-
بايك سوزوكى
ممكن يا جماعة حد يفيدنى فى اسعار الريس السوزوكى عاملة كام ونظام قطع غيارها متوفر ولا لأ او بمعنى اصح اسعار الموديلات المتوفره فى مصر ومتوفر قطع غيارها انا سمعت انها ارخص من الهوندا شوية وغير كده لما قريت الموضوع المثبت عن سوزوكى لقيت انها رقم واحد فى العالم فى تصنيع المحركات الصغيرة يعنى اكيد حاجة تستحمل وتعيش وفى نفس الوقت اداء عالى
-
موضوع رقم واحد دا صعب شوية لان لو كدا يبقى ducati و BMW ولا حاجة :)
بس طبعا السوزوكى انا اعتبرها اقوى من الهوندا بمراحل ...
وموضوع انها ارخص من الهوندا ياريت تحدد نوع البايك لان فيه بايكات تعادل نفس العام والسى سى بس اغلى برضه من الهوندا .. وموضوع قطع الغيار يفيدك فيه الشباب هنا لانى معنديش خلفية فيه .. تحياتى
-
بص يا برنس السوزوكى مكن جميل جداً جداً جداً
أيً كان مودليه أو نوعه
بس لية فى مصر مشكلتين
1- الميكانيكىة : مش أى حد يشتغل فية لأن شعبنا بيحب الفتى فى أى حاجة وى تلاقى يقولك ( يا أبو الكباتن اليبانى كله واحد) ههههههه تمام عندك ميكانيكى ثقة تتعامل معاه يبقى حليت أول مشكلة
2- قطع الغيار : هنا بقا نقف شوية لأن هيا على حسب النوع أو الموديل الشكل الاستايل كدة يعنى مش السنة لا يعنى GSX-R دة موجودة ليه قطع غيار قليلة بس موجودة يعنى زى ال CBR فى الهوندا
وى اللى يفيدك فى حوار السوزوكى من الاخر فى مصر هو واحد
عبدالله (bido600) دة هايلخص معاك حوار السوزوكى كله
تحياتى : عبدالرحمن الحاكم
-
نداء واستغاثة للاخ bido القاطن فى قسم الدراجات النارية افدنا فى البايك السوزوكى
-
سوزكى ارخص فعلا واقوى فعلا بس المشكلة قطع الغيار والميكانيكية لو عرفت وليك سكة فى قطع الغيار والصيانة يبقى مفيش مشكلة بس قول قبل ما تشترى هاتجيب ايه علشان الاعضاء تفيدك
-
انا حجيبلك ملخص لاسعار السوزوكى
اللى تحت موديل 2000 حتلاقى سعره مخسوف بيه الارض لان مالوش قطع غيار فى مصر تكاد تكون نااادره و مش بتييجى الا بالطلب
من موديل 2000 لحد موديل 2005 حتلاقي اسعاره مشابهه للهوندا خصوصا ال gsxr600 حتلاقى سعره هوا هوا سعر ال cbr600f4i والاتنين نفس موديلات السنة و نفس سعه الموتور و حتلاقيهم تقريبا نفس السعر بس الهوندا حتلاقى قطع غياره منتشره شويه عن السوزوكى.....بس مقدرش اقول مش حتلاقيله قطع غيار لانها موجوده لكن مش بوفره الهوندا
فوق موديل 2005 حتلاقى اسعاره اعلى من الهوندا زى ال gsxr1000 سعره بيبقى ساعات اعلى من ال cbr 1000
يعنى حتلاقى موديلات اللى فوق 2008 دى اسعارها موووووولعه عن الهوندا
و ماتنساش برده سعر البوليفار اللى بيبتدى من 70 الف و بيوصل ل 90 الف و ممكن لحد 95 الف كمان
لو حنتكلم من ناحيه قوة المواتير فمش حتلاقى مواتير اقوى من سوزوكى و ياماها دا من ناحيه فئة اليابانى و التكنولوجيا بتاعتها اعلى من الهوندا
اما لو حنتكلم عن الصيانه حتتعب شويه لان مش اى حد بيفهم فى السوزوكى و ناس معينه معروفه بالاسم اللى بتفهم فى صيانه السوزوكى
و ماتنساش كدا كدا لو استخدامك نضيف مش حتاخد منك صيانه غير حاجات بسيطة خالص
Content Relevant URLs by
vBSEO 3.6.0 PL2