ياريت كل الافادة عن a11

**shadie** · 13-08-2012 03:44 PM

استاذ احمد انا استلمت العربية النهاردة و روحت سجلتها و كله تمام بس العربية فيها شوية حاجات بسيطة
1-الاكرا بتاعت السواق مش بتفتح علطول
2-مفتاح الانذار بيعلق شوية
3-الغيار الاول بتاع الفتيس يبعلق برده شوية لازم تكة كدة شوية على الشمال
4-هو قالى اغير الزيت على 95000 و هى عاملة 92000 و كانن بيستخدم زيت موبيل 1
ايه رأى حضرتك في الكلام ده انا عاوز اعمل حاجات متخليش العربية محتاجة حاجة
و جزاك الله كل خير

**ahmed2801** · 14-08-2012 05:06 PM

المشاركة الأصلية كتبت بواسطة shadie

استاذ احمد انا استلمت العربية النهاردة و روحت سجلتها و كله تمام بس العربية فيها شوية حاجات بسيطة
1-الاكرا بتاعت السواق مش بتفتح علطول
2-مفتاح الانذار بيعلق شوية
3-الغيار الاول بتاع الفتيس يبعلق برده شوية لازم تكة كدة شوية على الشمال
4-هو قالى اغير الزيت على 95000 و هى عاملة 92000 و كانن بيستخدم زيت موبيل 1
ايه رأى حضرتك في الكلام ده انا عاوز اعمل حاجات متخليش العربية محتاجة حاجة
و جزاك الله كل خير

الف مبروك وربنا يديك خيرها ويكفيك شرها.
1- بالنسبة للاكرة مبدئيا حضرتك لو بتحب تشتغل بايدك ح تغسلها بالجاز وتزيتها لو اشتغلت خير وبركة ولو ما شتغلتش ح تروح لفنى ضبط الابواب يظبطهالك.
2- هى نازلة اصلا بسنتر لوك بدون انذار يعنى المالك السابق هو اللى مركبه وممكن يكون نوعه سيئ او الحجارة خالصانة ح تروح حضرتك لكهربائى كويس يصلحو او تغيرو ده بـ 175 جنية.
3- الفتيس لو بيعلق ف الاول والتانى يبقى العيب من الداخل وح اقولك ازاى ولو بيعلق ف الاول فقط يبقى من الخارج ح نبدا من الخارج - المناول بتاع العصايا من ناحية الجيربوكس فية بلاستكات وكاوتشه بجلبة حديد ممكن تكون مقطوعة فبتعمل بوش والغيار ما بيدخلش ف الحارة بتاعته ودى بـ نصف جنية من عند بتوع قطع الغيار.
ولو ف الاول والتانى يبقى من الداخل ح تشيل الغطا القماش من على قاعدة العصايا من تحت بالراحة وعلى مهلك علشان ما تتقطعش فيه قطعة بلاستيك بتسند عليها العصايا ف حارة الاول والتانى ولو مكسورة او مش موجودة العصاية ح تعصلج بردو لعدم دخول الغيار ف الحارة بتاعته مرتاح ودى بـ 5 جنية.
واخيرا غير زيت الفتيس موبيل 90 ليطمئن قلبك من ناحية الفتيس.
4- زيت موبيل 1 سينتتك وخفيف وبلدنا حر انا بقترح عليك تغير الزيت لشل هيليكس الاصفر وتغير الفلتر وتبقى البداية من عندك انت وتكتب الكيلو متر وتشترى نوتة صغيرة تحطها فى بابك على الشمال تدون فيها كل الحاجات اللى بتعملها بالكيلومتر والتاريخ وده ح يكون لوج بوك و مرجع ليك وعلشان ماتنساش حاجة عملتها او لازم تعملها ف وقتها ان شا لله تغيير لمبة.
(البند4 فقط ... ده رأيى الشخصى ممكن تاخد بيه او لأ انت حر)
وانا تحت امرك فى اى حاجة عايزها فى اى وقت.
01000073085

