الموضوع: رحت حجزت فرش من جينز كار...وكمان سلحت الكوتش

السلام عليكم ورحمة الله وبركاته
النهارده كان يوم طويل اخر حاجه , الاول نزلت فى حدود الساعه 11 الصبح وانطلقت على جينز كار لسببين,

الاول انى اشترى استيكر المنتدى والقسم بس للاسف لاقت بتاع المنتدى بس ومكنش فى الاستكير بتاع نيسان, المهم اشتريته,
ثانيا بقى انى احجز فرش للتيدا بتعتى , كان عندى امل انى اقابل الحج احمد مشعل بس للاسف مكانش موجود بس ان شاء الله حيكون موجود فى ميعاد التركيب , لانى حركب بكره باليل ان شاء الله وهو بيكون موجود باليل,

قابلنى هناك شاب زى العسل اسمه عبد الله واكتشفت فى الاخر وانا ماشى انه عبد الله مشعل , يعنى العيله كلها زى العسل , قعد معايا نختار الاوان المناسبه وكان صبور معايا لانى مكنتش قادر اختار حاجه لان كله حلو, المهم فى الاخر اختارت الاوان والحساب كان اجمالى 1950جم وبعد الخصم بتاع الاستيكر اصبحا 1750جم وذلك شامل الفرش الداخلى بتاع الكراسى والارضيات وشنطه والخياطه الدوبل.
ان شاء الله حيتركب بكره باليل من الساعه 8 الى 12 مساءا .

بعد كده رحت صليت الظهر فى مسجد نورى خطاب و قمت بعدها طالع على تاير مانيا علشان اسلح الكوتش,
وقابلت استاذ محمد يسرى بصراحه راجل 100100 ودخل دماغى واتربع ,

فرجنى على المحل وعلى الاجهزه الموجوده وعلى المحل , وقاعدنا نتكلم فى مواضيع مختلفه واستمتعت فعلا بالحديث معاه, وان شاء ربنا يكرمه ويوسع رزقه,

كان المفروض الموضوع ياخد بالكتير ساعتين بس لانى مكنتش حاجز قابلها والراجل مرضيش يرجعنى ويجبنى تانى فالصانيعى الموجود اشتغل لوحده واستاذ محمد ساعد بنفسه والموضوع طول شويه فى الوقت.

الموضوع اتكلف 900جم قبل الخصم وبعد الخصم المنتدى السعر بقى 810جم
واخدت فاتوره فيها ضمان ل50الف كيلو او 5 سنوات على التسليح.

انا فعلا حسيت بفرق وانا ماشى بعد ما حط النيتروجين مش عارف هل دا وهم ولا حقيقه , حاسس ان العربيه بقت ناعمه ومباحسش بهبد فى الشارع.
وفى النهايه روحت البيت قبل الفطار بنص ساعه.

على فكره يا جماعه استاذ محمد يسرى بيخاف اوى من استاذ احمد مصطفى لانه بيقرص عليه جامد فى العروض, ولازم يخليه يطلع عرض .
ربنا يباركلك يا استاذ احمد مصطفى ,تعيش وتقرص كمان وكمان
ههههههههههههههههههههههههه ههه