طريق زبالة

**Mamoud salah H** · 07-08-2012 03:45 AM

مساء الخير يا شباب حبيت اخد رائيكوا في حاجة كدة مييين يعرف طريق الاسماعيلية الزراعي او بالظبط الطريق الي بيودي علي شبرا النخلة وبلبيس حد مشي فيه قبل كدة بليل اصل انا مشييت فييه كتيير وشيفه زفت اوي وطريق صعب وموت دة فردة واحدة رايح جاي حارة رايح وحارة راجع والتور بقي في وشك بليل صباح العمي يعني انا عشان متعود امشي عليه دايما بقدر استحمله بس لو حد اول مرة بقي وبليل كمان يبقي صعب اوي فعلا ولا ايه رائيكوا

**ahmed_h_g** · 07-08-2012 05:30 AM

مش عارف
مجربتهوش قبل كده
أخطر طرق مشيت عليها فى مصر طريق السويس القاهرة - طريق الأسماعيلية الصحراوى - ملفات السخنه

**A.Saad** · 07-08-2012 10:30 AM

بلبيس
ممكن تاخد اسماعيلية الصحراوى
بعد العبور فيه نفق
تاخده وتدخل العبور وتلاقى طريق صحراوى لبلبيس هيوديك عند الكلية الجوية

**michohat** · 07-08-2012 07:18 PM

فعلا الطريق ده ( الزقازيق - الاسماعيلية زراعي ) انا عارفه و بمشي عليه كتير وعلي الرغم من انه فيه له بديل صحراوي الا مفيش حد بيمشي صحراوي الا لما يكون فى ونس علي الطريق والصبح ودائماً معارفي اللى فى الاسماعيليه يقولوا لي عمرك ما تمشي علي الاسماعيلية الصحراوي بليل لان فى اعراب هناك وممكن تقابل حد يقطع طريقك
وارجع واقول طريق الاسماعيلية الزقازيق زراعي مش بنصح حد يمشي عليه بليل دائما امشي عليه ف نور ربنا اوعي تمشي بليل لان اللي مش عارف الطريق ده ممكن يلاقي نفسه داخل في اي حته شجره او بيت او ترعه