الموضوع: تقرير زياره فرع غبور اسيـــوط

السلام عليكم و رحمه الله وبركاته

كل سنه و انتم طيبين يا نجوم.

بعد الموضوع ده http://www.nilemotors.net/Nile/302270-a.html قولت اروح اصلح عند غبور و اهو بالمره اتفرج ع الفرع الجديد.
وصلت عندهم الساعه 9 بالظبط و قولت اكيد مش هلاقي حد و خصوصا اننا في رمضان و توقعت وجود مواعيد خاصه برمضان و انهم مش هيشتغلوا قبا تسعه و نص او حتي 10 بس لقيت نفسي فاضي و زهقان قومت واخد اخويا و رايحين و احنا و نصيبنا.
الغريبه اني لقيت العامل بيقولي المهندسين موجودين من الساعه 8 و نص !!!! معقول
طبعا المنظر من بره فخم جدا علي الاقل مقارنه لامركز اليتيم ال عندنا في اسيوط و show room كبير جدا واقفه فيه سوناتا و حاجه تاني صغيره هاتشباك يا عيني و فاضي و شكله يكسف .
دخلت و ركنت العربيه و قابلت مهندس الاستقبال و قالي هتعمل صيانه الـ كام؟..قولتله لأ دي المشطله وجود ريحه بنزين في الصالون...راح كاتب علي طول التكلفه 100 جنيه..قولتله انت كده خلاص شخصت؟ قال:اه...قولتله غطا طرمبه الينزين مش كده ؟ ....قالي ايوه..و ربنا يخلي نايل موتورز و شبابه ال رافعين راسنا في كل مكان .
طلعنا فوق نتفرج ع السياره من خلف الزجاج كأننا في عنايه مركزه و اشتغلوا فيها تقريبا 15 دقيقه و الحمد لله اغلب الشغل بيعمله المهندس مش صنايعيه عاديين.و كانت التكلفه 78 جنيه
الايجابيات ان المكان منتهي الجمال و المعامله كويسه جدا لكن مش هنقدر نحكم علي الكفاءه الفنيه لأن الموضوع واضح انه مش عويص
السلبيات : التنظيم مش علي ما يجب..يعني الصنايعي شاورلي ان العربيه خلصت فـ نزلت تحت فضلت قاعد مش لاقي اي بني ادم و بعد ما المهندس جه قالي دفعت؟ قولتله ايش عرفني ادفع فين ولا اني المفروض اروح ادفع اساسا بدل منا قاعد ملطوع كده..روحت ادفه لقيت الباشا التاني قالي لسه امر الشغل مخلصش...طيب يا عم..قعد بتاع تلت ساعه يعمل في امر الشغل مش عارف ازاي شغلوه في غبور اساسا....بيتعامل مع الكمبيوتر ببطء شديد مع انه بتاع 23 سنه .الحاجه التانيه انهم مش بيحافظوا علي نضافه العربيه,المفروض بيحطوا كيس علي كرسي السواق و علي التاره,,,معملوش كده و الصنايعي الباشا بعد ما اشتغل في الطرمبه و البنزين قام راكب العربيه ببنزينه بترابه و طلعها بره بعد ما خلصوا شغل !!!!! .
و دول كام صوره للمكان
ده الريسبشن



و ده المنظر من وراء الزجاج




و ده مكان انتظار العملاء خلف الزجاج

المشاركة الأصلية كتبت بواسطة Khaled Lanos

ألف مبروك ياباشا..وشكرا على التقرير

الله يبارك فيك يا خالد...العفــــو

المشاركة الأصلية كتبت بواسطة BuNsH_FoX

تسلم يادوك على التقــــرير .. وربنا يباركلك فى السنيورة
بــــــس كويس ان هبــــــور ابتدى يهتـــــم بعملاء (ودية نقـــــطة تحسب لة) عقـــــبال مايهتم بعربيات كـــــمان ويبطل لعـــــب ونخورة فيهـــــا ..

حبيــبي ..ربما يهدي غبور يا رب هههههههههه