الموضوع: الكورى اتطور فى اية؟؟؟ سمسم يسال و الهيونداوية تجيب :)

اولا ...مينفعش نعمل موضوع لشخص ونقوله رود على الأسئلة
ثانيا... بجد انا زهقت من المواضيع اللى بالطريقة دى لأن كل واحد جواه قتاعة داخلية ومش عايز يغيرها
حتى لو النقاش لصالحة ... انا مش شايف انوا اسلوب للحوار من اساسة

المشاركة الأصلية كتبت بواسطة devil_storm

اسال براحتك بقى انا رديت عليك و ميهمنيش تقتنع او متقتنعش, انا من قبل م اكتب الموضوع و انا عارف انك ليمكن تقتنع و ان ردك حيكون كده... انا كتبت الكلام ده علشان اعضاء المنتدى يشوفوا كلامى و يشفوا ردك و هما بقى عندهم عقل يحكموا اذا كان هيونداى اتطورت ولا لا, و اذا كان هوندا تاخرت ام لا.



من خلال حساباتى:



طريق سفر متوسط سرعة 90 -140 :

• بدون تكييف الصفيحة عملت 330 كم
• بالتكيف الصفيحة عملت 300 كم

داخل البلد فى الزحمة فى مدينة نصر

• بدون تكييف الصفيحة بتعمل 240 كم
• بالتكييف الصفيحة بتعمل 200 - 210 كم

على فكرة انا معايا هوندا EX كربراتير مش انجكشن عملت معايا فى السفر 300 كم فى الصفيحة ومكانتش مظبوطة على الشعرة تخيل بقى لو مظبوطة على الشعرة تعمل كام آه نسيت ومتوسط السرعة كان 90 : 120 والكلام ده بدون تكييف ولو كمان انجكشن هيكون الاستهلاك كام تخيل ؟!!!!!!!!!!!!!!!!!!

المشاركة الأصلية كتبت بواسطة devil_storm

مش معنى انها تعليق خلفى مستقل تبقى اثبت!!! انت ماش ورا كلام سمسم بس انت فاهم غلط :))) و الا كدة نقدر نقول الفيرنا اثبت من الالنترا الجديدة و الكروز و الفلوينس و الصنى و الكورلا و .... و .. و اثبت من الجيتا 2012 كمان!!!!

كمان تعليق الانسر بوما مستقل و تعليق الاوكتافيا كذلك هل ثبتهم ذى بعض ؟؟؟؟ الثبات مش مجرد نظام تعليق

الثبات بيعتمد على عوامل كتير جدا و حسابات معقدة مش مجرد نظام تعليق... يعنى بيعتمد على مساحة قاعدة العجلات و حجم الجنوط و ارتفاع السيارة عن الارض و السوست و المساعدين و ايروديناميكية السيارة و علبة الدركسيون و دقة التوجية و الباور و ... و .... يا باشا ده نوع الكوتش مش بس حجمه بيفرق فى الثبات تصور!!!

يعنى بجانب ثبات الالنترا انا كمان سوقت الكروز و الفلوينس و ثبتهم كويس جدا جدا... و الثلاثة اثبت طبعا من الانسر بوما اللى بتعليق مستقل... و طبعا الالنترا الجديدة اثبت من الموديل اللى قبلها مش عايزة كلام و انا باكدلك كده.







بخصوص تطور هيونداى فانا كتبت بعض الحجات اللى اتطورت فى الالنترا عن الموديل السابق... اما الاختراعات اللى انت بتسال عنها فالاول حدثنى عن اختراعات المنافسين:

• سيفيك 2012 بالمقارنة بالموديل السابق
• مازدا 2012 زوم بالمقارنة بالموديل السابق
• كورولا 2012 بالمقارنة بالموديل السابق
• لانسر شارك بالمقارنة بالبومة
• جيتا 2012 بالمقارنة بالموديل السابق
• فانتازيا 2012 بالمقارنة بالموديل بال a5

كلمنى عن الاختراعات اللى عملوها فى موديل 2012 علشان افهم يعنى ايه كلمة اختراع و اقدر اجوبك.

بالنسبة لموضوع دقة التوجية انا مشوفتش عربية مظبوطه زى الهوندا يعنى تظبها بالشعرة تروح زى ما انت عايز بالظبط
والكلام ده لأنى كان عندى سيفك 90 ودلوقتى سيفك 93 والأتنين بسم الله ماشاء الله عليهم

آه نسيت اقول على حاجة كان عندى عربية نيو اكسنت 2010 بعتها بأكيسها وكانت عاملة 8000 كم فقط
لية بقى ........... عشان اتجننت فى عقلى وجربت عربية سيفك 92
[COLOR="Blue"]يا اخوانا انا والله مش متحيز للماركة ولا بقول كلام وخلاص بس ياريت نفكنا بقى من الكلام اللى ملوش لازمة ومين اتطور ومين ما اتطورش لأن الشركات مش هتفيدنا بحاجة والخلاصة ان كل واحد ودماغة وكمان احتياجاتة رايح ناحية الكورى ماشى بيقول يابانى ميضورش [/COLOR]بس ارحمونا بقى من هرى الدماغ والصداع اللى ملوش لازمة الواحد ضغطة بيعلى لما يقرا المشاركات المستفزة

المشاركة الأصلية كتبت بواسطة abdulkhaleq

وبصراحه من الكلام اللي بسمعه عن العربيات دي

هههههههههههه
و الدليل .... قالوا له

المشاركة الأصلية كتبت بواسطة hamdymsr

على فكرة انا معايا هوندا EX كربراتير مش انجكشن عملت معايا فى السفر 300 كم فى الصفيحة ومكانتش مظبوطة على الشعرة تخيل بقى لو مظبوطة على الشعرة تعمل كام آه نسيت ومتوسط السرعة كان 90 : 120 والكلام ده بدون تكييف ولو كمان انجكشن هيكون الاستهلاك كام تخيل ؟!!!!!!!!!!!!!!!!!!

