الموضوع: الجنيسس الكوبيه تكتسح الكامارو امام جامعة مصر !!

السلام عليكم ورحمة الله وبركاته

زميلة عزيزة كانت معايا في الجامعة معاها هيونداي جنيسس كوبيه 3.8

بغض النظر عن العربية فالبنت دي من هواة الشد ومطرقعة لشباب كتير اوي

قلبها ميت من الاخر

الى غير ان معاها عربية مساعداها وطبعا قليل اللى معاه عربية يعرف يسد مع جنيسس كوبيه بماتور 3800 !!

العربية لونها احمر ومعلقة نمر جمرك !! اعتقد اللى في جامعة اكتوبر او مصر وبيمشي على المحور في وقت الضهر كتير ممكن يكون شافها

ندخل في الموضوع مباشرة

الموضوع اتحكالي يعني انا ماشفتش بعيني بس اتحكالي من اكتر من شخص وده اللى اكدلي صحة المعلومة وقلت احكيلكو

بإختصار كانت بتاخد المطب اللى على المحور في وش جامعة مصر

وقابلها على المطب واحد باين عليه خليجي معاه كامارو

المهم نزلو من على المطب وهوووب قامو دايسين

والمفاجاة ان الجنيسس تطرقع للكامارو !! وتطلع منها

الكلام ده من المطب للمطب اللى بعده وبعدها نفس الكلام قامت طالعة منه تاني

غالبا الكامارو كانت ال 3000 مش ال 5.7 !! لان اعتقد لو ال 5.7 كان الموضوع انتهى من اول دوسة بنزين

لكن كل اللى شاف الموقف وحكالي بيشيد بإداء الجنيسس وصوت ماتورها مع الحرق !!

خصوصا اني مرة قابلتها على المحور وقلت لما اسخنها واتفرج وده انا شفته بعيني !!

بس للاسف مالحقتش اتفرج كتير لانها في ثواني معدودة كانت اختفت من قدامي

لكن بصراحة والحق يقال - على الرغم من اني مش بحب العربيات الكوري -

الا ان العربية دي هاندلنج وماتور وثبات اكثر من رائع وانا شفت العربية بعيني وهي بتاخد غرزة قطم وبالتلت والاربع غرز ورا بعض !! العربية ماشاء الله 10/10

العربية فعلا تستحق التجربة
ماحدش بقى يعرف سعرها في مصر كام ؟؟؟؟؟ اصل بفكر في واحدة