كان في قصة مشهورة أظن في كتير سمع عنها وهي اللي بتقول إن كان في شخص بيدور على السعادة وراح سأل فيلسوف عن السعادة، فالراجل أدالة معلقة وفيها نقطتين زيت، وقاله روح لف القصر وحافظ على النقطتين دول، فالراجل راح لف القصر ورجع والنقطتين زي ما هما، فالفيلسوف قاله ياترى أنت أخدت بالك من اللوحات الجميلة إللى على الحيطة، وأية رأيك في الجنينة الجميلة دي، فالراجل قاله أنا مأخدتش بالي من كل الحاجات دي، كل تفكيري إزاي أحافظ على النقطتين دول، قاله، روح لف القصر تاني وخد بالك من الحاجات الجميلة اللى في القصر، وفعلا الراجل لف القصر حتة حتة واستمتع بجمال كل ركن فيه، وبعدين رجع للفيلسوف، فاليفلسوف سأله عن نقطتين الزيت، قاله وقعوا مني وأنا بتفرج على جمال القصر،
هنا الفيلسوف قاله هنا سر السعادة، إنك تستمع بالجمال وفي نفس الوقت تحافظ على نقطتين الزيت.
طبعا هنا كل واحد ممكن يقدر يفسر جمال القصر ونقطتين الزيت بأشياء مختلفة ترجع ليه هو شخصيا.
أعتقد القصة دي كتير سمع عنها قبل كدة، وانا قريتها قريب في بلوج من البلوجات، بس اللى لفت نظري هو تعليق قريته بيقول إن نقطتين الزيت دول مش ملك الراجل يبقى إزاي المفروض يحافظ عليهم.
الرد دة لفت نظري جدا، وخلاني أسأل نفسي سؤال مهم جدا، طيب وياترى إحنا نملك أية في الدنيا دي؟ هل صحيح إن إحنا لا نملك أي شئ في الدنيا، بدليل إن إحنا سوف نحاسب على كل شئ وكل عمل في الآخرة؟؟
-----------------
منقووووووووووول