خرطوم التكييف 8 مللى اوبترا سرب الفريون للمرة الثانية!

يا شباب خرطوم التكييف اللى بيبقى تحت، ناحية المانيفولد (فرن الشكمان) سرب الفريون الصيف اللى فات، غيرته بخرطوم كورى من عند محمد سعيد (ورشة تكييف فى المعادى) ب 180 جنيه. الصيف ده برضه الخرطوم باظ وسرب الفريون بس مش كله، رحت لمحمد سعيد تانى قالى الخرطوم قلتله ايه حكايته قال هو بيبوظ عشان قريب من الفرن و السخونة بتأثر عليه وملوش حل.. مرضتش اغيره قبل ما اسأل على حل عندكم؟ مش معقوله كل صيف هغير خرطوم ب 180 و اشحن ب120، تكييف العربية دى زهقنى عشان بيبوظ كتير بس لما يتظبط بيبقى تلاجة...

فى حد حصل معاه العيب ده؟ ولا عشان عربيتى موديل يعتبر قديم (2006)؟

غيره تانى ولف عليه صوف حرارى عازل من بتاع تلاجات واربطه بكلابسات ربط من الى بربع جنيه وخلصت على كده ولا اى حراره حتأثر فيه ........ تحياتى

لو بيوبظ من السخونة حاول تعمله عزل حرارى عند اى حد بتاع تكيف يكون عنده ضمير وربنا يعوض عليك

اسال على الخرطوم فى التوكيل نفسه و ريح دماغك

دور عليه استيراد في صقر قريش المعادي

حتلاقي هناك واحد اسمه تامر مشهور اوي في الكوري

وشكرا

طيب الاستيراد ده هيعيش ولا برضه فتره و هيسرب؟ ما هو الاصلى بتاع العربية سرب.. ولو جبته اعزله او اعمله اى معالجة ولا اركبه زى ما هو؟