تعليقك على افطار رمضان 2012

**mado83** · 06-08-2012 12:24 PM

المشاركة الأصلية كتبت بواسطة محمد يوسف

للأسف احنا أسوأ شعب فى الكون يتعامل مع الأوبن بوفيه فى أى مكان

فعلا تدخل الاوبن بوفيه تلاقى كل واحد ماسك طبق وماشى يعبى من كل حاجه تقابله ولما يرجع على الترابيزه يبقى يشوف بقه ده ايه ويدوقه لو ماعجبوش مش مهم مايكلوش
مع انه ممكن يعجب حد تانى وياكله انما هو كده ضيع عليه فرصه انه يلاقى اكل
يعنى تلاقيه بياخد لحمه وكفته وفراخ وسمك وارز ومكرونه بالصلصه ومكرونه بالبشاميل (حبيبتى) وكفته بالصلصه
مع انه لو فكر شويه هو المفروض يشوف هو عاوز ايه ويبقى نوع واحد يعنى اما لحمه او فراخ او سمك مش كله على بعض
والكلام ده انا شوفته للاسف كتير ولكن مع الاجانب واااااااااو تحب تتفرج عليهم بياخدو ايه من البوفيه
انا ماروحتش المقابله للاسف ولكن بتكلم عن طباع التعامل مع الاوبن بوفيه

**fineart607** · 06-08-2012 01:52 PM

المشاركة الأصلية كتبت بواسطة shnory

بخصوص ان الافطار يكون منظم
كان لازم الاعضاء يكون عندهم تقدير اكتر لليوم وللمنظم بانهم يحجزوا او يحولوا فلوس
ودامحصلش ومش بيحصل ومش حيحصل
وانا بعاني من الموضوع ده في تنظيم المقابلات
لدرجه اني كنت بتصل بالناس واتحايل عليهم انهم ياكدوا حضورهم بس وجزء منهم سوري في اللفظ بيتدلع لحد يوم المقابله الصبح وبعد كده لما يلاقي نفسه فاضي قبلها بساعه يروح ودا بيكون علي حساب الاعضاء التانيين
ودا كان بيحصل معايا زمان في تنظيم المقابلات
بس لقيتله حل
وطريقتي في حله متنفعش في المقابلات الفورمال زي افطار رمضان وعيد ميلاد المنتدي
انما تنفع في المقابلات الوديه والعائليه اللي مش بيكون فيها لازم حجز بنسبه 100% وعدد نهائي
واحيانا برضه بلبس فيها مبلغ محترم
---------------------------------------
اسلوب تعارف الناس مع كتر المقابلات بيتحل الموضوع ده
وبتشوف الواحد مره واتنين وتلاته
بس ممكن نحله اننا في المقابله نعمل التاج لكل عضو
--------------------------------------
بخصوص جزئيه السيارات
مواضيع السيارات قتلت بحثا في المنتدي
المقابلات علشان الناس تتعرف ببعضها وتنميه روح الود والصداقه بينهم
والجو بيكون عائلي وودي
وحتي لو اتكلمنا عن السيارات حيكون تكرار للمواضيع اللي اتكتبت علي المنتدي
-------------------------------------
المطعم مش بالسوء اللي يخليه يبوظ المقابله
المطعم عمل بوفيه يكفي الاعضاء الي اتبلغ بحضورهم واللي اكدوا انهم جايين سواء بحجز او بدون
وفيه ناس كتير حضرت بدون حجز
وفيه ناس اخدت اكل ملمستهوش
انا شوفت قطه واقفه بتاكل من طبق كااااااااامل يكفي فردين بعد الافطار ولا تعليق
وفيه اطباق كامله رجعت المطعم تاني
علي فكره انا من الناس الي ما اكلوش عملت طبق لوالدتي وعلي ما رجعت اعمل طبق ليا كان الاكل خلص
فالمطعم مذنب بنسبه 50%
وال50 الباقيين علي الناس
-------------------------------------------------
العروض اكيد مش كل شهر حتلاقي عرض
العروض موجوده ومفعله فعليا
وجايز ان حضرتك الي مش بتحضر مقابلات او اول مره تحضر مقابله
مقابله نايل هولدينج كان فيها عروض من جينز كار وفالفولين و علي التسليح من محمد يسري
-----------------------------------------------
موضوع دوائر السيارات ده اتعمل كتير قبل كده
والاهتمام حاليا بتنميه الود بين الاعضاء والناس تقعد مع بعض
احنا رايحين نشوف الناس مش نشوف عربياتهم
------------------------------------------------------------------------------------------
كل مقابله ليها حسناتها وسيئاتها
ودايما الحسنات بتغطي علي المساوئ الي بتكون قليله جدا او مش بالقوه اللي تعكنن صفو المقابله او نقول ان المقابله فشلت بسببها
وباذن الله المقابلات الجايه تكون احسن من اللي فاتت
بالناس والصحبه والتجمع علي خير دايما
نشوفكم قريبا باذن الله

يا فندم انا اتصلت واكدت حضورى واول لما تعرفت على كريم رحت اعطيه الفلوس قبل الفطار وفى الاخر لم يجد اسمى :b4_444:

انتم بتردوا على كانى بهاجم وخلاص على العموم انا قلت راى وانا حر فيه وربنا يوفقكم للخير

**SHNORY** · 06-08-2012 01:59 PM

المشاركة الأصلية كتبت بواسطة fineart607

يا فندم انا اتصلت واكدت حضورى واول لما تعرفت على كريم رحت اعطيه الفلوس قبل الفطار وفى الاخر لم يجد اسمى :b4_444:

انتم بتردوا على كانى بهاجم وخلاص على العموم انا قلت راى وانا حر فيه وربنا يوفقكم للخير

يعني حضرتك اعتبرت ردي ورد الناس هجوم عليك
وشايف ان كلامك عادي لما كررته كذا مره في نفس الموضوع
وكررته برضه في موضوعات تانيه ؟؟؟
عموما شوف ايه ضايق حضرتك وممكن نعوضك عنه لو حصلك ضرر مادي او معنوي من حضور المقابله

**damasry** · 06-08-2012 06:44 PM

المشاركة الأصلية كتبت بواسطة fineart607

يا فندم انا اتصلت واكدت حضورى واول لما تعرفت على كريم رحت اعطيه الفلوس قبل الفطار وفى الاخر لم يجد اسمى :b4_444:

انتم بتردوا على كانى بهاجم وخلاص على العموم انا قلت راى وانا حر فيه وربنا يوفقكم للخير

يا فندم ليه تقول اننا اعتبرنا كلامك فيه هجوم!!!! بالعكس كلامكم كله هدفه تحسين المقابلات وده شئ كويس محدش يزعل منه بس كل عضو لما اتكلم كا حابب يشرحلك وجهة نظرنا فى المقابلات.

وفعلا فكرة التاجز دى كويسة وياريت فعلا نتكلم فيها فى اول مقابلة قادمة