انا حاطط زيت فالفولين و برده حاجه محترمة
عرض للطباعة
انا حاطط زيت فالفولين و برده حاجه محترمة
ألف شكر شكله كده زيت كويس تسلملى
وهأتصل بجينز كار واشوف العنوان بالتفصيل واحاول اعدى عليهم بإذن الله
شكراً جزيلاً
تمام كده يا باشا يظهر انى دخلت الأمور فى بعضها ألف شكر على التوضيح
كل سنة وأنت بألف خير وسلام يا م. حاتم
كلامك معقول جداً والله وبصراحة قلقت من موضوع الضمان ده
انا بحاول اتصل بيهم دلوقتى عشان أأكد المعلومة ديه عشان لو كده هكون مضطر للأسف لاستخدام الزيت بتاعهم ومش هشترى الزيت اللى الأعضاء هنا بيشكروا فيه :(
مشكور مرة تانية على ذوقك وردك
الف شكر على ردك يا باشا
بس ياترى ده أحسن ولا زيت ليكوى؟
للاسف الكلام ده مش صحيح لان كل توكيل فيهم بيحط نوع زيت مختلف يعني يونايتد و مودرن بيحطوا موبيل و اوتو ايجبت بيحطوا توتال و السبع شل و لو لا قدر الله حصل حاجه في الموتور الزيت الي نازل يعني مش هايبقى مكتوب عليه نوعه و لو كلام حضرتك صحيح يبقى كان المفروض كلهم يلتزموا بنوع الزيت الي ملزوق جوا كبوت العربيه الي هوا موبيل و ثانيا طالما مواصفه الزيت الي حضرتك جايبه مطابقه لواصفة الموتور في المانيوال يبقى مفيش مشكله
تحياتي
اخي الكريم الفاضل كل التحية و التقدير لحضرتك
انا لا ادري اي كلام هو اللي غير صحيح
نحن هنا بننصح اخ فاضل فيجب ان يكون كلامنا دقيق حتي لا نضر به احد
حضرتك بتتكلم بالمنطق ( يعني بتتكلم ان بما ان مراكز الخدمة المعتمدة كل واحد منهم بيحط زيت مختلف يبقي من حق العميل انه يضع الزيت اللي يرتاح له بمعرفته في التوكيل بما انه زيت مطابق لمواصفات الجودة و الموتور و خلافه ) هذا اخي الكريم هو كلام العقل و كلام المنطق لا خلاف في ذلك
و لكن هذا لا يحدث في التوكيل بكل اسف
و من تجربة حدثت مع اخونا الفاضل المهندس اسامة و هو يمتلك قشقاي و تعامل مع اوتو ايجيبت و الراجل مجال تخصصه الزيوت و فاهم كويس اوي و مع ذلك حدث معه ما تقدم و ذكرته لاخونا الفاضل في مشاركتي
اذا و مما سبق فليس كل منطق بيتم في توكيلاتنا بكل اسف
و لهذا انا نبهت اخونا الفاضل بأن يحترس لان ما ذكرته انا هو ما يتم بالفعل و ليس كلام حضرتك المنطقي
تحياتي لك
بالنسبة لنوع الزيت http://www.nilemotors.net/Nile/301029-a.html
اما بالنسبة للضمان
انا لسه عامل صيانة الالف من كام يوم فى اوتو ايجبت ابو رواش
و كنت جايب الزيت معايا Leichtlauf High Tech 5 W-40 بتاع لوكى مولى
كل اللى الاخ كتبه زيادة فى امر الصيانة ان الزيت طرف العميل
و ماجابش سيرة الضمان نهائى
لكن لما قلت له انى عايز اركب وحدات رفع للشبابيك عندهم غفى اوتو ايجبت قال لى بلاش لاننا هنلعب فى ضفيرة الكهرباء بتاع العربيى و بكده ضفيرة الابواب حتخرج بره الضمان و نصحنى انى ما اعملش الحكاية دى على الاقل طول فترة الضمان (مع انى كنت حدفعلهم 700 جنيه لتركيب وحدات الرفع بس هما ما رضيوش) يبقا ازاى يقبلوا يحطوا نوع زيت مختلف لو ده فيه مشكلة؟
دا غير انى اعرف ناس كتيييييييييير اوى بتجيب الزيت بنفسها فى الصيانة و عمر ما حد قال ان ده يخرجها من الضمان
انا عملت الصيانة وحطيت الزيت بتاعهم توتال 10000
وده بعد ما قالولى فعلاً انهم بيكتبوا ان الزيت فى السيارة طرف العميل وعليه لا قدر الله لو حصل أى مشكلة فى الموتور بيرجعوا للورق ده وبيشوفوا كل حاجة العميل جابها عشان يخرجوا العيب من الضمان ويحملوا العميل التكاليف
لكن لو محصلشى حاجة يبقى مفيش مشاكل وكله تمام فأنا قلقت بصراحة وخليتهم يحطوا زيت توتال
وعلى العموم انا حاسس ان العربية بقت أفضل فى السحب وصوت الماتور معليش زى ما فيه بعض الناس قالت
فالحمد لله الخيرة فيما اختاره الله