لو تم تمرير قانون مرور بتحدبد عمر الملاكي بـ 30 سنة تفتكر ليه

**ahmed1981** · 26-06-2008 07:47 PM

بالطبع لابد أن تون المنفعة الخاصة هي المحرك الأساسي لقرار مثل هذا

سنضرب مثال بالسيارات التاكسي
نعلم أنه صدر قانون بتخريد من مر عليه أكثر من عشرين سنة وإحلاله بجدي بخصوص التاكسي
وما لا يعلمه غالبية الناس أن الإحلال الإختياري ممنوع في القاهرة الكبرى من سنة 2006 حتى هذه اللحظة أو بمعنى أصح تم منعه مع بداية تشغيل تاكسي العاصمة !!!
بمعنى أصح مصالح خاصة

والمفروض أن حالة السيارة هي التي تحدد مدى تخريدها من عدمه
بالإضافة لوجوب تقديم تسهيلات لكل من يريد إحلال سيارته بسيارة جديدة وتخريد القديمة

أما القول بأن الناس في مصر غاويين تخليل لسيارتهم القديمة !!!
فأنا أتعجب منه
فإذا كنا سنطبق الفكر الأوربي هنا فعلينا أن نعلم الفرق بين حالة الناس الإقتصادية في مصر وأوروبا
وإذا كان كثير منا يمتلك سيارات قديمة ذات مشاكل كثيرة فهذا ليس من قبيل الوجاهة ولكنه تعبير عن الحالة الإقتصادية

وإذا كانت الدولة ستأخذ منا السيارات القديمة فعليها أن تقدم لنا البديل وإلا فسنأخذه بلا شك عن طريق القضاء

**Ghamrawy** · 26-06-2008 08:04 PM

اعتقد ان الحكومة دلوقتى كل همها هو الجنيه(الملطوش) اللى فى جيب كل واحد منا،يعنى لو حايدفعوا لكل واحد 10000 فى عربيته حايلموا قصادهم 30000 على الاقل جمارك و رسوم تنمية و ترخيص و ضرايب و لوح معدنية و تسجيل و دمغات و فوائد التقسيط مع البنوك و الدمغة النسبية و و و و و 60 الف حاجة تانية

**Mosso** · 26-06-2008 08:36 PM

والله يا جماعه ليه منبصلهاش من منظور تاني,
ملناش دعوه بقرار الحكومه بس لينا دعوه بمنظرنا الحضاري,,
الشعب المصري شعب ( كراكيبي عاطفي )
كراكيبي يعني مبيحبش يرمي حاجه و طول ما هو معاه الحاجه عمره مهيفكر يجيب غيرها و طبعا ده ليه اثر على حاجات كتير منها البيئه والمنظر و الامان و (الفروق الطبقيه )
و للاسف السيارات القديمه مصاريفها اكثر من الجديده بنسبه كبيره جدا
يعني مثلا لو واحد معاه سياره عمرها 30 سنه هيصرف عليها كل اسبوع 30-40 جنيه صيانه يعني في خلال شهر هيصرف حوالي 120-160جنيه
يعني في خلال 4شهور الي هي فتره متوسطه للمده بتاعة الصيانه بتاعة السياره الجديده هيصرف حوالي 480-640 و ده اغلى من معدل الي بيدفعه في الصيانه الدوريه لاي سياره جديده
بس الفرق ان ده بيدفعهم بالاسبوع (كانه قسط) و ده +{عدم امان,توقع مشاكل في الطريق,سياره غير مريحه,مظهر قديم,مشاكل في الصالح العام(لأن لما كل سياره بتعطل بتعطل مئات السيارات الي وراها)}
و الشعب بتاعنا عاطفي يعني يقولك انا مبيعش العربيه الي قضيت فيها احلى ايام عمري و ده برضه على حساب العوامل الي ذكرناها سابقا
انا مش مع انه يحتفظ بذكرياته الجميله بس مادام دي انت بتحبها قوي كده نضفها و صونها و متهملهاش
و كنت سمعت مقوله قبل كده معرفش هي صحيحه ولا لا
و هي ان الشعب الالماني بيقول احنا مش اغنياء عشان نجيب سيارات قديمه
و ده لان الفكر السائد في الدول دي ان الي معاه سياره قديمه بيعتبرها تحفه فبيهتم بيها و بتكون قطع غيارها اصليه و دي بتكون مكلفه لان انتاجها اتوقف
انما هنا في مصر بيروح صاحب السياره يخرط اي قطعه و يركبها و ده على حساب الامان
انا مؤيد بشده ان السيارات في مصر تكون ليها عمر افتراضي عشان عدة عوامل منها ((المنظر العام)) لان احنا كأمه اسلاميه و بيجيلنا سيّاح كتير المفروض ميبقاش منظرنا كده
ده اصلا هما الي اخدوا مننا النظافه و اصول العماره الحديثه لما فتحنا الاندلس
طب والله العظيم لسه شايف امبارح تاكسي رينو داتشيا القديم ده حاطط على الشنطه من الخلف رذه و قفل قافل بيهم الشنطه بس للاسف مكنش معايا كاميرا اصورها

