هو فى اسكورت انجكشن ولا كلو كاربرتير.. انا اعرف ان
الاسكورت ال 1300 كاربرتير ..
ياترا فية منها انجكشن لان الصراحة العربية دى دخلة
دماغى اوى وعايز اجيبها
عرض للطباعة
هو فى اسكورت انجكشن ولا كلو كاربرتير.. انا اعرف ان
الاسكورت ال 1300 كاربرتير ..
ياترا فية منها انجكشن لان الصراحة العربية دى دخلة
دماغى اوى وعايز اجيبها
يا ريت لو سمحتم مزيد من المعلومات من ملاك السيارة عن ادائها وقطع الغيار واستهلاك البنزين لان العربية شكلها حلو وتحمل اسم فورد اسم كبير بس سعرها منخفض اية السبب؟
السعر المنخفض علشان مش ماشية في السوق
يعني مفيش منها كتير و مش مطلوبة
قطع غيارها ............ الله أعلم بوجودها من عدمه أو أنتشارها أقصد
كان معايا 1600 في انجلترا
إستهلاكها للبنزين كان عالي ...........
إجمالا عربية كويسة ............ بس متستناش منها كتير
و سيبك من موضوع اسم فورد اللي عليها
شكرا لردك يا استاذ توت
هوة المنتشر منها 1300,بس سعرها قليل فعلا 35000 وموديل 2001 و2000
طيب بالنسبة للفيستا؟سعرها من 33000 وبتنزل لغاية 28000
العربيات دي صناعتها اية ؟هية المفروض اوربي مش امريكي
هل صناعة الماني؟
اسف للتكرار ولكني فعلا متعجب لسعر الفيستا
سيبك من موضوع اسم فورد اللي عليها ؟؟؟؟؟؟؟؟؟ امال اعتبرها اية يا استاذ tutankhamoun وبعدين انا اللى شدنى للعربية دى انها تقيلة على الارض وموتورها يستحمل وواسعة من جوة بطريقة رهيبة ودى سمة من سمات الفورد لان الفورد ماركة اكيد عظيمة
أنت زعلت قوي كدا ليه يا أستاذ أحمد
الفورد ماركة كويسة
بس أنت بتتكلم على عربية مش منتشرة و قديمة و هاتتعبك في قطع الغيار
يبقى فورد فاددتك بأيه ؟؟؟؟؟؟؟؟؟؟؟؟؟؟؟؟؟؟؟
أيه الفائدة من كلمة فورد لو مفيش قطع غيار للعربية ؟؟؟
و العربية كانت معايا و مجربها ............. كويسة بس الكلام ده مش في مصر
فأنا قلت اللي أعرفه عنها
غير كدا تسأل التوكيل إن كان لها قطع غيار و تنزل تسأل محلات قطع الغيار ........... و تشوف أيه الأخبار
ما السيتروين عظيمة برضه ............. و ملهاش سوق قوي
و السوباورا .............. و ماركات تانية كتير
بس أيه اللي يريحني في تصليحه و قطع غياره ؟؟؟
ده اللي أشتريه
مش أشتري فورد علشان خاطر الشركة مشهورة و أروح ألبس العربية و ملقيش قطع غيار
و طبعا ده كلام عام
أنت تتأكد من تواجد قطع الغيار الأول و بعدين تقرر موضوع الشراء
لان العربية حلوة و لو لقيت قطع غيار متوفرة ......... يبقى أتكل على الله و أشتريها
الفورد إسكورت في منها تجميع ألماني وتجميع إنجليزي
انا معايا فورد إسكورت في السعودية موديل 1997
هي 1600 سي سي إنجيكشن .. موتور جبار .. تبريد عالي .. واسعة من جوه .. وتقيلة علي الرض وثباتها عالي ... ولكن (مش عليها إقبال) زي الفورد الأمريكي ...
أهم عيوبها ... قطع الغيار ... غالية جدا فوق الوصف
سألت واحد صاحبي يسألي علي مساعدين في مصر عشان كنت ناوي أنزل بيها
قالي ان قطع الغيار قليلة جدا وإن المساعد الواحد يعمل ألف جنية
العيب التاني ...
معقدة من جوة ومفيش أي صنايعي يقدر يعمل فيها حاجة
تصور إن كالون الباب عندي باظ ... حاولت أصلحة مينفعش ... لازم تجيب مكنة كاملة جديدة ...
اثناء الفك والتركيب ... حاجات كتير تبوظ ولا تصلح ثانية
مثال ... الأكصدام حاولت أفكة .. لقيتة مثبت علي مسمارين علي قطعة (فوم أو فبر)
بحيث مع لف المسامير تحفر مكانها ولا تصلح ثانية ...
