عرض للطباعة
السلام عليكم حبايبى اللى واحشنى من زمااااااان انا كان معايا ستروين اكسارا و بغير و اجيب كرايسلر ستراتوس و العربيه محتاجة شويه حاجات عاوز اعرف بكام و منين ارجوكم فى اسرع وقت
1 عاوز موتور ..ايون موتور استراتوس
2 محتاج قواعد الفيتيس
3 محتاج اعرف مين بيبيع استيراد فى الحرفين ولو فى حد قريب من فيصل ممكن اعزمكم على مهلبيه
و عيوب العربيه و مميزاتها ان وجد
شكرا يا احلى منتدى فى جمهورية مصر العالمية
اخوكم احمد
عيوب العربيه ال 2000 سى سى والترخيص
ومره قريت على موقع اجنبى انها افشل عربيه كرايسلر نزلت :))
محدش هيفيدك هنا اوى
انزل الحرفين وخد لفه
اولا تسلم يا غالى على الرد السريع الجميل ده ثانيا قواعد مصر بتختلف تماما عن اى دولة بمعنى ان مصر فيها ستراتوس و نيون و هما العربيتين اللى دودج او كرايسلر بيتبروا منهم علشان فاشلين رغم كده كل الناس بتشكر فيهم و سنه 99 كانت النيون هى احلى عربيه فى البلد و بتاعة الفئة الراقيه و مكاتب الايجار ثالثا احنا فى المنتدى بتاع ستروين كلنا بنسلم بعض الخيوط علشان نعرف نوصل لحل اى مشكله مش عارف ليه المنتدى هنا حاسه نايم حبتين عاوز نصحصحه يا باشا و اخيرا شكرا تانىاقتباس:
المشاركة الأصلية كتبت بواسطة ahmad--ezzat
انا بصراحة نفسي و امنية حياتي اركب 300m موديل 1999 -2004
بس طبعا دي 3500 سىسى و ضريبيتهل لووووووووز و قطع غيار مش حالاقيها و غالية موووووز
بس برضوا كل ما بشوفها في الشارع الشيطان بيلعب في ديماغي و بيقوللي ماتجيبها
لا يا كبير انا سمعت ان قطع غيارها موجوده فى صقر قريش و الله اعلم يعنى ما شوغتهاش بعينى و هى غاليه جدا جدا جدا الاكسسوارات بتاعتها مش موجوده حتى عند اى وكيل و الضريبه دوول المشاكل انما المميزات ياروحى عليها عربيه شتراوس الجنزبيل شكل تبات قوة رفاهية و علشان الموتور بتاعها كبير هتلاقيها مهما كانت قديمة مش ماشية كتيراقتباس:
المشاركة الأصلية كتبت بواسطة ehab666666
مهو طبعا غول بنزين
انا سئلت ناس معاهم العربية دي الضريبة 1200 في السنة و صاحبها بصراحة قاللي ان هوا بيحب يركبها عن المرسيدس معاه تقريبا c200 بس قاللي ان اللي يحب يجيب العربية دي لازم يكون مرتاح ماديا اووووووي
يا باشا عندك الخواجة في فيصل عنده كل حاجة بتاعت الامريكانياقتباس:
المشاركة الأصلية كتبت بواسطة scaniax
وفي صقر قريش في المعادي
وفي معروف في وسط البلد
هو لازم تركب نفس الموتور