**maged** · 26-06-2008 09:18 PM

اللى راح منكم الغردقه يشوف التاكسيات هناك شكلها حاجه تفرح فعلا
كلها لانسر زيرو وفيرنا زيرو ولانوس زيرو لكن معندهمش شاهين خالص عشان التكييف
والشرط هناك للترخيص ان تكون السيارة زيرو وبعد مرور 5 سنوات فقط يلغى الترخيص
عشان كده المنظر العام مذهل لدرجة انك ممكن تركن عربيتك وتاخد تاكسى انضف
ودايما يشغل التكييف

**Ahmed Anwer** · 27-06-2008 12:23 AM

السؤال ،،

هل في دول اخري بتربط التكهين بمدة معينة ؟؟؟

حسب علمي مفيش دول آخري بتطبق النظام ده ،،

الموضوع مرتبط بعوامل امان السيارة و حالتها العامة ،،

غير كده اعتقد محدهش من حقه ياخد قرار زي ده ،،

**MoToRiZeR** · 27-06-2008 01:58 AM

السؤال هو .. امتي ربنا هيتوب علينا من البلد دي !!

**hesham_tawfiq** · 27-06-2008 01:59 AM

المشاركة الأصلية كتبت بواسطة Ahmed Anwer

السؤال ،،

هل في دول اخري بتربط التكهين بمدة معينة ؟؟؟

حسب علمي مفيش دول آخري بتطبق النظام ده ،،

الموضوع مرتبط بعوامل امان السيارة و حالتها العامة ،،

غير كده اعتقد محدهش من حقه ياخد قرار زي ده ،،

كلام صح جدا
فرنسا لحد دلوقتى ماشيه فيها الرينو4 ( من الخمسينات ) والستروين.

**Ramy.Gamal** · 27-06-2008 03:21 AM

بس اندونسيا وماليزيا محدديين عمر العربيه ب 15 سنه فقط وكذلك قطر بس مش عارف كام سنه فى قطر بالظبط

**tutankhamoun** · 27-06-2008 10:15 AM

المشاركة الأصلية كتبت بواسطة hesham_tawfiq

كلام صح جدا
فرنسا لحد دلوقتى ماشيه فيها الرينو4 ( من الخمسينات ) والستروين.

السؤال ،،

هل في دول اخري بتربط التكهين بمدة معينة ؟؟؟

حسب علمي مفيش دول آخري بتطبق النظام ده ،،

الموضوع مرتبط بعوامل امان السيارة و حالتها العامة ،،

غير كده اعتقد محدهش من حقه ياخد قرار زي ده ،،

بس في الدول دي
مفيش عربية 128 و لا سيات 133 ماشية شمال على الطريق السريع بسرعة 40 كم / س و معطلة الطريق
مفيش في الدول دي
عربية ماشية مدخنة .......... تحط تحت الشكمان شوية لحمة مقددة و لا جبنة و تأخد أحلى جبنة و لحمة مدخنة

عدد العربيات دي قليل جدا برضه يعني نادرا لما تلاقي عربية منهم و بتكون عربية تاريخية مش بزرميط زي هنا

العربيات عليها إهتمام جامد جدا
لأنه لو مأهتمش بيها و طلع بيها في الشارع ........... هايتسجن ( أمن و متانة ) مش هايسحبه الرخصه !!!!

و زي ما قال الأخوة فيه دول كتير بتطبق نظام الوقت على عُمر السيارة
زي أندونيسا و ماليزيا و قطر ( أنا بكرر كلام الأخوة لأني أول مرة أسمعه بس انا مصدقهم )
في أوروربا صحيح مفيش قانون رسمي
بس فيه ظروف بتخليهم يرموها في مقالب الزبالة

أما القول بأن الناس في مصر غاويين تخليل لسيارتهم القديمة !!!
فأنا أتعجب منه

أيه مصدر التعجب يا بامشهندس

أنا مش معترض على تخليل العربية
أنا ذكرت حقيقة و أنا قلت إن الظروف مختلفة
بس القوانين في أوروبا بتأتي في صالح الأمان و السلامة على حساب سيارة قديمة صاحبها مش لاقي يشتري غيرها
بس
يعني مصلحة الأغلبية أهم من مصلحة الأقلية اللي معاها عربية قديمة و حالتها ضاربها السلك ( في أوروبا الكلام ده )

و أنا مع رأيك في موضوع التدريج و إيجاد البدائل ....