الرجاء الدخول والمساعدة شيفرولية 2008 اوتوماتك
السلام عليكم ورحمه الله
الموضوع ابتدى من كام يوم كنت ماشي على الدائري وابص الاقي مؤشر الحرارة وصل للاخر
هديت شوية وركنت على جنب استنيت 10 دقايق فتحت الغطى بتاع مية الراديتير والاقي ان مفيش ولا نقطة ميه وقفت عربية بعد نص ساعه محدش كان راضي يوقف اكيد والحمد لله واتملت ميه بعديها نزلت للمهندسين بعد نص ساعه بلضبط عملت معايا نفس المشكلة انا قلت اكيد في حاجة حطيت ميه تاني وراقبتها لقيتها بتسرب ميه بطريقة غبية وبسرعه انا اتفاجئت وقلت العربية اكيد فيها مشكلة لازم اروح التوكيل
نزلت التوكيل وياريت منزلت النهردا بيكلمني بيقولي انها 80% جابت وش سلندر وسعره 6000 جنية
وخرطوم التكييف بايظ ب 600 جنية وكمان صيانه ب 2800 جنية انا اتصدمت من الاسعار الخيالية دي
يعني ممكن الكلام ده يخشلو ب 9000 جنية معنديش كل الامكانية دي
انا مش عارف اعمل ايه بصراحة هل الاسعار تستحق اني اعمل الوش ولا اسيبو دلوقتي ولله مصدوم لحد اللحظة دي لكن الدنيا دي قسمة ونصيب والحمد لله على كل حال نصائحكم يا رجالة واعمل ايه في الورطة دي