تغير جوان التاكيهات للنوبيرا 2 "بالصور"
النوبيرا 2 فيها مشكلة معروفة بتاعت اويل سيل التاكيهات
في حلول كتير اسهلها تغير الجوان وفي ناس بتخرط 1 مللي من عند المسامير
المهم انا روحت للحل الاسهل
اول حاجة لو هتشتغل بأديك لازم العربية تكون باردة
حتحتاج
- كويل حديد "هقول لزمتة بعدين
- مفك عادي
- كتر
- بنسة
- مفتاح الن كاي 5مم
- ببة 10
وشوية مناديل
http://www.nileup.com//uploads/images/s77d7d33b95.jpg
هنفك الوش الفبر بالمفتاح ال الن كاي
http://www.nileup.com//uploads/images/s505735a6a4.jpg
بعد كدا هنفصل سلوك البوجيهات
وهنبدأ نفك المسامير ب الببة ال 10
الوش مربوط ب 15 مسمار
وبعد كدا في 3 خراطيم مربوطين في الوش من فوق هنفصلهم عشان نعرف نشتغل براحتنا
http://www.nileup.com//uploads/images/sa179e116ce.jpg
بعد ما نفصل كل حاجة ونبدا نشيل الوش هنخرج الجوان القديم
http://www.nileup.com//uploads/images/s57178bdb5d.jpg
وبعد كدا اهم حاجة
ننضف اللزق الحراري القديم بالكتر
الفرق باين في الصورة بين المكان اللي اتنضف تحت واللي فوق لسة
http://www.nileup.com//uploads/images/s7e68567665.jpg
ومننساش الوش بردو يتنضف كويس
انا بعد ما نضفتة غسلته غسلتة خفيفة بالبنزين
http://www.nileup.com//uploads/images/s156229a88a.jpg
نجيب الجوان الجديد ومننساش اللزق الحراري دا
انا اشتريت اويل سيل المفروض انه اصلي مكتوب علية gm koria ب 60 جنية واللزق دا ب 10 جنية
http://www.nileup.com//uploads/images/s35109d6250.jpg
نركب الجوان في الوش الفيبر من غير لزق
http://www.nileup.com//uploads/images/seb630ce738.jpg
نبدا نحط اللزق الحراري دا زي كدا
http://www.nileup.com//uploads/images/s1773692c1b.jpg
متنساش المكان اللي حوالين فتحة البوجيهات عشان هو دا اللي بيعمل المشكلة كلها
ونركب الوش في مكانة
ونتأكد ان كل حاجة في مكانها
هنبدا نربط المسامير زي ما فكيناها بس ما نربطش جامد
ونربط مسمار في وش مسمار
يعني ناخد اول واحد يمين بعد كدا اخر واحد شمال
ومتنساش متربطش المسامير جامد يدوب بس اول ما المسمار يتقل منك
بعد كدا نركب الخراطيم تاني
وناخد بالنا من الخرطوم اللي في اليمين عشان دا هيركبلة الكويل الحديد اللي قولت علية في الاول
http://www.nileup.com//uploads/images/s99948ab280.jpg
http://www.nileup.com//uploads/images/sa292133096.jpg
ونسيب بعد كدا سيب العربية زي ما هيا كدا نص ساعة مثلا وبعد كدا نربط المسامير كويس
كدا تمام مبروك عليك :grinder: