هو الفكرة انك هتستبدل جزء من قطر العجلة كان مطاط حيتحول الى الومنيوم
شباب .. موضوع الدكتور علاء .. اللى بيتكلم عن شرح العدادت .. كان فيه مشاركات هامة .. عن تعديل الجنوط .. ويعتبر مشاركات خارجة عن اطار الموضوع اللى كان طارحه الدكتور
وعشان النقاش فى التعديل كان مهم واخد مننا مناقشات هامة .. انا بعت للادارة .. انها تنقل المشاركات الجنوط فى موضوع مستقل .. عشان المشاركات مش تتوه فى موضوع شرح العدادات .. ونقدر نوسع النقاش اكتر واكتر ويكون فى افادة للجميع
واتمنى ان ميكنش حصل ازعاج
...
نيجى بقا الى قصة تعديل الجنوط
القصة لازم الناس تاخد بالها .. ان كل حاجة بتعملها وليها تمنها .. بمعنى
دلوقتى جنط 17 .. يعنى تكلفة جنوط بسعر عالى .. وكاوتش غالى جدا .. وكمان ال17 حيكونوا تقال جدا علىا لعربية .. وحيخلوها تتكتف جدا .. لانها 1500 سى سى ده غير العفشة والدب .. حرام عليكم
بالنسبة الى 16 هو جميل .. بس صعب انك تلاقى فى السوق كاوتش 195 .. وكمان تكلفة الكاوتش بيكون عالى
غير ان بردوا حرام نغيرمن 15 الى 16 والعربية 1500 سى سى
فاللى عايز رائى .. وحيبقا فل .. ومش حيحس بفرق كتير فى الاداء .. ويمكن ميكنش فى تغير
يعمل الاتى
يجيب جنوط سبور 15 جميل .. حيقولى .. ما احنا عايزين نعرض .. يبقا مش عملنا حاجة
لا .. ممكن ساعتها لما تجيب جنوط 15 سبور .. تجيب كاوتش .. 205 وتعرض الكاوتش ..
الدنيا مش حتختلف كتير .. واداء العربية مش حيتاثر
لان ده انا عمله فى عربيتى .. التيدا 1600 سى سى .. جنط العربية الاصلى والكاوتش عرضته بدل 185/65 الى 205/55 وكل ده على جنط 15
والسحب مش اتاثر ولا الباور اتاثر ولا البنزين زاد ولا اى حاجة حصلت
بس كان مفروض اجيب 205/60 مش 55 .. لان الكاوتش وطى شوية .. وده النصيحة اللى قالولى عليها الناس
ولكم فى الاخر حرية الاختيار
تحياتى
مرة كنت بدردش مع حد من الصقور وقالى ان فى 60 او 65 على ما اتذكر .. وقالى كان حيكون افضل لانى حيعلى بالعربية شوية
لا يافندم الانسب هو 195/60-15 وليس 195/65-15 كما هو متوفر فى الصنى القديمة فئة السوبر صالون
بصراحة ما اظنش انه فيه مقاس 16 لكن مقاس 15 متوفر
كلام صحيح 100%
--------------------------------------------------------------------
الفرق فعلا هو تعويض زيادة ارتفاع الجنط بنقص نفس المقدار فى جوانب الاطارات يبقى المحيط الخارجى فى الاول والاخر واحد وده الهدف الرئيسى لعدم التأثير على حركة العربية وقراءة العدادت وغيرها
------------------------------------------
يا جماعة الخلاصة ..
اللى مقاس الكاوتش عنده 185/65-15 وحابب يعرض بطريقة اقتصادية ليس امامه غير مقاس 195/60-15 وده الانسب دون تأثيرات
اما اللى عاوز يكبر الجنط فقدامه اختيار واحد مناسب للحركة بكل سلاسة وهو 195/55-16
ولا انصح بزيادة عرض المداس عن 195 لتجنب الاحتكاك بالكارتيرة او اجزاء العفشة عند كسر الدركسيون يمين وشمال ...
احمد باشا صباح الفل اسمحلى اختلف معاك ونتخانق شويه :)...انا معاك ان ال 17 هيكون متعب على العربيه وطبعا عشان البلالين وشغل الرزع ومصر متتوصاش يعنى
بس ليه الجنط ال16 انت ضده !
