بصراحة يا باشا من العربيات اللي حضرتك قايل عليها أنا سقت الانوس بس و كانت لانوس ١ بتاعة واحد صاحبي ..لا كنت باسخن و لا بستني على التكييف ...اشغله أول ما أدخل العربية :)
بصراحة يا باشا من العربيات اللي حضرتك قايل عليها أنا سقت الانوس بس و كانت لانوس ١ بتاعة واحد صاحبي ..لا كنت باسخن و لا بستني على التكييف ...اشغله أول ما أدخل العربية :)
الله اعلم بقى بهل نستنى لحد ما تسخن ولا نشغل المكيف ونتحرك بيها زي ما بنعمل على طول؟؟؟
زيادة فترة التسخين بتقصف عمر الموتور
انت المفروض توصل لدرجة حرارة التشغيل الطبيعية فى اقصر وقت علشان تحافظ على الموتور
درجة حرارة التشغيل هى درجة الحرارة اللى تشغل عليها التكييف وتجرى وتحمل براحتك
يعنى دور العربية دقيقة دورة الزيت تكمل وابدأ اتحرك بالراحة من غير قرص على غيار باقصى سرعة 50 او 60 لحد مالحرارة تعلى وبعد كدة براحتك
النوبيرا و اللانوس و الافيو عداد الحرارة بتاعهم مفيهوش درجات حرارة و بالتالى مستحيل تعرف فين التسعين... بالاضافة ان اساسا مراوح التبريد فى العربيات دى بتشتغل على السرعة الواطية لما حرارة الميه توصل 92 يعنى نبداء نتحرك لما الميه تبقى يدوبك حتبقى شخنة اكتر من اللازم؟؟؟؟ مش منطقى خالص خصوصا ان كتالوج اللانوس تحت ايدى دلوقتى و مفيهوش الحتة دى خالص
كل العربيات الجديدة فيها تحذير انك متسخنش مدة طويلة.. اخرك نص دقيقة و تمشى عشان التسخين مضيعة للبنزين و زيادة تلوث و ممكن اوى يتلف محول الحفز (علبة البيئة)
MMamdouh
تويوتا يارس و سيتى....
فيهم لمه بتنور طول ما الماتور بارد و بعد ميسخن بتطفى و ممنوع التحرك طول ماهى منوره ؟
فياريت حد يقولنا بتاخد وقت قد ايه عشان تطفى ؟
حسب الجو... ملهاش وقت محدد
بس فى العموم مبتاخدش اكتر من دقيقة
MMamdouh
مش كل العربيات تحتاج تسخين الصبح حتى ولو في الشتاء
في عربيات بتبقى Cold Runing يعني تدور و تمشي على طول
و يكفي في اقصى الاحوال التسخين لمدة دقيقة او اثنين
و من المهم عدم الغاء ثرموستات الكوعه لأنة يساعد ان السيارة تشتغل بكفائة و هي باردة في الصباح
و مهم جدا انة لو انطلقت بالسياره بمجرد ادارتها انك مش تمشي بسرعه بطيئة لكن المهم انك ماتحملش عالغيار و لا تقرص
يعني ماتمشيش عالتالت و انت على سرعه 30 مثلا او عالتاني على سرعه 10 لان الحمل عالموتور حايكون عالي وبالذات لو معاك اشخاص في السيارة و كذلك ماتقرصش عالعربية جامد وتخللي الار بي ام فوق ال 4000 لكن بعد دقايق من ادارتها
و فية ناس بتسخن او بالاصح بتدور العربيات غلط اساسا
واحد مثلا يدور و يروح كابس بنزين لنص الدواسة ان ماكانش عالاخر
دة حايطير صبابات و يبهدل وش السلندر
لان لسة دورة التزييت محتاجة ثواني علشان الزيت يطلع لفوق
و واحد بيأنجن للعربية علشان يسخنها (بيكرك بنزين) برضة غلط بيبرجل العربية وبيزود التآكل في الاجزاء المتحركه
اول ما تدور العربية ماتدوسش بنزين خالص لمدة 7-8 ثواني عالاقل
و بعدين ممكن تحمل رجلك سنة بسيطة يعني الار بي ام يكون 1300-1700 مثلا ثابت لمدة دقيقة او اتنين و دة كافي جدا
الف شكر على المعلومات القيمه