الموضوع: تزويد مياه خضرا للماروتي

اكشف بالنظر فى منطقه حوض الموتور وحل وصلات الخراطيم الداخله والخارجه من الرادياتير والقربه والموتور وشوف هل فيه تسريب مياه خضراء ظاهر امامك او بقايا تسريب بلون اخضر وحدد المكان وان لم تجد شىء من ذلك فى الصباح وقبل التحرك بالسياره حاول تنظر على الآرض بمنطقه اسفل الموتور وهل هناك بقعه مائيه ولا لآ ....... ومتابع مع حضرتك .

المشاركة الأصلية كتبت بواسطة akmm

اكشف بالنظر فى منطقه حوض الموتور وحل وصلات الخراطيم الداخله والخارجه من الرادياتير والقربه والموتور وشوف هل فيه تسريب مياه خضراء ظاهر امامك او بقايا تسريب بلون اخضر وحدد المكان وان لم تجد شىء من ذلك فى الصباح وقبل التحرك بالسياره حاول تنظر على الآرض بمنطقه اسفل الموتور وهل هناك بقعه مائيه ولا لآ ....... ومتابع مع حضرتك .

شكرا جدا لاهتمام حضرتك بس في مشكلة في اللي حضرتك طلبته اولا ان انا يمكن ديه تاني مرة افتح الكيوت وابص جوة العربية يعني افك خراطيم وغيره ديه صعب اوي علشان انا مليش في ميكانيكا العربيات نهائيا ثانيا انا في اجازة ومش بنزل بالنهار في الحر والصيام ده انما هاقول لحضرتك علي اللي حصل امبارح حولت ابص برضه جوة الكبوت بس طبعا الدنيا ليل بس يعني اللي عرفت اشوفه ان مفيش اي ترسيبات خضرا وبصت تاني جوة الردياتير مليان علي اخره خرجت بالعربية من الساعة 9 ورجعت البيت الساعة 1 باليل (وانا استهال ضرب الجزمة اني نزلت في الميعاد ده)طبعاالاربع ساعات دول تخيل حضرتك فين بالظبط من فيصل للعجوزة خرجت من اول فيصل للهرم ورجعت من اخر الهرم للعجوزة ورجعت من العجوزة لفيصل برضه مؤشر الحرارة في العادي والحمد لله وهحاول اني انزل يوم بالنهار واشوف تحت العربية وجوة العربية تاني وشكرا لاهتمامك

المشاركة الأصلية كتبت بواسطة hm414

لا متقلقش مفيش اي مشكله باذن الله

في ملاحظه
الميه في القربه بتتغير مستواها على حسب العربية شغاله ولا مطفيه
والمفروض انها تقل والعربية مطفيه فعليا
عشان كده اتأكد من المستوى والعربية دايره وتسيب العربية لما توصل لحرارة التشغيل الطبيعية (عالنص) والمروحه تدور وتشيك
لقيتها فوق الحد الادنى يبقى مش مشكله ممكن متزودهاش خالص وممكن تزودها ميه مقطره للحد الاعلى

انا بفضل نوع مصري اسمه توتال باور من شركة ادكو وممتاز جدا كميه خضرا لكن بأكد على معلومه ان النقص ميتزودش بميه خضرا مركزه اما تتخفف او تتزود مقطره

ويفضل كل سنتين تنزل الميه الخضرا بالكامل وتحط ميه جديده ....


تحياتي

دكتور حازم ياهلا شكرا لمرورك بس عندي استفسار اولا النوع ده اجيبه منين ويعني ايه المياه الخضرا متكنش مركزة اخفها بمياه عادية يعني ولا ايه ؟؟؟؟؟
انا شفت قبل كده في كارفور مرة خضرا اعتقد بتاع الهلال والنجمة الذهبية بتاع الادوات المنزلية اذا كنت فاكر علشان ده كان من سنة
وبالنسبة لتغير المياه كل سنتين انا بعمل صيانة في التوكيل علي طول مش المفروض هما يعملوا ده وخصوصا ان في مرة من المرات مهندس هناك قال للمدام(علشان هي اللي بتركب العربية وبتعمل الصيانة)طالما حضرتك بتيجي تعملي الصيانة مش محتاجة تفتحي الكبوت لغاية ميعادة الصيانة اللي بعده قصده يعني انهم بيظبطوا كل حاجة مش محتاجة تشيك علي حاجة بين الصيانة والصيانة