هل الفليوانس عربية كثيرة الأعطال ولا لأ؟
أرجو الرد من اصحاب العربية مش اللي بيسمع.
عرض للطباعة
هل الفليوانس عربية كثيرة الأعطال ولا لأ؟
أرجو الرد من اصحاب العربية مش اللي بيسمع.
انسى يا معلم الأعطال تماما
العربية ما شاء الله عليها............لا غبار عليها....وعن تجربة طبعا
وتستاهل تبقى أغلى من كدة ........ودى ميزة تانية..........ان سعرها فيها
مافيش القلق بتاع الحساسات والفيوزات والكلام اللى فى الميجان 2
والعفشة الحمد لله .....مافيش اى شكاوى منها
الحاجات اللى فى الفلوانس
الطارة بتقشر وبتتغير فى الضمان بنوعية أحسن
عوامة البنزين بتهيس....تفول بنزين وماتلاقيش المؤشر وصل للآخر......وبرضه بتتغير فى الضمان
المساحات بتاعتها مش حلوة.....بتبوظ بسرعة.........واللى فى التوكيل غالية.....بس ممكن تشتريها من برة أرخص كتير.....بحوالى 60 جنيه
وبس كدة.......اى حاجة تانية فى بالك ....الفلوانس متفوقة فيها جدا
وأى سؤال تانى .....أنا تحت أمرك
الله يطمنك, متشكر جداً لردك.
العيوب اللي ذكرتها كلها مش مهمة, أنا كان قصدي الأعطال اللي زي كانت في الميجان, عشان والدة واحد صاحبي كان عندها بس كان كل شوية العربية تروح التوكيل مع انها كانت محافظة عليها.
تفتكر استعمال 20 الف كم 2011 يعمل كام مستعمل؟
و شاكر جدا ليك.
انا كنت شارى عربيتى كانت عاملة 24000 كم.....الفئة التانية اوتوماتيك.....اللى بيسموها e3 ....فبريكة برة وجوة ولسة فيها سنة ونص فى الضمان......كنت شاريها ب 116000
وبينى وبينك.........ماتشتريش أقل من الفئة دى.....ولو مش معاك فلوس......اصبر لغاية ما يجيلك فلوس...........أوعى تتسرع وتجيب أقل من الفئة دى
والعربيات النضيفة هى اللى ماسكة سعرها............ولازم تكشف فى التوكيل....وتتأكد انها فى الضمان
واعمل برضه الكشف عن العربيات المسروقة فى مباحث المرور قبل ما تدفع مليم
وبالتوفيق
تسلم يا باشا, هو اللي قدامي مكتوب أعلي فئة بدون فتحة سقف, و عاملة 103 الف.
يا تري دي أنهي فئة؟