السلام عليكم يا رجالة
كنت بفكر من فترة كبيرة انى ابيع العربية اللى عندى، واجيب عربية جديدة
وكانت المزانية تقريبا زى أغلب الناس اللى بتفكر تجيب زيرو ، تحت الـ١٠٠ ألف جنية (حوالى ٨٠ ألف كدة)
لما جيت ابوص على العربيات اللى فى الرينج دة، وأشوف مواصفتها والأمان وكدة
اكتشفت أنها لا فيها مواصفات، ولا أمان ولا أى بتنجان، وانك علشان تركب عربية (بنت ناس) لا هى فخمة ولا مرفهة (بمقايس الدول النضيفة) محتاج مش أقل من ١٣٠ ١٥٠ ألف، وبرضة هتكون مش أمان زى اللى برة
ومع `لك الناس مضطرة أنها تشترى عربيات دى، والبنوك ساعدت ناس كتير على انها تجيب عربية، والمثل برضة بيقول حمارتك العارجة ولا سؤال اللئيم
كل اللى فات دة معروف، ومش محتاج نباهة، امال انا عامل الموضوع دة لية?
دلوقت الجمارك محطوطة (على حد علمى الشخصى، وياريت حد يصحح لى لو غلط) علشان تحد من عدد العربيات اللى فى الشارع والزحمة والكلام دة
ومع كدة الناس برضة بتشترى عربيات فى الغالب سكة من غير أمان، والعربيات بتكتر والدنيا لأسؤاء وأسواء
السؤال هنا، لية منلغيش الجمارك على العربيات، بشرط أن العربية المستوردة من برة تكون ٥ نجوم أختبارات أمان وكاملة من وسائل الأمان والشاسية الصالون بتعها يكون ليها مواصفات جودة مصرية تضمن الحد الأدنى من الأمان?? ويمنعوا أستيراد العربيات الكفتة اللى بنشتريها?
والعرببات دى هتبقى فى الغالب نفس سعر العربيات السكة اللى بنرمى فيها فلوسنا، يعنى نسبة الأقبال هتكون هى هى تقريبا، بس الفرق انك احترمت الناس، وقللت الأعطال ونسبة وقع الحوادث?
أتمنى أسمع رأيكم