الموضوع: أشترى أسترا ولا ميجان أستيشين

السلام عليكم..
الاسترا تقريبا تقفيلها في بلجيكا. و الميجان الستيت في تركيا.. و بيتهيألي ان بلجيكا افضل..
النقطة اللي انت اثرتها دي هي نفطة ضعف الرينو الوحيدة في المقارنة بالاوبل..
ان سعر اعادة بيع الرينو ايا كانت.. بيبقي واقع جدا نظرا لقلة الاقبال عليها لما يشاع عنها انها قطع غيارها غالية جدا و الكلام ده.. في حين ان ممكن (و باقول ممكن) تكن قطع غيار الاوبل في نفس السعر او اغلي كمان.. بس هي سمعه بس مش اكتر..

بس اكيد العربيتين في منتهي الجمال و اركب الاتنين و جربهم و سوقهم..و شوف هترتاح في انهي فيهم نفسيا اكتر.. و استخير و ربنا يوفقك لما فيه الخير..

السلام عليكم

احمد باشا علاوى

الميجان الستيت في تركيا

الميجان الأستيت متقفلة فى فرنسا مش فى تركيا الى فى تركيا دية السيدان ! ( مع انة ميعيبش السيدان فى اى حاجة )

انا رأى ميجان استيت بجد انا بعشق العربية دية !

و نصيحة لكل الى عاوز يجيب ميجان استيت انة يجيبها بانوراما بجد حاجة تانية خالص و الباركينج سينسورز الى مع البانوراما مهمين لأقصى درجة و شغالين بفاعلية جامدة جدا جدا يعنى لما الزمارة تبقى متواصلة بيبقى فعلا فاضل حتة بسيطة جدا جدا عكس بعض الباركينج سينسور الى تلاقيها مستمرة و مسافة كبيرة فاضلة و البانوراما حتعرف هية قد اية حلوة لما تركبها

بالنسبة لأعادة البيع فا الأتنين مش كويسين خالص ! يعنى زى بعض بل بالعكس ممكن الميجان تكون افضل لأنى بجد عمرى ما شفت استرا ستيشن ( فى الأسكندرية )

و بص على الموضوع دة

http://www.nilemotors.net/Nile/showthread.php?t=24959

فهد بك..
اهلا بيك و منورنا..
اولا.. موضوع انها تركي ده انا عرفته من الزبون الموظف اللي كان واقف في جناح رينو في معرض اوتوماك.. مش من عندي.. و علي هذا الاساس قولت كده.. لكن انا كنت فاكرها فرنساوي فعلا.. لحد ما قاللي كده..
لو هو غلطان يبقي العهدة علي القائل بقي..
انت بتعشق العربية دي عشان اشتريتوها.. :)
انا كمان شكلها عاجبني جدا..وركبتها في المعرض و مكنتش عايز انزل منها بصراحة.. كنت متكيف منها بجد.. و اعتقد علي ما اذكر ان الاسترا الستيت برضه فيها فتحه سقف بس مش فاكر..
اما بالنسبة للباركينج سينسورز.. مش قصة.. و اي نوع من اللي بيركب في الشارع بيشتغل كويس و زي مانت بتقول..
يعني النقطين اللي بتقول عليهم مش سبب تخلي الواحد يجيب عربية او يفضل واحدة علي التانية..
اما بالنسبة لموضوع ثقافة الشعب.. لو راجعت اللي قولته كان بنفس المعني.. و متفق معاك تماما.. لكن الحقيقة دلوقتي ان سعر الاوبل اكميد هيبقي اعلي شوية من الميجان في اعادة البيع.. (واقع السوق المصري المريض.)

اية يا باشا لأ والله مش علشان اشتريناها

و انا قلت

و نصيحة لكل الى عاوز يجيب ميجان استيت

مش قلت الميجان افضل من الأسترا علشان السقف و الباركينج سينسور

و الأسترا ممتازة طبعا مفيش كلام

ولا يهمك يا باشا .. حصل هير..
اللي يشوف الردود علي بعض يفتكر اننا بنقفش علي بعض علي فكرة.. في اكتر من موضوع,, :) :)
بس والله مفيش حاجة.. يمكن بنحب ننكش بعض بس و نناكف بعض شوية.. :)

ولا يهمك يا باشا .. حصل هير..
اللي يشوف الردود علي بعض يفتكر اننا بنقفش علي بعض علي فكرة.. في اكتر من موضوع,, :) :)
بس والله مفيش حاجة.. يمكن بنحب ننكش بعض بس و نناكف بعض شوية.. :)

يا باشا مفيش مشاكل ولا حاجة احنا اخوة :)

موضوع العفشة الناشفة دي.. متحكمش عليه سماعي.. لازم بالتجربة..
وبعدين حتي لو ده صحيح يبقي خلي بالك ان العفشة الناشفة بيقابلها عمر افتراضي اطول غالبا و ثبات اعلي. و اللي قريته علي لسان احد الاخوة الكررام مالكي الميجان بس العادية مش الستيت.. ان مغير مساعدين و مهبط العربية شوية عشان الثبات..يعلي شوية..
معلومة ان الميجان تركي قالهالي واحد في المعرض بتاع اوتوماك.. و كان شغال في الجناح بتاع رينو..
اما الاسترا فهي مش الماني الصنع علي ما اذكر.. انا قريت علي موقع اوبل نفسه ان الاستارا تقفيل مصنع انويرب في بلجيكا.. بس دي كانت الهاتش باك مش متأكد من الستيت بقي..

موضوع الضمان ده بقي اللي يحير فعلا.. و الرينو اكيد اخسن في النقطة دي..
و هخلي بالك برضه لو انت بتفكر في البيع قريب.. يبقي الاوبل افضل في النقطة دي..