهو بيصلح لاني كنت مشغول بالتراويح ومشفتش البوجيهات اللي ركبها وحسيت اني عيب اني اخونه وكمان مشفتهوش وهو بينضف الفلتر وقالي كمان ان قواعد الفتيس عايزه تتثبت لكن بعد العيد علشان انا مش فاضي المهم ان العربيه اتعدلت الى حد كبير بس مش اوي والطلعه برده فيها الخنقه ومش عارف ليه حاسس انها حتظهر تاني لاني اخدتها من عنده وروحت مباشرة ودي مسافه قصيره حوالي 2ك في الزحمه وما خرجتش تاني للآن...على فكره يابشمهندس انا لقيت جريده اسمها الاسواق اسبوعيه تشبه جريدة( الوسيط) اعتقد ان فيها اختيارات مناسبه لما كنت تبحث عنه انا محتفظ بيها علشانك وهي مجانيه لو ملقتهاش في المكان اللي بتكون موجود فيه اتصل علي وانا اجيبهالك وانا راجع من الشغل.. ومعلهش انا اسف على الاطاله وده لاني مش بقعد على النت اليومين دول الا قليل وسلامي للبشمهندس الصغير ربنا يفرحك بيه ويرزقك بره