السلام عليكم .... كنت عاوز اعرف هوا الكشاف اللى فوق نمر العربية بيشتغل ازاى لان انا شفتة بس مش بيشتغل مع النور هل هوا زينة بس كدا ولا هوا بيشتغل فعلا ولا اعمل ايه عشان اشغلة ياريت لو حد جرب يشغلة يقولى وجزاكم الله كل خير وكل عام وانتم بخير
عرض للطباعة
السلام عليكم .... كنت عاوز اعرف هوا الكشاف اللى فوق نمر العربية بيشتغل ازاى لان انا شفتة بس مش بيشتغل مع النور هل هوا زينة بس كدا ولا هوا بيشتغل فعلا ولا اعمل ايه عشان اشغلة ياريت لو حد جرب يشغلة يقولى وجزاكم الله كل خير وكل عام وانتم بخير
لازم الكشاف ده ينور مع النور السهاري عشان يكشف النمر بليل
ده بره لو مش شغال تاخد مخالفه عليه :)
متشكر لردك بس انا بسال عن ازاى اشغلة ف ام 11 خصوصا لان انا شفته موجود لكن لايعمل مع الضوء السهارى
منتظر حد من ملاك ام 11 يفيدنى ف الموضوع دا
المفروض أن إنت أول ماتشغل الضوء على الأتو (auto)كل أنور العربية تنور ماعدا فوانيس الضباب ودام وورا دول لازم تشد الدراع عليك مرة ومرة كمان علشان فانوس الضباب الي ورا لو النور بتاع النمر منورش يبقى كده في مشكلة في اللمبة تقريبا فإنتى جرب تجيبو على الاوتو وشوف وإن شاء الله ينور معاك
انا جبتة ع الاوتو ومشتغلش خالص مش عارف هل هوا فية مشكلة ولا مش متوصل ولا ايه ولا دا طبيعى ف الام 11
المفترض انه يشتغل مع النور الصغير
جرب وشوف كده
هو الموضوع مش موضوع ام 11 بالذات
هو في كل عربيات العالم بينور مع النور السهاري
فكون انه ميشتغلش يبقى كده فيه مشكله
بص على خريطه الفيوزات لو لقيت حاجه باي من الكلمات التاليه (number plate,plate panel) ده كده معناه ان ليها فيوز ساعتها غيره اما لو مفيش وكل اللمض شغاله عادي جرب تخبط عليهم لو منوروش فك واحد منهم وجرب اللمبه بتاعته يمكن متشاله ولا حاجه
انا جربت كل الاوضاع مشتغلوش انا بسال بس حد معاه ام 11 جايز هيا نازلة كدا من غير ما يشتغلوا او زينة بس فلو حد معاة ام 11 وشغالين معاه هعرف ساعتها انها مشكلة عندى بس فهبدا ادور ع حل لكن لو عامة يبقى ممكن تكون زينة بس او ملهاش وصلة كهربا او اى حاجة
بس العربية بقالها شهرين بس واعتقد انى مشفتوش منور من اول ما جبتها عشان كدا انا محتاج حد معاة نفس العربية لانها ممكن تكون بتنزل كدا
ولو ف مشكلة فعلا استنى ف صيانة ال 5 الاف ف التوكيل ولا اعمل ايه