استهلاك بنزين جين 2 2008

**tutankhamoun** · 20-08-2012 09:56 AM

260 كم و التانك بيأخد 50 لتر
مستحيل ........ ده كدا العربية بتشرب بنزين ....... أو التانك مخروم أو فيه تسريب في دورة البنزين .

إنما لو الأستهلاك 220 كم ( يعني كل 100 كم بيعملوا 11 لتر ....... يبقى كدا معقول للأوتوماتيك الموديل اللي معاك )

العربية بتعمل فعلا من 220 إلى 250 كم في المتوسط لو سواقتك هادية و البنزين كويس و الكاوتش مظبوط و الموتور مظبوط .

مبروك عليك العربية

**shakman** · 20-08-2012 03:57 PM

المشاركة الأصلية كتبت بواسطة mahmoud85

استهلاك البنزين لما يكون 11.2 يعني الصفيحه ال 20 لتر بتعمل حوالي 220 كيلو وده معقول الي حد ما
بس هل ممكن تقول هي اوتوماتيك ولا مانيوال وياريت سعرها كام لاني ناوي اجيبها ان شاء الله

اعتقد ان هذا الكلام غير صحيح .... معنى ان استهلاك البنزين 11.2 كل 100 كيلو .. يؤدى الى ان تسير السيارة اقل من 180 كم فى الصفيحة...... معلومة اخيرة .. يجب تحديد السرعة مع الاستهلاك .. لان تكنولوجيا مواتير الكامبرو تعتمد على التوفير الشديد فى الاستهلاك تحت سرعة 100كم ...والاستهلاك الكبير جدا فى الاستهلاك بعد 120-130 كم

**mahmoud85** · 20-08-2012 03:59 PM

ياشكمان بيه انا اقصد لو 11 كيلو لكل لتر مش زي مانت حاسبها
شوفت بقا ان كلامك غلط

**shakman** · 20-08-2012 04:05 PM

المشاركة الأصلية كتبت بواسطة mahmoud85

ياشكمان بيه انا اقصد لو 11 كيلو لكل لتر مش زي مانت حاسبها
شوفت بقا ان كلامك غلط

يا افندم الاخ الفاضل اللى بيسأل قال 11.2 - 11.4 لتر ..مجبش سيرة كيلو دى خالص انتا جابتها منين ؟؟؟ ارجو التأكد قبل ابداء الاراء .. احسبها صح هتلاقى كلامى صح .. وتقبل احترامى

**yaseenmohamed** · 21-08-2012 12:24 AM

أولا ألف مبروك علي جينا
بس حضرتك موضحتش المسافه دي كانت السواقه شكلها ايه ...يعني جوه البلد ولا في السفر ..مع تشغيل التكيف ولا لا ...العربيه كانت محمله ولا لا....بيتهيألي انه افضل طريقه هي ان حضرتك تفول التانك للزور وبعدين تصفر عداد الرحلات وتمشي في طريق سريع مسافه معينه بسرعه ثابته (90) وترجع نفس المسافه دي وتتدخل نفس البنزينه وكمان نفس الطلمبه وتفول تاني للزور وبعدين تشوف استهلكت كام لتر في المسافه الكليه رايح جاي
ومبروك مره تانيه

**A7med Tarek** · 25-08-2012 12:20 AM

شكرا لكل اللي شارك في الموضوع
معدل الاستهلاك 11.2-11.4 لتر لكل 100 كم
والمعدل ده جوة البلد سرعة أقل من100
ومع تشغيل التكيف او لما مبشغلوش مش بتتغير بين ال 11.2 وال 11.4

**tutankhamoun** · 26-08-2012 08:16 AM

يا أستاذ أحمد ......... تجاهل تماما قراءة عداد الرحلات بعد أذنك للقياس الصحيح .
عداد الرحلات بيعطيك معدل القيادة مش الأستهلاك النهائي .

طريقة حساب الأستهلاك الصحيحة . (علشان تعرف عربيتك أٍستهلاكها مظبوط و لا لاءة )

تفول العربية على الآخر لغاية ما الزور يجيب بنزين .
و بعدين تمشي 100 أو 200 كم على طريق سريع بمعدل سرعة 90 - س
و بعدين ترجع على نفس البنزين و نفس الماكينة و تفول تاني . (مش لازم قوي نفس البنزين بس يفضل )
و تشوف في المرة التانية أخدت كام لتر بنزين .
و تقسم عدد الكيلومترات على عدد اللترات ......... يطلعلك تقريبا بنسبة 95 % أستهلاكك كام .

==========================================

لو عدد الرحلات عندك ثابت مش بيتغير
أعمله اعادة ضبط .

**A7med Tarek** · 26-08-2012 10:13 PM

المشاركة الأصلية كتبت بواسطة tutankhamoun

يا أستاذ أحمد ......... تجاهل تماما قراءة عداد الرحلات بعد أذنك للقياس الصحيح .
عداد الرحلات بيعطيك معدل القيادة مش الأستهلاك النهائي .

طريقة حساب الأستهلاك الصحيحة . (علشان تعرف عربيتك أٍستهلاكها مظبوط و لا لاءة )

تفول العربية على الآخر لغاية ما الزور يجيب بنزين .
و بعدين تمشي 100 أو 200 كم على طريق سريع بمعدل سرعة 90 - س
و بعدين ترجع على نفس البنزين و نفس الماكينة و تفول تاني . (مش لازم قوي نفس البنزين بس يفضل )
و تشوف في المرة التانية أخدت كام لتر بنزين .
و تقسم عدد الكيلومترات على عدد اللترات ......... يطلعلك تقريبا بنسبة 95 % أستهلاكك كام .

==========================================

لو عدد الرحلات عندك ثابت مش بيتغير
أعمله اعادة ضبط .

شكرا للاهتمام و التوضيح :) وان شاء الله هجرب واقولكم النتيجة