عرض للطباعة
حد يساعدني يا جماعة أنا غلبت مع تكييف العربية عندي ولفيت على أكتر من واحد وكل واحد يقولي حاجة مختلفة المشكلة عندي إن التكييف بيكون زي الفل طول ما أنا ماشي بالعربية لكن أول مابقف في زحمة بالنهار التكيف ملوش لازمة كده كده بالليل بيكون كويس ولما بكون شحنه على ضغط معين و أروح اكشف عليه ألاقي الضغط ده زاد كتير أكتر من 5 بار والزيادة دي بتكون هوا طبعا
يا ريت حد يقولي العيب عندي كده من إيه عشان أنا صرفت أكتر من ألف جنيه لحد دلوقتي ومفيش فايدة
العربية بيجو 307
التكيف ضغطه ينقص ميزدش ومش فاهم يعنى ايه 5 بار ليه هو مشحون كام بار اساسا
وشوف العربيه لما التبريد يقل بتسمع صوت المروحه من بره العربيه شديد ولا صوتها ضعيف
هو المفروض شحنه الطبيعي بيكون 22 لكن لما بروح اكشف عليه الاقيه 27 او اقل حاجة بسيطة يعني كل ما المدة تطول الطغط يزيد
والمروحة عندي قالي ان سرعتها كويسة مش واطية ولا حاجة انا خايف الطغط العالي ده يبوظ الكمبريسور دا اذا مكنش العيب منه اصلا
22 إيه؟ إنت قصدك 220 psi ؟
هل الكمبرسور بيفصل من الضغط العالي؟
انا مش عارف بالظبط العداد بانهي وحدة لكن اللي اعرفه ان كل مرة لما اروح اكشف لازم اللي بروحله ايا كان يفضيلي هوا اد كدة ويقولي الضغط عندك عالي وغالبا عندي الكمبروسور مبيفصلش لان من ساعة مبشغل التكييف لحد مبوصل المشوار بتاعي حتي لو كان سفر صوت التكييف بيفضل زي مهو مبيتغيرش لا بيوطي ولا بيعلي
والعربيه واقفه لازم التبريد هيقل
انت محتاج حد يكون ركب كذا عربيه زيرو ويركب معاك عشان يقولك الأمور عندك عاديه بالنسبه لبلدنا ولا لا
وبرضه الضغط يزيد معتقدش ينفع
ومقولتش لما بتقف جمب العربيه والتكيف شغال فى الحر بتسمع صوت المراوح عالى ولا مش مسموع
والف جنيه اتصرفوا فى ايه
انت محتاج تتابع العربيه بهدوء والكبوت مفتوح مره باليل ومره بالنهار وان شاء الله هتوصل للمشكله
لا الموضوع مش موضوع تبريد بيقل لا العربية بتكون حر جدا واللي ورا ده معندوش هوا خالص العربية بتاعتي انا ركبت زيها وتكيفها كان ما شاء الله حلو جدا
صوت المراوح عندي شغال يعني انا عندي مروحة واحدة من غير تكييف بتكون واطية واول ما افتح التكييف تشتغل علي العالي يعني مفيهاش مشكلة وانا صرفت اكتر من الف جنيه عند اكتر من واحد صايعي يقولي الفريون عندك وحش ويغيرو والتاني يقولي دورة التبريد عايزة تتنضف ويفضي الفريون برضو و يحط غيرو وحد تالت يفك الكباس ويقولي بيفوت
ما فيش حاجة اسمها هوا يدخل الدايرة و يزود الضغط.....ضغط الدايرة اعلى من الضغط الجوي....الهوا يدخل لو في تنفيس في الدايرة بس في الحالة دي الضغط بيبقى قليل عموما
ارتفاع الضغط معناه ان في حاجة سادة او عاملة اعاقة......ممكن يكون الفلتر او حاجة تانية زي ان الكوندينسر فيه مواسير مقفولة(هل خبطت العربية من قدام؟).....بس كبداية شوف الفلتر......حط ايدك على الماسورة الي داخلاه و على الي خارجة منه و شوف لو في فرق في درجة حرارتهم....اذا في اختلاف دا معناه ان الفلتر مسدود (خلي بالك ان المواسير بتبقى سخنة)....روح لحد فاهم و متعملش حاجة انت جربتها بالفعل زي الشحن و التفضية
طيب أروح لمين يكون فاهم جدا عشان أنا تعبت من الصنايعية أنا ساكن في أكتوبر بس مش مشكلة لو حد بعيد عني بس يكون كويس وعنده ضمير
في مراكز كتير ...بس عشان تبقى قريب من كل حاجة روح الحرفيين في مركز إسمو سكارو في ناس بتشكر فيه ....وبردو في غيرو كتير
لازم يوصل للمشكله قبل ما يروح لصنايعى لأنه كده ممكن يدفع تانى من غير داعى
لو كنت غيرت البطرية قريب، إنت محتاج تروح التوكيل يعيد برمجة الكونترولر. حصلتلي مرة في الفورد ، التكييف حلو قوي لما أمشي بسرعة و ضعيف جداً في الزحمة. أو ممكن تجرب حاجة تانية، و إنت في الزحمة، إفتح الكبوت و حط ايدك على مواسير الفريون، لو صقعة قوي يبقى عندك مشكلة في الترموستات، لو سخنة يبقى الكومبرسور فصل.
طبعا يستحسن الواحد يبقى عارف إيه سبب المشكلة قبل ما يصلح أي حاجة ............بس هو محتاج يروح لصنايعي فاهم عشان يعرف إيه المشكلة....ده إذا كان الصنايعية إلي رحلهم قبل كدا ماعرفوش... حيعرف هو ازاياقتباس:
المشاركة الأصلية كتبت بواسطة houras1010
ما أنا بسأل هنا عشان احاول أعرف المشكلة قبل ما أروح لصنايعي تاني ويعمل عليا شغل تاني لاني مش مستعد ادفع مليم تاني من غير لازمة