الميكانيكى قالى ان العربية عايزة طقم شنبر اسكورت 1300 98 كنت عايز اعرف يتكلف كاااااااااام
عرض للطباعة
الميكانيكى قالى ان العربية عايزة طقم شنبر اسكورت 1300 98 كنت عايز اعرف يتكلف كاااااااااام
الأهم من تكلفة طقم الشنبر هو مين الميكانيكي اللي قالك كده؟ يعني ميكانيكي متخصص فورد ولا ميكانيكي عادي؟
فعلاً التشخيص ممكن يكون غلط من ميكانيكى عادى
الميكانيكى هو سيد خليل بتاع مركز الاخوة اللى فى الحلمية
انا لسة مغير زيت وفلتر من اسبوعين
انا لسه عامل طقم شنبر و بعد ما عملته اكتشفت انه مش هو العيب لان انا كان عندى اولسيهات الكرنك والكارتيره هى اللى بتجيب زيت فعلشان تتاكد بص الاول تحت العربيه وانت راكنها وشوف بتجيب زيت ولا لا
لو لقيتها بتجيب زيت يبقى شوف ممكن يكون هو ده العيب
تكلفه طقم الشنبر 210 جنيه برازيلى والالمانى كان ب 280 من عند ملك الشنابر فى التوفيقيه و عند الصيرفى كان ب 400 و عند سامى فخرى كان ب 1100 موتور كرافت الاصلى
طقم الجوانات كان ب 70 جنيه من عند ابراهيم سليمان فى التوفيقيه
برضه بص على العربيه وانت بتدور الصبح دوس بنزين جامد لو لقيتها بتطلع عادم ابيض تبقى محتاج تغير طقم جلد صباب و ده امره سهل ومش غالى بس هو مشكلته لو فكيت المكنه مصنعيته بتبقى غاليه فطالما انت كده كده بتعمل شغل هتدخل فى النص
بالله عليك تتابعنا بالتفاصيل وعملت ايه عشان انا كمان هعمل طقم شنبر لعربيتى عند احمد فرج وقالى ان كله هيتكلف حوالى 1250 جنيه
انا شخصيا ها خلى حد تانى يبص على العربية عشان انا متعاملتش مع سيد خليل قبل كدة وأول مرة اروح عنده انا طول عمرى بتعامل مع رمضان بتاع الحرفيين