الموضوع: اخبار مهمة جدا عن الفورد فوكاس 2012-2013 و طلب مساعدة كمان

المشاركة الأصلية كتبت بواسطة wessamsheta

معلومة مهمة جدا لمحبى الفوكس الجديدة , انا كنت شفتها من حوالى 3-4 شهور والكلام اللى انتم بتقولوه صح وبسبب كده انا قفلت منها وبعدين رحت من ىومين كده للطارق فى الاسكندرية وركبتها اللى هى اعلى فئة ولقيتهم زودوا اوبشنز كتير بنفس السعر منها البلوتوث والاوامر الصوتية (voice control) وجربته و كان سهل وجامد جدا يعنى اصبحت عربية مليانة اوبشنز و من رأيى ينقصها اربع حاجات بس و تبقى عربية سوبر السوبر وهى فرش الجلد و الزينون و فتحات تكييف خلفية و مفتاح بصمة
المهم انا خايف من حاجتين عشان اشتريها هما التوكيل خايف اوى منه وخصوصا انا من الاسكندرية وتانيا كمان كل ما اسأل واحد عليها يقولى التمن ده كتير اوى على فورد
انا دلوقت بصيت عليها عشان كنت ناوى اجيب مازدا 3 بس اللى انا فهمته من كل الاماكن انها مابقتش بتنزل خلاص و فكرت شوية فى السبورتاج بس كان نفسى اخرج من الكورى و فكرت كمان فى 318i 2009 او 2010 مستعملة استعمال خفيف بس للاسف كل اللى لقيته ماشى كتير اوى فى وقت صغير اوى
ممكن حد ينصحنى اعمل ايه انا عايز عربية امان وراحة و مليانة اوبشنز و تعيش خصوصا انى باقعد العربية معايا لفترة كويسة 4-5 سنين مش بقلب عالطول
مستنى ردودكم بشدة يا جماعة

انا كنت زيك بالضبط. بس كنت بقارن مع السبورتاج والاوكتافيا. بس اكتشفت ( انا عايز عربية امان وراحة و مليانة اوبشنز و تعيش خصوصا انى باقعد العربية معايا لفترة كويسة 4-5 سنين مش بقلب عالطول) يعني الصراحه انت تاعب نفسك علي الفاضي. اكيد انشاالله الفورد.