مقارنه القرن (تونجسرام 140/100 ) vs (نيرفا 100/90)

بسم الله الرحمن الرحيم

الحمد لله ركبت التونجسرام النهارده بعد غياب طويل و حبيت انقل تجربتى ليكم بالصور و الفيديو...

النهاردة المقارنة بين اللمبتين التونجسرام ( 140/100 وات) و النيرفا ( 100/90 وات) الى كنت مركبها

والى مايعرفش التونجسرام هى لمض صناعه مجرى لمض صفرا .
اما النيرفا لمض صناعه المانى فى منها ابيض و ابيض مزرق .

دى شكل اللمبة التونجسرام

http://up13.up-images.com/up/viewimages/0eaa4aa388.jpg

ودى النيرفا الى كنت مركبها (ابيض مزرق)

http://up13.up-images.com/up/viewimages/1fb3c883a0.jpg

الحقيقه النيرفا لمض منظر حلو وبتفرش كويس و بتدى اضاءة حلوة لما يكون الشارع مظلم و هى قعدت معايا اكتر من 6 شهور , العالى بتاعها ملوش لازمه لان الضوء بيتشتت و بتبقى الاضاءه ضعيفة

نيجى بقى للمارد التونجسرام لمض قوية جدا و الواطى بتاعها ينورلك جامد و العالى مش بتحتاجه خالص الا لو واحد مركب زينون ومضايقك تتديله العالى فوشه هيعرف ان الله حق ويركن عالجنب



المميزات و العيوب

النيرفا: عيوبها اضاءه تعتبر ضعيفه و خاصه فالعالى و لو ماشى فشارع عواميده صفرا يبقى اطمن مش هتشوف حاجه لا بواطى و لا بعالى و طبعا اخواننا الى بيمشوا عالدائرى و كوبرى اكتوبر و المحور هيحسوا بده اوى ..

التونجسرام: عيبها هو هو ميزتها ان لونها اصفر و ده اللون الوحيد الى بيهزم اى عامود تعدى تحتيته و توريك لمسافات بعيده كمان, العيب التانى و ده مش ذنبها انها مش موجوده دلوقتى فالسوق

بالنسبه للصور الموبايل مقدرش يصور اللمض النيرفا لان الاضاءة ضعيفه بالكاميرا هنشوف صور للتونجسرام بس لكن فيه فيديو بيقارن الاتنين

صور التونجسرام

الواطى
http://up13.up-images.com/up/viewimages/07479d41ca.jpg

العالى
http://up13.up-images.com/up/viewimages/70f47fa634.jpg

* اللمض صفرا عشان محدش يقولى فالصور بيضا الكاميرا بتاعه الموبايل مطلعاهم كده


لما حبيت اقارن فالفيديو قولت اقارن تحت العواميد الصفرا عشان نشوف انهى لمبة قدرت تثبت نفسها

اولا النيرفا فى الاول هتلاقينى بديت بالواطى و لما جيبت العالى النور ضعف زى ماقلنا قبل كده لاحظ لما مشيت بالعربية و قربت من الاماكن الى تحت العواميد هتلاقى نور النيرفا ضعف جدا عكس الجزء البعيد عن العواميد

فيديو النيرفا

Narva.mp4 - YouTube


طبعا لما اجى اختبر التونجسرام مش هروح لنفس مكان النيرفا يبقى عيب فحقها طبعا لازم يبقى مكان غرقان عواميد صفرا عشان نشوف قوة الاضاءة و كالعاده اكتسحت الطريق و غلبت نور العواميد بالقاضية تعالوا نشوف

فيديو التونجسرام

Tungsram 100 / 140 W in Light.mp4 - YouTube


اذا كانت بتنور المتنور كده امال فالظلمه بتعمل ايه؟؟؟؟؟؟؟؟ شوف انت بقى


حقيقى اللمض دى افضل من الزينون من وجهه نظرى المتواضعه مادام مفيش عدسات او لو مش عاوز تتدفع كتير و احنا عارفين الزينون ومشاكله و قرفه

اتمنى يكون التقرير عجبكوا

كل سنة وانتوا طيبين
http://www.nilemotors.net/Nile/image..._5v%5B1%5D.gif

تسلم ايدك

اقتباس:

---

المشاركة الأصلية كتبت بواسطة al_manara

تسلم ايدك

---

شكرا لردك ياباشا

مبروك اللبمات الجديدة
ياترى مركب كتاوت ولا من غير تعديل؟

اقتباس:

---

المشاركة الأصلية كتبت بواسطة eng f3lix

مبروك اللبمات الجديدة
ياترى مركب كتاوت ولا من غير تعديل؟

---

لازم كتاوت ياباشا

برنس ياميدو
بس انا بشبه على اللمبات دى..ياترى جبتهم منين :d

اقتباس:

---

المشاركة الأصلية كتبت بواسطة new_man

برنس ياميدو
بس انا بشبه على اللمبات دى..ياترى جبتهم منين :d

---

واحد اسمه شادى عنده مصنع لمض تنتجسرام ومش عايز يقولنا ههههههههههههههههههههههههه ههههه :grinder:

مبروك يا ميدو 100 100
بس الفيديو التانى انا شفته من فتره هو دة قديم

اقتباس:

---

المشاركة الأصلية كتبت بواسطة new_man

برنس ياميدو
بس انا بشبه على اللمبات دى..ياترى جبتهم منين :d

---

اقتباس:

---

المشاركة الأصلية كتبت بواسطة ahmad--ezzat

واحد اسمه شادى عنده مصنع لمض تنتجسرام ومش عايز يقولنا ههههههههههههههههههههههههه ههههه :grinder:

---

هههههههههههه والله يابنى مانا شايف

اقتباس:

---

المشاركة الأصلية كتبت بواسطة ahmad--ezzat

مبروك يا ميدو 100 100
بس الفيديو التانى انا شفته من فتره هو دة قديم

---

اه ده كان فموضوعى الاول لانى ماخرجتش بالعربية فطريق منور زى كده

اقتباس:

---

واحد اسمه شادى عنده مصنع لمض تنتجسرام ومش عايز يقولنا ههههههههههههههههههههههههه ههههه

---

ههههههههههههه..فعلا بدأت اشك ان المصنع بتاع ابو صاحبى

مبروك اللمبات وفعلا لازم كتاوت ان ما كنشى راكب ------ وشكرا على مشاركتك .

اقتباس:

---

المشاركة الأصلية كتبت بواسطة new_man

ههههههههههههه..فعلا بدأت اشك ان المصنع بتاع ابو صاحبى

---

ههههههههه وماله يا شادى هو حد لاقيها خلى الناس تركبها و تنبسط

اقتباس:

---

المشاركة الأصلية كتبت بواسطة akmm

مبروك اللمبات وفعلا لازم كتاوت ان ما كنشى راكب ------ وشكرا على مشاركتك .

---

الله يبارك فيك و فعلا دى اهم حاجه لو حد هيركب اللمض موضوع الكتاوت و مشكور على مشاركتك الرقيقه

انا مركب اللمبات دي من زمان و بصراحه محدش بيسد قدامي خصوصاً بعد ما عدلت الفانوس و عملتله وش جديد كريستال غير بتاع اللانوس التعبان ده :grinder:

اقتباس:

---

المشاركة الأصلية كتبت بواسطة tiktaktok2008

انا مركب اللمبات دي من زمان و بصراحه محدش بيسد قدامي خصوصاً بعد ما عدلت الفانوس و عملتله وش جديد كريستال غير بتاع اللانوس التعبان ده :grinder:

---

ايوة بقى اظهروا وبانوا هههههههههههه

مبروك يا باشا عليهم وفعلا ما شاء الله الاضاءة جميلة جدااا
هل دول ينفع اركبهم فى اوكتافيا a5 وهل هياثروا على كمبوتر العربية او ابقى كده لعبت فى كهربة العربية

الف مبروك يا ميدو وربنا يباركلك فيهم بإذن الله :)

اولاً : الاغنيه اللى كانت شغاله عندك دى اسمها ايه :p

ثانياً : يركبوا علي الكريستاله ولا لع :p:p

اقتباس:

---

المشاركة الأصلية كتبت بواسطة samoreception

مبروك يا باشا عليهم وفعلا ما شاء الله الاضاءة جميلة جدااا
هل دول ينفع اركبهم فى اوكتافيا a5 وهل هياثروا على كمبوتر العربية او ابقى كده لعبت فى كهربة العربية

الله يباركك فيك ياباشا و انت كنت سالتنى قبل كده عالموضوع ده و فى رايى المتواضع الموضوع بعيد جدا عن كمبيوتر العربية وبعيد عن اللعب فالكهربا وان شاء الله ينفع

---

اقتباس:

---

المشاركة الأصلية كتبت بواسطة no_rules

الف مبروك يا ميدو وربنا يباركلك فيهم بإذن الله :)

اولاً : الاغنيه اللى كانت شغاله عندك دى اسمها ايه :p

melanie c feat. Lisa never be the same again



ثانياً : يركبوا علي الكريستاله ولا لع :p:p

يركبوا على اى عربيه مادام h4

---

الف الف مبروك بجد الحوار دا عاجبنى جدا
بس انا عندى استفسار بسيط حضرتك كنت قولت طالما العربية h4 يعنى اية العربية h4
تانى حاجة انا معايا بيجو 405 وعايز اعمل الحوار دا هل ياترى ينفع عندى
تالت حاجة التكلفة كام ؟
واسف لو كنت طولت عليك والف الف مبروك مرة تانية :)