**emam** · 15-08-2012 02:11 PM

المشاركة الأصلية كتبت بواسطة ahmed2801

الف مبروك وربنا يديك خيرها ويكفيك شرها.
1- بالنسبة للاكرة مبدئيا حضرتك لو بتحب تشتغل بايدك ح تغسلها بالجاز وتزيتها لو اشتغلت خير وبركة ولو ما شتغلتش ح تروح لفنى ضبط الابواب يظبطهالك.
2- هى نازلة اصلا بسنتر لوك بدون انذار يعنى المالك السابق هو اللى مركبه وممكن يكون نوعه سيئ او الحجارة خالصانة ح تروح حضرتك لكهربائى كويس يصلحو او تغيرو ده بـ 175 جنية.
3- الفتيس لو بيعلق ف الاول والتانى يبقى العيب من الداخل وح اقولك ازاى ولو بيعلق ف الاول فقط يبقى من الخارج ح نبدا[gdwl] من الخارج - المناول بتاع العصايا من ناحية الجيربوكس فية بلاستكات وكاوتشه بجلبة حديد ممكن تكون مقطوعة فبتعمل بوش والغيار ما بيدخلش ف الحارة بتاعته ودى بـ نصف جنية من عند بتوع قطع الغيار.[/gdwl]ولو ف الاول والتانى يبقى من الداخل ح تشيل الغطا القماش من على قاعدة العصايا من تحت بالراحة وعلى مهلك علشان ما تتقطعش فيه قطعة بلاستيك بتسند عليها العصايا ف حارة الاول والتانى ولو مكسورة او مش موجودة العصاية ح تعصلج بردو لعدم دخول الغيار ف الحارة بتاعته مرتاح ودى بـ 5 جنية.
واخيرا غير زيت الفتيس موبيل 90 ليطمئن قلبك من ناحية الفتيس.
4- زيت موبيل 1 سينتتك وخفيف وبلدنا حر انا بقترح عليك تغير الزيت لشل هيليكس الاصفر وتغير الفلتر وتبقى البداية من عندك انت وتكتب الكيلو متر وتشترى نوتة صغيرة تحطها فى بابك على الشمال تدون فيها كل الحاجات اللى بتعملها بالكيلومتر والتاريخ وده ح يكون لوج بوك و مرجع ليك وعلشان ماتنساش حاجة عملتها او لازم تعملها ف وقتها ان شا لله تغيير لمبة.
(البند4 فقط ... ده رأيى الشخصى ممكن تاخد بيه او لأ انت حر)
وانا تحت امرك فى اى حاجة عايزها فى اى وقت.
01000073085

أولا : الف مبروك للاستاذ شادى على العربية وان شاء الله هتعجبك العربية

ثانيا : السلام عليكم استاذ احمد - انا عندى نفس المشكلة بس بتكون الصبح مع بداية الحركة وبتقل ثانى مرة وبعدين بتختفى خالص - فعايز اعرف فين مكان المناول دة والكاوتشة الى بتتغير تحت العربية ولا داخل الكبود . وكل عام وانتم وجميع اسرة المنتدى بخير

**shadie** · 15-08-2012 02:40 PM

ربنا يجازيك خير ياأخى العزيز و تقدر تحل مشكلتك ان شاء الله

**ahmed2801** · 16-08-2012 02:08 AM

المشاركة الأصلية كتبت بواسطة emam

أولا : الف مبروك للاستاذ شادى على العربية وان شاء الله هتعجبك العربية

ثانيا : السلام عليكم استاذ احمد - انا عندى نفس المشكلة بس بتكون الصبح مع بداية الحركة وبتقل ثانى مرة وبعدين بتختفى خالص - فعايز اعرف فين مكان المناول دة والكاوتشة الى بتتغير تحت العربية ولا داخل الكبود . وكل عام وانتم وجميع اسرة المنتدى بخير

