ابعد عن الرينو و غنيله خليك في اللانسر عربية مفيش اجمل منها
ابعد عن الرينو و غنيله خليك في اللانسر عربية مفيش اجمل منها
بص يا باشا
أنا كان معايا 2005 فى مصر من الزيرو و دى ممكن تعمل بحث عن المواضيع اللى أنا كتبتها فى قسم رينو و تشوف المشاكل اللى كانت معايا كان طبيعتها أيه.
و برضه معايا هنا فى الإمارات 2007 بس جايبها مستعملة......بصراحة تعبتنى شوية......بسبب أن هنا مش سهل أنك تلاقى حد شغال فى الفرنساوى عموماً......و بالتالى مكنش قدامى غير التوكيل و طبعاً أسعاره غاليه.
يعنى علي سبيل المثال قريب غيرت تيل فرامل امامى.......فى التوكيل كان بحوالى 525 بالمصنعية ( واخدين حوالى 150 درهم مصنعية)
سألت عليه بره عند الوحيد اللى شوفته شغال فى الفرنساوى قال سعره بدون تركيب 400 يعنى قول هيخش فى 450 يبقى أشترى نفسى و أشترى ضمان التوكيل بال 75 الفرق.
بالمناسبة هو سعر التيل هنا أعلى كمان من كده بس أنا أخدت عليه خصم محترم لأنى أعرف مدير الورشة.
كل اللى أقدر أقوله لك أنى بعد الميجان مقدرش أنزل منها أركب حاجة يابانى بسهولة......و لو حصل هتكون يا أما سيفيك أو أمبريزا.....و برضه فى رأيي أنهم أقل منها شوية بس مش كتير.
هو العبرة أنت أيه أكتر الحاجات اللى تهمك فى العربية ؟
ثبات......تسارع......شكل........وسع ..........أمان.......قطع غيار رخيصة.....سعر إعادة بيع ( مع أن حتى ده خلاص.....يعنى مش هتنزل كتير بعد كده)
كل دول الميجان تكسب فيهم ما عدا أخر أتنين
قطع الغيار أنا أديتك فكرة عنها............أسأل على اللى زيها فى الانسر و قارن و خللى بالك ان اللانسر بينزله قطع غيار تياوانى وصينى و يابانى.....يعنى و أنت بتسأل أسأل كمان على الصناعة.
سعر إعادة البيع أعتقد مش هيفرق كتير خلاص.........هى سعرها أتهبد فى الأرض و خلاص على كده.
النصيحة فى محلها..........
بس عجبنى موضوع الفيل الهندى ده :)
التوكيل يضمن حالتها طبعا ..
العربية فيها حساسات . زي حساس الكرانك و حساس الكامة .. دي الحاجات اللي ممكن بتأثر على الاداء . و الحساسات دي ممكن تقعد من ٨٠ الف ل ١٠٠ الف و اكتر قبل ما تحتاج تغيير
قاعدة فتيس و شدادات موتور برضه من ٨٠ الف ل ١٠٠ الف على بال ما تحتاج تغيير
هي العربية عاوزة بس حد يعاملها كويس .. يعني لما واحد يحط ميه من الحنفية و الردياتير يتاكل و العربية تسخن .. فده مش عيب عربية .. و قيس على كده كتير
عربية جميلة جدا لو سليمة ومش متهانة بس قطع غيارها نااااار وتكاليف صيانتها والمصنعيات عالية اوى وكفاية انها اوروبى
بس لو عايز تركب حاجة اوروبى وقطع غيار ارخص وعمر افتراضى طويل وثبات سعر اعادة البيع وامان وثبات وكل حاجة يبقى اركب حاجة المانى وبالذات حاجة فولكس يعنى ممكن تركب بتمنها جولف 4 دا لو مفيش مانع عندك بالنسبة للهاتش باك او ممكن سيات توليدو
الكشف فى التوكيل حالتها حلوة توكل على الله حالتها تعبانة فكك منها حالتها حلوة صاحبها أكيد هيبقى ماسك فى سعرها أزيد من السوق بكام ألف حالتها وحشة = سغر السوق الأعطال عربية زيها زى باقى العربيات مش معقدة ولاحاجة حاجات ممكن أعملها بنفسى تغيير الزيت والفلتر عمل وصلة إيه يو إكس للكاسيت فك الفوانيس الخلفية فك طارة الدريكسيون بالكامل وجارى تصليح قطع شريط الإير باج لو عرفت يعنى فك المرايتين حتة حتة تزويد مياه الرادياتير بنفسى تغيير لمبة الاستوب الخلفية بنفسى فيوز باظ تغيره بنفسك عايز تفك فلتر التكييف وتركب غيره بنفسك شوف العربية من الآخر ممكن تتعامل معاها فما بالك لو ميكانيكى أو كهربائى شاطر دا بالنسبة للصيانة يعنى وقطع الغيار سعرها عادى وأنا جايبها مستعملة محتاجة بعض القطع الاستهلاكية ومغيرتهاش وماشية معايا كويسة الحمد لله بس العربية دى عايزة اهتمام من الآخر وصفقة اكثر من رابحة كفاية شكلها عارف إيه الغلطة الوحيدة اللى حسيت إنى غلطتها إنى اشتريتها أوتو برغم إن اول مرة أركب عربية فى حياتى ومعنديش سابق خبرة بس أنا حاسس إن المانيوال فى العربية دى هيبقى جامد جدا
أنا لما شفت الفيديو الشو بتاع الميجان اللى نزل أيام ما كانت لسة نازلة الميجان 2 تحديدا جايبين شاب وبيدوس على الرفرف والرفرف رايح جاى معاه والكاميرا مسلطة العدسة على الرفرف وهو بيدخل ويطلع لجوا ولبرا ؟ تفتكر ليه ؟ تعرف أنا بعد ما اشتريت العربية اتمنيت إن العربية كلها إنها لو كانت فبر والله سألت نفسى وقلت هما ليه ما عملوش العربية كلها فبر زى الرفرف ووزعوا فرق الوزن متانة فى الهيكل وكدا ؟ الرفرف دا لما بتاخد خبطة خفيفة مش بيتأثر زى الصاج غير إنك لما بتاخد خبطة قوية فى حادثة الرفرف بيتكسر وتعرف تفتح الباب بسهولة ودى الفكرة الأساسية من صنعه الأمان حياة الإنسان الرفرف بينهار بدرى ويمتص الصدمة ويتكسر وميزنقش الباب عند الفتح أثناء الحادثة ودى زى ما قلت حاجة رينو كانت فرحانة بيها وبتقول إنها ميزة نيجى إحنا نقول إنها عيب !!!!
أيوة ا لفتيس بتاعها ستيبترونيك بس فى النهاية عربية أوتوماتيك يعنى فيها محول عزوم والستب ترونيك دا بيخليك تختار النقلة مش أكتر ولكنه مش مانيوال بمعنى الكلمة مش عارف ليه بحس إن العربيات الأوتوماتيك بصفة عامة عربيات هفية إنما المانيوال عربية جد لو إنت بتحب المانيوال هاتها مانيوال بس خلى بالك المانيوال قليل شوية
اشترى لانسر احسن وابعد عن الميجان