اقتباس:

---

المشاركة الأصلية كتبت بواسطة adel13

الف الف مبروك بجد الحوار دا عاجبنى جدا
بس انا عندى استفسار بسيط حضرتك كنت قولت طالما العربية h4 يعنى اية العربية h4
تانى حاجة انا معايا بيجو 405 وعايز اعمل الحوار دا هل ياترى ينفع عندى
تالت حاجة التكلفة كام ؟
واسف لو كنت طولت عليك والف الف مبروك مرة تانية :)

---

اقصد ان العربيه فوانيسها بتركب على لمض h4
لو هى بيركب عليها اللمض ديه ان شاء الله ينفع
اللمبتين 90 و حوالى 150 تركيب
الله يبارك فيك ياباشا و اتمنى تكون استفدت

انا عندى لمبات تنجسرام مجرى الصنع تعطى اضائة 90% زيادة و لون الاضائة اصفر مبيض اى 4300k
اى حد عاوز حاجة يكلمنى و انا ادلة 01227433644
h7 + h1 + h4 + h11
اى شوكة و 2 شوكة و 3 ريشة

ايه ياجماعه ماشفتش حد ركب ولا عمل حاجه هو التقرير اتعمل و محدش ركب ايه الاحباط ده :stink[1]:

ان شاء الله احط فيديو جديد النهارده بليل للمض و انزله عالموضوع

فيديو جديد لسه طازة للتونجسرام للى لسه بيشاور عقله

[youtube]http://www.youtube.com/watch?v=2EcyQtvpmdY[/youtube]

شكرا على الموضوع

بالنسبه للمبه لو نفس واط اللمبه الاصليه اعتقد مش هاحتاج كتاوت صح !

اقتباس:

---

المشاركة الأصلية كتبت بواسطة mr_louka

شكرا على الموضوع

بالنسبه للمبه لو نفس واط اللمبه الاصليه اعتقد مش هاحتاج كتاوت صح !

---

اه لو هى الى حضرتك تقصدها تونجسرام 60/55 وات دى مش محتاجه كتاوت

اقتباس:

---

المشاركة الأصلية كتبت بواسطة midooo_119

فيديو جديد لسه طازة للتونجسرام للى لسه بيشاور عقله

[youtube]http://www.youtube.com/watch?v=2ecyqtvpmdy[/youtube]

---

ما شاء الله
انا ناوي على اللمبات دي بردو لما اركب كتاوت

اقتباس:

---

المشاركة الأصلية كتبت بواسطة osama.m

ما شاء الله
انا ناوي على اللمبات دي بردو لما اركب كتاوت

---

ان شاء الله و مبروك مقدما بس ماتنسناش بفيديوهاتك ياباشا :w6266d

أنا مركبها من فترة بعد أما الرالى طاروا بصراحة هى أعلى فى الإضاءة و أرخص بس أنا فاضلى أعمل رجلاش للنور (مش عارف أعمله) علشان النور عندى ضارب فى الأرض :s

اقتباس:

---

المشاركة الأصلية كتبت بواسطة ahmed_ramadan

أنا مركبها من فترة بعد أما الرالى طاروا بصراحة هى أعلى فى الإضاءة و أرخص بس أنا فاضلى أعمل رجلاش للنور (مش عارف أعمله) علشان النور عندى ضارب فى الأرض :s

---

عند اقرب كهربائى يعملهالك وياريت بقى تصورلنا فيديو نشوف الاضاءه عندك عاملة ازاى بعد الرجلاش

اللمبات دى ممتازة جدا أنا ركبتها الاسبوع اللى فات وكانت أول تجربة فى طريق سفر ومشيت فى حتت مفيش فيها ريحة النور وبسم الله ما شاء الله كانت اضائتها كويسة

أنا لا يمكن انسى دهشتى لما جيت امشى فى حتة كحل مفيهاش نور وشغلت النور العالى لقيته منورلى الطريق بالشجر !! :oh:

وكمان لما كنت بمشى فى طريق رايح جاى بس ضيق شوية ومشغل النور الواطى الاقى الناس بتقلبلى علشان اقفله فكنت بشغلهم العالى واقفله علشان يعرفوا ان ده الواطى أصلا :C_laugh[1]:

طيب هي اللمبات دي موجودة فين وبكام
سؤال تاني معليش انا عايز اركب الكاتاوت اللي بتبقى جاهزة من غير تقطيع في السلوك يعني سوكيت في سوكيت علشان العربية هتخرج من الضمان لو لعبت في الضفيرة اجيب منين الكتاوت دي وعاملة كام
الف مبروك للي ركبوها وعقبالنا يا رب جميعا

