الموضوع: انا غرزت على الاسفلت ياجدعان !!!!!!!!!!!!!!!!!!!

امبارح كنت فى مشوار فى الكيلو واحد وعشرين فى اسكندريه وانا راجع الساعه واحده ونص بليل قلت بلاش ارجه من طريق البلد من جوه واطله من الصحراوى تغيير بدل ما اطلع من محور التعمير وانا ماشى على الصحراوى فجأه لقيت الطريق وقاف تماما

سألت فيه ايه؟؟

قالولى فيه بركة مجارى وغويطه العربيات النقل خايفه تعدى منها تغرز !!!!!!!!!!!

انا قلت اذا كان النقل خايف الملاكى حيعمل ايه ؟؟؟؟؟؟؟

انا ماصدقتش الكلام ده معقول على الصحراوى حاجه زى كده !!!

فين وبعد ساعه وصلنا للبركه المذكوره وذهلت اول ما شوفتها بركه زى بحيرة فكتوريا وفين على الطريق الصحراوى المتجه الى اسكندريه

والبركه مش ميه بس لا دى عباره عن حفره عميقه وسط الميه يعنى العربيه ممكن تنزل ما تتطلعش وده الى حصل كذا عربيه نزلت ومتطلعتش الميه ممكن تدخل جوه العربيه من عمق الميه

والعربيات النقل التقيل وهيا بتعدى البركه بتميل اكنها حتقع على جتبها وبسبب عربيه من دول مالت لدرجه مخيفه بسببها عربيه اسبرنزا516 غرز فى حفره من الحفر والنقل خبظه فى الرفر الامامى يمين وراح مكمل وخابط رفرف خلفى شمال لعربيه افيو وشويه ودخل عليا وكسرلى الفنوس الخلفى شمال وانا اتنجننت انا واصحاب العربيات المخبوطه من النقل الكبير ونزلنا له ...............

وللحديث بقيه

تكمله لما سبق

نزلنا احنا التلاته لسواق النقل واتهزق واتمرمط بكرامته الارض وطبعا مش عارفين نوصله ونعلمه ازاى يسوق صح عشان بركة المجارى والعربيات الى عايز تعدى من النهر ده وكل واحد مننا قالو منك لله روح اتعلم السواقه الاول وبعدين اركب عربيه رخصتها درجه اولى ...

انا اقل واحد اتضرر وش الفانوس هو بس الى اتكسر مع ان من قوة الصوت قولت الرفرف اتعجن لكن الحمد لله ولعله خير وعربيتى هيا النيسان القديمه مش الجديده والموقف ده خلانى اراجع نفسى واقول خساره الواحد يركب عربيه جديده فى مصر ويتحسر عليها ياجماعه ميه المجارى كانت حتدخل الصالون

اما بتاع الافيو صعب عليا جدا لان الرفرف راح لحد القايم الى فوق كله دخل لجوه والعربيه شكلها لسه زيرو

نرجع تانى لبتاع الاسبرانزا كان راجل عجوز جدا ومراته برضه كده ومش عارف يعمل ايه وكان فاضل شوي ويعيط من الموقف العربيه غرزة على الاسفلت !!!!

المهم حولنا نطلعه انا واتنين بلزق منفعش حاولنا نوقف اى عربيه نقل ومعاها سلب عشان يشده مفيش حد رضا يقف

فين لحد ما شوية شباب نزلو من عربيه وايدنا بأدهم وطلعنا العربيه الراجل كان حيعيط من الفرحه لانه كان حيلوص لوحده فى ساعه زى دى ........

وموقف تانى حصل لعربيه اوبل استرا الجديده معديه من حته فيها ميه ومستخبى جواها حديده زى مسوره وثابته فى الارض ومقطوع راسها ويدخل فيها والعربيه تقف والحديده شبكت فى حاجه تحت والله يعوض عليه

وكمان سيفيك واحنا عارفين قد ايه السيفك واطيه ودى اكيد مية المجارى دخلت جواها والله انا لولا عربيتى عاليه عن ارض كان زمانى بشيل الميه من جوه بجردل !!!! وربنا يعوض

السؤال ازاى حته زى كده على طريق مهم تبقى بلبشاعه دى ازاى !!!!!!!!!!!

ازاى اكون جاى من طريق زى الحرير قبل البوابه وادخل على مستنقع على نفس الطريق المهم ده !!!!!!

ازاى سايح يجى فى اتوبيس ويمشى فى بحر مجارى زى ده يقول علينا ايه ؟؟؟؟؟؟؟؟؟؟؟؟؟؟؟

مصر هيا كل حاجه والعكس ......

لك الله يامصـــــــــــــــــــــ ـــــــــر