سؤال : كام حساس فى الميجان؟ وايه وظيفية كل منهم؟ وبيتغر كل قد ايه؟ وايه اعرض تلفهم؟

**Ahmed Selim** · 09-08-2012 09:58 PM

حساس الكرنك.............المفروض بيدى إشارة للكنترول بتاع العربية بيقوله فيها على عدد لفات الموتور بحيث يقوم الكنترول بالتحكم في توزيع الشرارة ( و سرعة الشرارة كمان ) اللازمة لحرق البنزين.

لو فيه أى أخطاء يا ريت حدد يصححلى المعلومة.

**Ahmed Selim** · 09-08-2012 10:01 PM

حساس النور و ده وظيفته زى ما قولنا قبل كده...........الإحساس بالإضاءة الخارجية و إرسال إشارة لتشغيل أنوار العربية فى حالة الظلام.

حساس المطر و ظيفته الإحساس بوجود مياه على الزجاج الأمامى للعربية و إعطاء إشارة لتشغيل المساحات أوتوماتيكاً.
موجود داخل غطاء مراية الرؤية الخلفية من جوة العربية.

حساس درجة حرارة الجو الخارجية و طبعاً معروف و ظيفته و موجود فى جسم مراية الجنب الشمال ( مراية السواق الجانبية )

**Ahmed Selim** · 09-08-2012 10:11 PM

حساس السلونيد ( مش متأكد من دقة المعلومة )

وظيفته الإحساس بسرعة العربية و النقلة الحالية و بيوصل المعلومات دى للكنترول علشان يتجاوب معاها يعنى مثلاً السرعة 40 و النقلة الأولى يبقى الكنترول المفروض يدى الأمر بالنقل للسرعة التانية و هكذا.

**Ahmed Selim** · 09-08-2012 11:04 PM

المشاركة الأصلية كتبت بواسطة egyseadragon

بعد اذنك اوضح حاجتين, حساس الاوكسجين بيتحكم في كمية الوقود مش الاوكسجين ,و بالنسبة لشرارة الاشعال في تحكم في توقيتها لكن مافيش تحكم في سرعتها

شكراً يا فندم على التوضيح.............أنا الكلام ده شوفته على النت و المصدر مش متأكد منه

بس فى حساس الأوكسجين المصدر على ما أذكر كان wikipedia و أعتقد أنه موثوق فيه شوية.

هما قايلين كمية الأوكسجين تحديداً.

مش عارف بقى.

بالنسبة للشرارة هل هى بتطلع بمعدل ثابت ؟ يعنى مثلاً مرة كل ثانية ؟

**Ahmed Selim** · 09-08-2012 11:11 PM

المشاركة الأصلية كتبت بواسطة MohammedAladel

حساس درجة الحرارة موجود عندى فى جسم المرايا اليمين
طيب يا أستاذ أحمد إيه فايدة خاصية I traffic
فيه خاصية تانى إسمها loud تكونش هى دى وأنا مش واخد بالى ؟

أنا بصراحة مش فاكر اليمين و لا الشمال............أو بمعنى أصح مش متأكد 100%

خاصية itraffic مش شغالة فى مصر على ما أذكر المفروض أنها بتديك معلومات عن المرور و الزحمة.

loud دى موجودة فى أى كاسيت من زمان..........و هى on او off بس

الخاصية بتاعة علو الصوت مع السرعة مش فاكر كان أسمها أيه على القايمة بس ممكن على بكرة أقلولك إن شاء الله......و بيبقى فيها تحديد نسبة علو الصوت مع السرعة من 1 ل 5 لو أنا فاكر صح.

**hossam_elwani** · 09-08-2012 11:31 PM

شكرا يا استاذ احمد ولكل من شارك على المعلومات الغزيره دى وفى انتظار المزيد عن العمر والسعر لتلك الحساسات

الموضوع: سؤال : كام حساس فى الميجان؟ وايه وظيفية كل منهم؟ وبيتغر كل قد ايه؟ وايه اعرض تلفهم؟

LinkBack

أدوات الموضوع

عرض

-

-

-

-

-

المواضيع المتشابهه

gen 2 or persona ? وايه الفرق

حد جرب ال htc وايه انطباعتكم عنها

يعني ايه حساس الانجكشن وايه فايدته

استشاره وايه الحل

اسعار كابالن النوبيرا كام وايه هوه احن نوع

الكلمات الدلالية لهذا الموضوع

المفضلات

المفضلات

ضوابط المشاركة