سؤال اخير معليش هي في منها h4 و h3 ولا h4 بس؟

اقتباس:

---

المشاركة الأصلية كتبت بواسطة m2018

طيب هي اللمبات دي موجودة فين وبكام
سؤال تاني معليش انا عايز اركب الكاتاوت اللي بتبقى جاهزة من غير تقطيع في السلوك يعني سوكيت في سوكيت علشان العربية هتخرج من الضمان لو لعبت في الضفيرة اجيب منين الكتاوت دي وعاملة كام
الف مبروك للي ركبوها وعقبالنا يا رب جميعا

---

أنا اشتريتها من الموضوع ده

http://www.nilemotors.net/Nile/301902-h4-140-100-a.html

واعتقد ان تركيبها بيبقى بعيد عن الضفيرة فمفيش خوف من اللعب فى حاجة تخرجك من الضمان

اقتباس:

---

المشاركة الأصلية كتبت بواسطة m2018

سؤال اخير معليش هي في منها h4 و h3 ولا h4 بس؟

---

اه طبعا فيها كل الانواع

اقتباس:

---

المشاركة الأصلية كتبت بواسطة m2018

طيب هي اللمبات دي موجودة فين وبكام
سؤال تاني معليش انا عايز اركب الكاتاوت اللي بتبقى جاهزة من غير تقطيع في السلوك يعني سوكيت في سوكيت علشان العربية هتخرج من الضمان لو لعبت في الضفيرة اجيب منين الكتاوت دي وعاملة كام
الف مبروك للي ركبوها وعقبالنا يا رب جميعا

---

فيه طبعا كتاوت جاهزة وماعتقدش انها تفرق عن الى بتتعمل و اعتقد الى الكهربائى بيعملها افضل من الجاهزة لانه بيجيب سلك طخين 3 ملم عشان يستحمل لكن الجاهزه معرفش كام ملم و الحقيقه ماعرفش سعرها لكن هتتباع عند بتوع الاكسسوار ...
وفكل الاحوال الاثنين مش هيفرقوا فحاجه وبعيد عن الضفيرة

انا اقصد اني محتاج كاتاوت يركب على طول على سوكيت اللمبة يعني مش عايز اقطع ولا سلك في اسلاك النور او الضفيرة يعني في اي وقت وانا رايح التوكيل اركب اللمبات الاستوك واشيل الضفيرة علشان انا لسة في الضمان وعايز اركب اضاءة قوية
حاجة تانية انا عايز اشتري اللمبة دي بالكتاوت وكله مشوار واحد الاقيهم فين وبكام يا ريت لو في القاهرة يبقى حد يوصفلي من الدقي او الجامعة علشان انا مش من القاهرة
شكرا لكل اللي رد ربنا يباركلكم

اقتباس:

---

المشاركة الأصلية كتبت بواسطة m2018

انا اقصد اني محتاج كاتاوت يركب على طول على سوكيت اللمبة يعني مش عايز اقطع ولا سلك في اسلاك النور او الضفيرة يعني في اي وقت وانا رايح التوكيل اركب اللمبات الاستوك واشيل الضفيرة علشان انا لسة في الضمان وعايز اركب اضاءة قوية
حاجة تانية انا عايز اشتري اللمبة دي بالكتاوت وكله مشوار واحد الاقيهم فين وبكام يا ريت لو في القاهرة يبقى حد يوصفلي من الدقي او الجامعة علشان انا مش من القاهرة
شكرا لكل اللي رد ربنا يباركلكم

---

اسال على الكتاوت الجاهزة وان شاء الله تلاقيها و ممكن تلاقيها فشارع المرور فيه محلات هناك بتاعه اكسسوار عربيات ناحيه ابو الحسن ممكن تلاقى الكتاوت هناك

ايوة صح انا افتكرت هعدي عليهم باذن الله وان شاء الله الاقيهم شكرا يا جماعة بس اعرف الكتاوت الجاهزة النضيفة ازاي؟

اقتباس:

---

المشاركة الأصلية كتبت بواسطة m2018

ايوة صح انا افتكرت هعدي عليهم باذن الله وان شاء الله الاقيهم شكرا يا جماعة بس اعرف الكتاوت الجاهزة النضيفة ازاي؟

---

اهم حاجه يكون السلك طخين 3 ملم مش اقل عشان يستحمل معاك لو مالقيتش كتاوت جاهزة 3 ملم نصيحه ماتجيبش جاهز

طيب هي اللي هتتعمل ممكن يعملها سوكيت في سوكيت ولازم يقص فيشة اللمبة؟