حكايتى مع تظبيط الزوايا و العفشة
امبارح رحت بريدجستون اللى على البحر فى لوران قلت اظبط زوايا علشان العربية بقالها مدة كده مش مظبوطة حطها على الجهاز قالى انت واخد خبطة ورا قلتله لأ قالى العجلة اللى ورا شمال معوجة 1.5 لجوه و فوق الدنجل دا ملوح قلتله حله ايه قالى بتاع عفشة او بتاع دناجل؟؟؟؟ (انا كنت اول مرة اسمع ان فى حد بتاع دناجل)
المهم رحت عن واحد بتاع عفشة فى الحرفيين اعرفه صنايعى شاطر كشف عليها بميزان المياة و قالى انا حفك الدنجل و اعدله و كمان انت عندك العجلة اليمين ورا ملوحة درجة المهم فك الدنجل و قعد يدق عليه و يركب العجل و يكشف عليه بميزان المياة لحد ما قالى كده بقه تمام وراح مركب كل حاجة و العلربية الحدفة اللى فيها راحت (الحمد لله) و العفشة اتظبطت و كله تمام بس قالى الفرامل ضعيفة جاب ميكانيكى قالى العربية عمللا صليبة عجلة يمين قدام و عجلة شمال ورا مش بيجيبوا زيت قالى من الاخر العيب عندك فى الماستر ماستر الفرامل عايز يتغير ف قلتلةا حشوف و ارد عليك
العربية عندى اصلا كانت فراملها خفيفة فا كنت بسال مسالة تغيير الماستر دى شغلانة ولا سهلة و ابص على ايه بالمرة و اخلى بالى من ايه؟؟؟؟؟؟؟؟؟
* بتاع العفشة اخد منى 300 جنيه