تجربتى للاستفاده منها

**ahmedsalam77** · 05-08-2012 01:10 PM

معايا لانوس 1 موديل 99 الاسبوع اللى فات كنت بسمع زنه أو نحره جامدة وأما طالع بالعربية وبعدين كان الفتيس بيعض وبياخد غيار بصعوبه كنت فى مكان ووريت العربية لمكانيكى مش بتاعى قالى دى بلية واسطوانة فتيس انا بينى وبنكو كنت زعلان قوى مس وقتها خالص لان الكلام ده كان هيدخله فى 500 جنيه المهم مشيت وقلت خلاص همشى بيها كده وخلاص لحد لما ربنا يسهل وتانى يوم رحت للميكانيكى بتاعى ربنا يستره قلتله انى شاكك فى الفتيس من غير مقله انى رحت لحد جرب العربيه ورجع نزل تحتها وحرك الماتور بعتله وقالى دى قاعدة ماتور والماتور راكن على الفتيس وهى سبب المشكلة المهم جبت قاعدتين كورى ب100 جنية وركبتهم والعربية بقت تمام جدا والحمد لله بسبب صناعى فاهم

**akmm** · 05-08-2012 01:54 PM

شكرا على عرض تجربتك وفعلا الصنايعى الفاهم الفكيك مهم واصبح عمله نادره .

**S O P H O S** · 05-08-2012 04:10 PM

الحمد الله علي حل المشكلة ..

**elshreef_hemo** · 05-08-2012 04:46 PM

مجموعة الدبرياج (ديسك واسطوانة وبلية) مش بتتلف مرة واحدة كدة وانتا ماشى والعربية مترضاش تتحرك ، بيبقى ليها مقدمات زى تقل الدبرياج صعوبة فى الاول والمارشدير ، ضعف السحب مع ارتفاع صوت الموتور بس فى كل الاعراض دى العربية بتبقى شغالة وماشية عادى

**S.Hasan** · 08-08-2012 03:12 AM

الحمد لله انك مسمعتش كلام اخينا ده

**tarek_2005** · 08-08-2012 12:20 PM

حاول انك متغيرش الصنايعي بتاعك لاسباب عديدة
1 - عارف تاريخ صيانة العربية \
2 - عارف الاجزاء الي راكبة حديثاً والقديمة والاصلية بتاعة العربية
3 - الراحة النفسية له
4 - مش هتقتنع بغيره