استفسار بخصوص السيينا ... وياريت جواب نهائي

**misry** · 05-08-2012 06:21 PM

السلام عليكم ...

يا جماعة انا بقالي فترة طوييييييييلة بدور على عربية في حدود 35 الف

وكل ما أسأل حد يقول لي هات اكسيل , بس انا مش مقتنع بيها وحابب

السيينا لكن عمالين يخوفوني منها وان قطع غيارها غالية ومفيش ميكانيكية

بيفهموا فيها (على فكرة أنا من طنطا مش القاهرة) وكمان اعادة البيع صعبة.

فايه رأيكم كمالكين ليها ... هل هي فعلا كويسة ولا هتطلع عيني وهدوخ على حاجتها
أنا اعرف ان ال1600 مش كويسة أنا بسأل على ال1400 ,,, هل تنصحوني بيها وللا لأ؟

على فكرة دي أول عربية ليا وعمري ما سقت قبل كده ...

هل ينفع العربية تتحول غاز وللا لأ ..؟

هل في ميكانيكية كويسين في طنطا بيشتغلوا فيها وهل قطع غيارها متوفرة ...؟؟؟

معلش طولت عليكم بس أنا محتار جدااا ... وياريت جواب نهائي

شكرا

**DONYO** · 05-08-2012 06:48 PM

انت كأنك بتسأل 128 ولا مرسيدس
السيينا طبعا

**nouranwar** · 05-08-2012 09:21 PM

حلوة و جميلة و قطع غيارها متوفر منها كذا نوع و بأسعار كتير فيه الرخيص و المتوسط و الغالي
بس اهم حاجة في العربية ديه حالتهااااااااااااا الحالة ثم الحالة ثم الحالة يعني تشوف عربية حالتها نضيفة جدا و بيتي و هي هتريحك جدا ان شاء الله علشان متقعش في عربية زي عربيتي و عندك مواضيع كتير عن السيينا هنا في المنتدي ادخل شوفهم و قرر
و بالتوفيق في الاختيار ان شاء الله

**twister_mido** · 05-08-2012 10:24 PM

انا كمان بفكر في السينا ونفس الكلام كله بيقولي لأ في ناس بتقولي بتسخن وومكن تجيب جوان ووش سلندر و الكلام ده ومش اي حد بيشتغل فيها يعني اشتري العربيه دي ولا لأ

**samyyousef** · 05-08-2012 10:47 PM

السلام عليكم
اهم شيئ عند شراء عربية مستعملة بصفة عامة الحالة
و في السيينا بصفة خاصة...لأنها لو فيها مشاكل حاتندم انك اشترتها دون اي عربية اخرى
اما لو حالتها كويسة فهي عربية واسعة و مريحة و بصفة عامة ممتازة
لكن طبعا مثلها مثل الاوروبي تكييفها في الظهر سيئ جدا

**magic girl** · 06-08-2012 02:29 PM

انا كنت برود محتارة بين الاكسيل و السيينا.. بس حسبتها لقيت الاكسيل موديل قديم و بصراحة شكلها حتى مش لذيذ, ده غير ان صعب تلاقى حالة كويسة فيها عشان غالباً بتبقى لفت على ناس كتير..
استخرت و جبت السيينا, كانت اغلى سنة بسيطة, بس 2004, ما شاء الله حلوة جداً, و سحبها جامد لدرجة انى جبت 120 و انا مش واخدة بالى..
و دى برود أول عربية ليا و ما شاء الله سهلة فى سواقتها جداً, و الباور بتاعها حلو أوى.. بس أهم حاجة فعلاً هى الحالة, اكشف عليها كويس جداً عشان متتعقدش منها أول ما تجيبها..

الحرارة معليتش عندى غير مرة واحدة و كانت غلطة منى عشان مكانش فيه مياة تقريباً فى الرادياتير.. زودتها و زى الفل.. ده غير انى هاشيك عليها بس هيا من ساعتها عن النص, ده و انا مشغلة التكييف فى الضهر كمان..

بالنسبة للتكيف هو الضهر بيبقى كويس أوى فى حالة لو ماشى على سرعات زى طريق سفر, و ساعتها مؤشر الحرارة كمان بيبقى عند أول شرطة بس.. لو فى طريق زحمة أدائه بيقل و الحرارة بتوصل النص تقريباً.. بس أعتقد إن ده طبيعى فى الأوروبى بصفة عامة..

**misry** · 06-08-2012 05:06 PM

كلامكم جميل جدا ...

الف شكر يا جماعة ... ادعولي الاقي حاجة حالتها كويسة

شكرااااااااا

**amur1010** · 08-08-2012 10:44 AM

السيينا 1400 جميلة جداً كنت عاوز اجيبها لكن لقيت واحدة 1600 بس حالتها كويسة فجبتها
لكن 1400 روعة
شكل جميل وسعر جميل وصيانة مش مكلفة بالمقارنة بحجات تانية
أتوكل على الله