بأقولك الألنترا بتعمل معايا داخل المدينة بزحامها و بوقفاتها و بطء حركة السير و بالسلاطات و الباباغنوج 250 كم لكل 20 لتر

و في السفر علي سرعات حتي 110 كم/ساعة وصلت لمتوسط استهلاك 4.6 لتر/ 100كم يعني و حققت فعلا 400 كم بأستهلاك 20 لتر في يوم حار جدا و التكييف كان شغال طوال الطريق

تقوم تقول لي 300 كم

يا عااااااااالم ......

المشاركة الأصلية كتبت بواسطة bunsh_fox

معـــــــــقولة موضوع مخصــــــــــوص لسمسم بية لوحدووا (ياسبحان الله) ,, يارجــــــــالة وحدوا الله مش كدة .

أصله غالي علينا أوي بس هو مش عارف

المشاركة الأصلية كتبت بواسطة abdulkhaleq

يافندم انا مش بمشي ورا كلام حد, والا كان زماني بقول اشعار في العربيات الكوري, وبصراحه من الكلام اللي بسمعه عن العربيات دي, بقول حاجه من اتنين, يا اما الناس عارفه بس بتهزر, يا اما الكوري اللي عندنا (في مصر) غير الكوري اللي عندكوا (في مصر برضه) :)
أما بالنسبه للتعليق الخلفي فهي فعلا كانت (أريح) في المطبات, لإني كده كده مش مستني ثبات لا من دي ولا من دي (وطبعا قلنا قبل كده ان الثبات مش تقفيل عداد) عشان الفيديوهات اللي هتنزل زي المطر دلوقتي من الاخوه الكرام :)
بص هي حاجه مش هتتحس غير بسواق يكون ليه standard معين والله العظيم بحسه في العربيه لما بقارنها بغيرها حتى لو مش انا اللي سايق !

نقطه ارتفاع وحجم المساعدين وارتباطها بالعفشه الخلفيه دي برضه تسأل فيها هيونداي
مثلا في السيراتو مع المطبات اللي قاعد ورا بيتمرجح, بس ده مابيحصلش في الجيتا, ليه ؟ عشان الحسابات اللي هيونداي مطنشاها واهه كلله بيركب وبينبسط

اما عن الاختراعات اللي بقول لحضرتك عليها فمش هكلمك على اختراعات المنافسين, انا ياسيدي جاي اتعلم منك, كلمني عن براءات اختراع (مثلا) او سبق جديد عملته هيونداي (غير انها بتسيب لأي توكيل يشيل ويحط بمزاجه) بدون اي محاوله للحفاظ على مصداقية العلامه او حتى محاولة تحسينها

اللي حضرتك ذكرتهم دول مش منافسين الا لو انت حبيت تسميهم منافسين, وانا مش بمجد فيهم ولا حاجه بس معلش يعني موضوع التحيز للكوري ده زاد حبتين ووصل لدرجة مقارنه الهيونداي بالبنتلي وحاجات كده جالي سعال من كتر الضحك عليها

لحد دلوقتي الكوري بيوفر, بيوفر في الصرف على التطوير, وبيوفر في الانتاج
والنتيجه قدامنا, عربيات معانا (عشان الظروف بس) غير كده لأ
خامات من اسوأ ما يكون, عمر افتراضي اقل من اي حاجه, بعد ال 100 مراجيح السيده

ارجوكم ال over rating ده مش بيضر الا احنا, وفي الاخر حوض سمك مبهرج حبتين (شكله لذيذ برضه عشان نبقى حقانيين)
بكام؟
ب 160 جنيه بس يافندم !!!!
عارف؟ انا اول ما قعدت في الهونضاي ألينتيرا دي (هيونداي إلانترا)
كانت السي فور الجديده لسه نازله
رحنا شفناها في التوكيل اللي قبل داندي
بعديها واحد صاحبنا (اتعالج خلاص الحمد لله) كان بيفكر في الالانترا دي
والله بجد مش فاهم ازاي يبقو الاتنين دول بنفس السعر والناس بتجيب الالانترا
اقسم بالله قعدة الكرسي غير
كرسي الهيونداي تحسه محشي كرتون !!!
الحمد لله صاحبنا عالجناه وجاب بال 160 دول جيتا ماشيه 20 بدل الهونضاي ألينتيرا اللي مافيهاش زياده عن علبة الكشري غير شوية كاوتش :)

ارجوكم سوق الاشاعات اللي احنا عملناه ده بنعاني منه حاليا ومش عارفين نصرفه وشكله حتى الزار مش هينفع معاه

مدام انت شايف الهوندا الجديدة تستاهل و الالنترا لا يبقى مبروك عليك الهوندا الجديدة ... هى قناعات و رايك يحترم