كل ما أشغل التكييف الاقى المروحه كل شويه تشتغل وتفصل ( شتغل 1 دقيقه وتفصل 15 ثانيه وتشتغل)
هل ده طبيعى ولا فى حاجه غلط ؟؟ أنا شاكك فى زيت ليكولى مولى ده مش عارف ليه
عرض للطباعة
كل ما أشغل التكييف الاقى المروحه كل شويه تشتغل وتفصل ( شتغل 1 دقيقه وتفصل 15 ثانيه وتشتغل)
هل ده طبيعى ولا فى حاجه غلط ؟؟ أنا شاكك فى زيت ليكولى مولى ده مش عارف ليه
هو مش طبيعى ... ولكن أيه علاقه الزيت بالمروحه ؟؟؟؟ ممكن توضيح اكتر للحاله ؟ ...
مروحة العربية ولا مروحة التكييف
لو مروحة العربية حتلاقي امبير الحرارة بيلعب ممكن حتلاقيه بيتحرك حاجة بسيطة
وساعتها اقولك ممكن تشك في الزيت
رغم ان في عوامل تانية زي دورة التبريد
لو مروحة التكييف
الزيت ملهوش اي علاقة
ده طبيعى جدا ياباشا المفروض ان مروحة التكييف بتشتغل مع التكييف علطول ومروحة العربية بتشتغل وتفصل والكوممبروسور بيلقط ويفصل برضه ده طبيعى جدا متقلقش انا كنت متابعها زيك كده هو بس صوتها بيبقى عالى شوية كل متشتغل ملحوظ يعنى
عندي نفس الموضوع .. دة عادي متقلقش
اتطمن ياكبير الموضوع ده عادى اما التكييف بيشتغل المروحه بتشتغل معاه على السرعه العاليه وبتفصل السرعه العاليه اما الكباس بيفصل بتبقى على السرعه البطيئه بس صوتها فالسرعه البطيئه مش مسموع بس طالما انت دايس على زرار التكييف مشغله هى شغاله سواء سرعه بطيئه او سرعه عاليه وده مرتبط بالكباس لو شغال سرعه عاليه فصل بتشتغل سرعه واطيه فانت مش بتسمعها
بالنسبه للزيت ده ممتاز انا حاطه عندى وحاطط السيراتك وماشى 3000 عليه بس رااااااااااائع
ده العادى يا هندسه
مع التكييف
الف شكر يا رجاله واضح ان الجو الحر ده هو السبب ان المروحه كل شويه تشتغل
يا باشا ده معناه ان دوره التبريد والتكييف كمان تمام, لان لو المروحه شغاله على طول يبقى فى مشكله فى دوره التبريد او كومبرسور التكييف مش بيفصل
عموما مافيش فى العربيه غير مروحه واحده سرعات, بتشتغل كده او كده مع كومبريسور التكييف على السرعه البطيئه, ولو درجه حراره الموتور عليت شويه تشتغل على السرعه السريعه لحد متنزل لحد معين, ولما كمبريسور التكييف يفصل ودرجه الحراره مضبوطه تفصل المروحه وهلم جراً