لو سمحت ضرورى عايز وصف تفصيلى للطريق من من ميدنة نصر لفندق جراند ستيلا دى مارى العين السخنة وشكراً
لو سمحت ضرورى عايز وصف تفصيلى للطريق من من ميدنة نصر لفندق جراند ستيلا دى مارى العين السخنة وشكراً
من مدينة نصر تطلع على محور الشهيد (من جنب قسم مدينة نصر 2 و تدى ضهرك للاوتوستراد و طوالى) هتلاقى كوبرى ما تطلعوش و طوالى هتوصل ميدان تكمل هتلاقى نفق تنزله و تخش شمال بعد النفق و يمين من بعد بنزينة وطنيه كده انت على طريق العين السخنه تاخد الطريق لاخره و هتخش يمين و تعمل يوترن و ترجع طوالى حوالى 10-15 كيلو هتلاقى ستلا على يمينك
شكرا يا باشا على الشرح بس سؤال للتوضيح يعنى انا ادخل شارع المخيم الدائم الشارع الى فيه نادى مدينة نصر وافضل ماشى على طول لحد لما ألاقى الكوبرى ماتطلعوش واكمل طوالى هلاقى نفق ممكن اسمه ؟؟؟ انزله وبعد ما يخلص اخش اول شمال وبعدين اول يمين بعد بنزينة وطنية وبعد كده هبقى جوة طريق السخنة افضل طوالى جواه يخلص هخش يمين اجبارى وبعدين ارجع اول u ترن امشى 10 -15 كيلو هلاقى استلا على اليمين واضحة صح كده وممكن اى مكان قبلها علشان اخد بالى يعنى هى بعد ايه ؟؟؟؟؟
تمام كده ... المخيم الدائم و بعد ما تعدى من جنب بنزينة تعاون الشرطه (اللى على شمالك) هتلاقى مطلع الكوبرى الجديد ما تطلعوش و من جنبه هتلاقى وطنيه على يمينك و انت طوالى و هتعدى مطلع المقطم على يمينك و طوالى برضه ... بعد شويه اويليبيا على الشمال يبقى انت داخل على ميدان و خلى بالك فى مطب قبل الميدان ...ز هتعدى الميدان (مفيش لف مجرد كأنك ماشى طوالى) هتلاقى نفق (مالوش اسم هو بيعديك تحت الدائرى و ممكن يكون اسمه نفق القطاميه لأنه بيطلع على اول طريق القطاميه) بعديه ميدان تانى هتخش شمال و هتلاقى بنزينة وطنيه تخش من جنبها يمين ... زى ما انت قلت اخر الطريق مجبر تخش يمين و تلف يوترن ... مش فاكر بصراحه علامات عند ستلا بس هتلاقى يفط و هى جنب هورايزون الوادى
تمام يا باشا الف شكر على شرحك وانا الحمدلله رحت والطريق زى ما شرحت بالظبط الله يخليك احب بس اضيف ان ستيلا بعد 8 كيلو من اليو ترن وشكرا مرة اخرى
تمام لما حد يسأل تانى هبلغه انها حوالى 8 كيلو بعد اليوترن :)
الحمد لله على سلامتك
ان عندى مشكلة فى العودة نفسى ارجع من نفس الطريق الى هو محور الشهيد ممكن شرح مشوار العودة بعد ما أخلص طريق الجيش
اخر الطريق هتلاقى شوية مطبات و هتخش يمين اجبارى ... هتلف يوترن و ترجع من اى فتحه فى السور اللى فى النص (كانك دخلت شمال بعد المطبات) و شويه هتلاقى الطريق فيه زى مدق بينقلك من فوق الجزيره اللى فى النص للناحيه التانيه و منها على ميدان تخش فيه يمين و تعى من تحت الدائرى و تطلع ميدان تلف ربع لفه كانك دخلت شمال اوله هتلاقى بنزينة اويل ليبيا و طوالى ده محور الشهيد
خلى بالك لو سرحت بعد المطبات هتلاقى يوترنرسمى بس ده هيطلعك على الدائرى اتجاه التجمع
معلش يا جماعة مش عارف افهمها انا بعد ما بخلص الطريق الإجبارى بلاقى قدامى طريق مكسر فى وشى يمين عالى وشمالى زى ما يكون طريق عكسى
انا بخش فى الوش وبعد كده شمال بلاقى نفسى فى الدائرى وبروح عن طريق زهراء مدينة نصر مش محور الشهيد انا مش فاهم اخش ازاى زى ما رحت