وعليكم السلام ورحمة الله.
ازيك يا استاذ امام واحشنى والله.
كل سنة وحضرتك والعائلة الكريمة بخير وسعادة واعاده الله عليكم باليمن والبركات.
موضوع المناول ده من فوق مكان غيارات الجيربوكس فيه ذراع خارج من الجيربوكس فيه ثقب مدور وفيه كاوتشه مدوره بشفه من الخارج ومن الداخل فيها ماسورة صغيرة 10 مم تقريبا داخل فيها ذراع من العصايا و دى بتتقطع وتعمل بوش فى النقلات.
ح اصورهالك وارفعها بس ادينى يومين

**ahmed2801** · 18-08-2012 02:04 PM

المشاركة الأصلية كتبت بواسطة shadie

لو سمحت يا استاذ احمد هو حضرتك بتزود الكوتشات على كام امامى و خلفى و كل سنة و حضرتك طيب و العائلة الكريمة

كل سنة وحضرتك طيب
ضبط الكاوتش الامامى 29 وخلفى 31 علشان انا عندى نتروجين وبسافر كتير وبحمل شنط وافراد.

**arwah** · 19-08-2012 06:10 PM

السلام عليكم يا استاذ احمد لعلك انت وابنك واسرتك الكريمه بخير حال ان شاء الله جزاك الله خيرا على التهنئه بمناسبة عيد الفطر المبارك اعاده الله عليك وعلينا بالخير والبركه..كنت عايز ابشرك بان الخنقه والنتفه او التفتقه الحمد لله زالت بنسبة 98% بعد ما غيرت حساس الايدل وحساس الtbs اشتريتهم من عند الجمال وده متخصص اسبرانزا وله فرعين واحد عند المديريه القديمه والتاني قي محمد نجيب بعد ما دوخوني عليهم هو والميكانيكي هو مصمم على الرقم اللي على الحساسات مع انهم اي القدام مش بتوع الاسبرانزا والميكانيكي جابلي الارقام من عربيه تانيه سليمه مش (معكوكه )او( معكعكه) وبرده مش عايز يستبدلهم بحجة ان كل عربيه في نفس الموديل والشكل قد تختلف حساساتها ، واللي خلاني مصدقه انه هو نفسه عنده واحده لونج زيها المهم جبت حساساتها اللي المفروض انها تركب عليها ورحت ركبتها بنفسي بعد ما وديتله الحساسات القديمه وبص عليها والحمد لله انهت المشكله الحمد لله وبالمره بقى غيرت اتنين كوتش قدام استعمال خارج هو قاللي كده ..! بس ضمنهم ب300 جنيه بالعافيه لان العربيه كان فيها رعشه على السبعين تختفي او تقل مع التسعين او اعلي ورصصت كمان واختفت الرعشه وكمان كانت بتحدف يمين الحمد الله اتعدلت بعد تغيير الكوتش ..اه نسيت اقولك ان الحساسين عملين 375 ده بعد الفصال ومش عارف اذا كان كده غالي ولا لا فاضل بس مشكله بحس بدردره من وقت للاخر لما رجلي تخف على الدواسه(البنزين) بس ده قليل واحيساسي بيه بسيط وفيه تقطيعه بسيطه جدا اعتقد ان سببها كهرباء بس مش عارف انه جزء انا اطلت عليك بس حبيت احكيلك لاني بحب احكيلك واسمع منك وجزاكم الله خيرا

الموضوع: ياريت كل الافادة عن a11

LinkBack

أدوات الموضوع

عرض

-

-

-

-

المواضيع المتشابهه

صوتين محيرنّي: ياريت الافادة

مشكلة ياريت الافادة

ياريت الافادة بسرعة

ياريت الافادة ياخوانى

ياريت الافادة في اسرع وقت

الكلمات الدلالية لهذا الموضوع

المفضلات

المفضلات

ضوابط المشاركة