بلعكس هيكون شكله شيك جدا جدا على الصنى الجديده ومش هيبقى متعب للعفشه ولما يكون ماركه محترمه مش هياثر على العفشه ولا حاجه
بصراحه صعب اوى اغير حنط 15 حديد ب جنط 15 سبور...مش هحس انى عملت انجاز يعنى
انا لو هغير بقى اغير مقاس الكاوتش فقط على الجنوط الحديد ومفيش داعى لاي جنوط سبور الا لو هكبر الجنط
انا كان عندى فى النوبيرا حنوط حديد مقاس 14..تعبت معاها جدا ضعيفه وبتتنى وشكلها زباله...وربنا وفقنى وجبت جنط المانى bbs مقاس 16
هو اينعم احساسى بالنقر زاد شويه انما شكله شيك ووازن العربيه جدا جدا...والمقاس عندى لو قلتهولك هتضحك...205/40/16 طبعا المره الجايه لما هغير الكاوتس هجيب ال 45 لان دة المقاس الصح عندى
فانا من راى ان ال 16 على النيسان هيبقى جميل جدا مع كاوتش مناسب وطرى + نيتروجين واجرى بقى برحتك
عليا النعمة الراجل ده بيتكلم صح
ما دام قال دراع مرسى... يبقى بيتكلم صح
انا كمان شايف ان ماتزودش المداس عن 195 عشان احتكاك الكاوتش بجسم العربية او باجزاء من العقشة ممكن يكون وارد
على فكرة العربية نازله الهند بكاوتش 175 لكن نازلة فى حتت تانية و منها مصر بالمقاس الاعرض 185
كما ان عرض المداس ده لو زاد فده معناه كونتاكت area زيادة مع الارض
صحيح ده هيديك ثبات زياده و مقاومة للانزلاق و فرامل افضل لان عندك مساحة اكبر عشان تكلبش فى الارض
بس الشىء ده لو زاد عن حده ينقلب لضده
المساحة الزياده دى معناها friction زيادة
يعنى محتاج قوة اعلى عشان تلف الكاوتش على الارض ( جرب كده تلف دركسيون عجلة و بعدين جرب تلف فردة كاوتش بتاع عربية فى مكانها و هيا واقفة بدون جنط ( هتجد صعوبة اكثر لفرق الوزن و فرق مساهة مداس الكاوتش)
مما يشكل اجهاد اعلى على علبة الدركسيون و ملحقاتها ( حتى لو انت ما حسيتش بيه لكن هو موجود )
و بالنسبة لموضوع التهبيط فلا انصح بيه لان العربية جديدة و بعد شويه السست حتريح حبة
( و ده حصل مع احد المعارف من ملاك الصنى القديمة قال زمان ما كانتش تحك كتير الان اصبح ممكن انها تحك فى المطبات العالية)
و النهار ده كنا 4 فى العربية و الاتنين اللى ورا ما كانوش اوزان و طلعت بيها بتاع 20 مطب حكت فى 2 فيهم ماكانتش بتحك فيهم و انا راكب لوحدى
ده كده انا فى عرض كام سنتى اعلى مش اوطى
كمان العربية عفشتها مش ملبن اوى هو بس مشوار المساعد اللى اصبح اطول
يعنى صحيح فى ناس بتقول ناعمة بس لو نقرة حلوة بتحس انها ناشفة بردك و ان النقرة كانت عنيفة (فما بالك مع جنط اكبر او كاوتش اوطى؟؟؟!!!!)
و شوية النشوفية دى مخليها متماسكة انا بعدى 100 لكن حاسس نفس احساسى و انا ماشى على 60 و حاسس ان العربية قاعدة و مستربعة كمان على الارض (شعور ماحسيتوش فى السيراتو ولا اللانسر لكن كنت بحسه مع الاوبل)
مافيش اى ازعاج بل بالعكس ده فى موضوع تانى عن الجنوط كنت احب الكلام ده يتقال فيه
يا سلام لو ندمج الموضوعين فى موضوع واحدhttp://www.nilemotors.net/Nile/299819-2013.html