يا جماعة أيه أفضل نوع كاوتش ل byd

**esmail_ali** · 04-08-2012 06:40 AM

يا جماعة أنا معايا byd f3 مقاس الكاوتش بتاعها 15/195/60
اللى نازله بيه GT بس صينى بس الله أكبر عامل79 الف وعايز أغيره رغم أنه زى الفل مفهوش حاجة بس أنا بسافر كتير فأمان أنى أغيره وبصراحة ال GT عملى فى الشغل أنما عجلة ناشفة جدا فمش عارف أجيب أيه
(ميشلان ولا بريدجستون تيلاندى ولا فى بريدجستون أندونيسى ولو فى ياريت حد يقولى أجيبه منين لأنى دورت عليه كتير حتى فى التوكيل مش لاقيه ولا أجيب كومهو ولا هنكوك ولا يوكوهاما ولا جودير ولا بريلى ولا ايه ) بصراحة أحترت من كتر الانواع وبقالى شهرين عايز أغيره بس خلاص لازم أغيره لأنى قلقان يعمل معايا حاجة لأنى زى ما ذكرت أنى بسافر كتير وشكرا.

**lonedoctor** · 04-08-2012 08:43 AM

انا جبت بردجستون تايلاندى ارخص ونفس جودة الاصلى

**esmail_ali** · 05-08-2012 10:28 PM

بس مش ناشف شوية على العفشة التيلاندى أعتقد ان اليابنى طرى عنه وخامته أعلى أيه رأى حضرتك فى الميشلان الالمانى هو ولا البردجستون

**a7medsh3rawi** · 06-08-2012 04:19 AM

تقريبا افضل وانسب من حيث السعر والكفاءه هو البريدجستون الاندونيسى دا تركبه فى العربيه وانت مطمن لان التايلاندى منه بيتاكل بسرعه وممكن يعمل بلالين من المطبات.
وطبعا لازم تاخد بالك من تاريخ الانتاج فى اى نوع كاوتش تشتريه.