نصيحة ... بالاش منها
لإنها ... رغم قوتها ... عيوبها أكبر
هو الكلام دة منطبق على الفيستا برضو ولا الاسكورت بس؟؟؟؟؟؟؟؟؟؟؟
اكيد يا جماعة اللى عندو اسكورت فى انجترا او اى بلد تانية اكيد فى اختلاف لان انا عرفت ان ال 1600 كاربراتير مش انجكشن وبعدين فى اسكورت فى بلاد تانية 1800 و2000 ونفس الشكل اللى فمصر
انا معايا يا زعيم فورد اسكورت 1600 كاربيراتير, العرابية زى الفل,قوة رهيبه عديت بيها من عرابيات كتير لقوة الموتور و ثباتها علي الارض.العرابية دي لو كلفتها هتبقي عربية عشرة علي عشرة و حمارة شغل بس من الاخر لو العرابية طلعت صوت ولو صغير اوي وانت صهينت هاتفتح بؤاها اوي و فى ناس بتفهم فيها بس سفاحين فلوس.من الاخر فورد اسم كبير مهدور حقها في مصر و لو نويت تشتري ابعتلي مايل علي international_donald@hotmail.com
الأسكورت عربيه جامده بس مصارفها كتير قوى و قطع الغيار غاليه جدآ
و قليل قوى انك تلاقى 1600 بحاله كويسه و توقع اى عربيه مستعمله هتصرف عليها و مش كل الناس بتفهم فى الفورد ولا كل ملاك الفورد بيصلحوا العربيه عند ميكانيكى متخصص
لو انت قدامك عربيه فورد نصيحه قبل ماتشترى روح التوكيل و اكشف عليها
يا جماعة انا روحت محل قطع غيار فى جسر السويس بتاع فوورد وقالى ان سعر فنوس كلو الاسكورت 125 جنية والمونديو 275 وانا شايف ان السعر دة مش عالى قوى للدرجة وكمان قالى ان الاسكورت ال 1300 قطع غيارة هيا اللى صعبة مش ال 1600 بالعكس ال 1600 موجودة اكتر ياترا اية الرد على الكلام دة (على فكرة الراجل فى جسر السويس بعد الالف مسكن)
الحقيقة مسئلتوش عن الفيستا انا سئلتو بس هل هيا عربية كويسة قالى اكثر من ممتازة وافضل من الابل كورسا موديل 94 ل 97 والله اعلم
هجيب اسعار قطع الغيار كلها ان شاء الله فى اقرب وقت ممكن
انا معايا فورد اسكورت 1300 موديل 98 السيارة ممتازة وثابتة جدا على الطريق وعلى السرعات العالية ما باحسش بيها كإجمالى ممتازة قطع الغيار متوفرة فى التوفيقية ويوجد محل فى شارع شامبليون الأسعار عالية ولكنها معمرة أنا سألت على مفتاح النور وجدته فى التوفيقية بـ 600 جنيه وفى شارع شامبليون بـ 750 جنيه (ملحوظة مفتاح النور ومفتاح المساحات ومياه تنظيف الزجاج الأمامى كله قطعة واحدة) فى الإجمالى أنا شاريها عاملة 64500 كم ومنتظر أن أغير تيل فرامل أمامى وأقراص الفرامل أمامى ومش محتاجة حاجة تانية.
أهم عيوبها ... قطع الغيار ... غالية جدا فوق الوصف
سألت واحد صاحبي يسألي علي مساعدين في مصر عشان كنت ناوي أنزل بيها
قالي ان قطع الغيار قليلة جدا وإن المساعد الواحد يعمل ألف جنيه
مش معقول السعر ده انا عندى زميل فى العمل معاه فورد سكورت 1300 ولسه مغير مساعدين جديد وسعر الواحد 450 جنيه
اة طبعا يا جماعة ازاى مساعد واحد بالاف لية هيا بى ام فئة 7
انا معايا فورد اسكورت 99 -1300cc -العربية ياجماعة ممتازة والله ثبات علي الطريق جميل جدا بجيب بيها 160 و170 تمام-البنزين استهلاكها ليه ممتاز -قطع الغيار موجوووووووووودة وغالية حاجة بسيطة جدا عن العربيات التانية بس معمررررة جداااا التكييف شغال تمام علي الرغم من انها 1300 - العربية شكلها حلو وفي الاخر انت راكب فورد -بصراحة انا مش شايفلها غير عيبين اتنين
1-لما تيجي تبيعها هتتعبك شوية ودا كلام يهم تاجر لكن لو واحد عادي هيشتري عربية وتقعد معاه يبقي العربية دي تمام
2-كانت مشكلة التوكيل في مصر انو غالي ولكن صاحب التوكيل اتغير وسمعت انو الصيانة في التوكيل بقت مش غالية(دا لو انت مش عايز تصلح بره يعني) اسف علي الاطالة ياجماعة انا رغيت كتير اوي بس بصراحة عشان حاسس ان العربية دي مظلومة فقلت اقول كلمة حق عن تجربة بقالها معايا 9 سنين من وهي عالزيرو ماشاء الله
السلام عليكم ممكن يا باشا تعرفني كنت جايبها بكام و تعمل كام دلؤتي عشان انا ناوى إن شاء الله اجيب واحدة 1300 بردو موديل 98 99
انا معايا فورد اسكورت 1300 موديل 98 السيارة ممتازة معايا من 10 سنين قطع الغيار سعراها عادي وبفكر اابيع السياره واجيب فوكاس الجديده
انا كان معايا اكسنت 1300 موديل 99 و بعدين جبت فورد اسكورت 1600 موديل 98 السيارة زى الفل سباتها على الطريق لحد 160
سحبتها جامدة جدا بتجيب من 0-100 فى 12.3 ثانية
اسعار قطع الغيار عاديه جدااااااااااااااا وموجوده الكلام بتاع مش موجوده دى كان زمان على فكره الفوكاس الجديده بدات تنتشرجدا ولسه المونديو ودى بيقوى التوكيل
يا جدعان فورد دي عربية أمريكي و معاها شيفروليه
ياريت تفعلوا المقاطعة ....
ربنا يجازيكوا خير ...