الموضوع: حصريا تحويل الشاهين من انجكشن الي كاربراتير بالصور

الملاحظات

أولا بالنسبة للاسبراتير طلع في اسبراتير 131 سن طويل و 128 سن قصير وده اللي انا ركبته طبعا كنت بفضل الالكتروني بس اللي بيفهم فيه الميكانيكيه هوا العادي وجه كهربائي ظبته وخد 40 جنيه وبالنسبة للرداخ الياباني ركب قدام جنب الماتور وطرمبة البنزين اللي ورا زي ماهي ومش واصلها كهرباء لمبة الرشاش مش بتضيء عداد دورات المحرك فصل وقالي خلي كهربائي يشغله

تقيمي لاداء السيارة اول مادورت وفتحت الكبوت لقيت الماتور بيهتز كتير قالي اصل العربية بارده الكلام ده ماكانش موجود في الانجكشن صوت الماتور بقي هادي وضعيف طلعت اجرب العربية لقيت العربية بتسك يااااااه رجعت تاني لايام اللادا طبعا ده لازم يحصل مع الاسبراتير العادي

المهم السحب والقوة الانجكشن وهوا بايظ عندي كنت بحس بقوة العربية حاليا اكني ركبت فيها مكنه 1100 مش حاسس بقوة خالص وطبعا لما اشيل رجلي العربية بتكن

فانا بقول ياريتني صرفت علي الانجكشن انا كرهت العربية
بس في الاخر هنقول هوا ده العملي

لكن استنتاجي فعلا ان اي عربية انجكشن مهما كان ماتورها صغير اقوي من الكاربراتير العادي

انا كان معايا دوجان كانت اسبراتير الكتروني وكانت سريعه طبعا
بس معرفش الضعف من الاسبراتير العادي ام لا


المهم انتظروا تعليقي علي استهلاك الوقود ده الامل الاخير ليا
وحاليا جاري رفع الصور موضح فيها الاسماء

الصور

2005.rar

أي استفسار انا تحت امركم

المشاركة الأصلية كتبت بواسطة hrh_sameh

شكرا على نقلك للتجربة
وأكيد الالكتروني كان هيبقى افضل (مع فارق السعر طبعا)
بالتوفيق يا باشا :)

انا طبعا بفضل الاليكتروني بس الميكانيكي عاوز يجيب اللي بيفهم في تصليحه


غير كده انا حطيت رابط الصور علي المديا فاير موجود في مشاركاتي لو ممكن المشرف المحترم ينقله وينقل الملاحظات تحت الموضوع الرئيسي

مع كامل احترامى لرأى حضرتك، الانجكشن مشاكله اقل بمراحل من الكربراتير اللى بعتبره اختراع فاشل، كده كل شويه هتروح لميكانيكى يعك فى الموتور ويقولك ظبطته
وهتخاف تروح سفر بعيد عشان هتقلق العربيه تعملها فى الطريق
رأيى ان المشكله أساسا فى الصنايعيه اللى حضرتك بتتعامل معاهم.
ربنا يوفقك.

المشاركة الأصلية كتبت بواسطة recaro

مع كامل احترامى لرأى حضرتك، الانجكشن مشاكله اقل بمراحل من الكربراتير اللى بعتبره اختراع فاشل، كده كل شويه هتروح لميكانيكى يعك فى الموتور ويقولك ظبطته
وهتخاف تروح سفر بعيد عشان هتقلق العربيه تعملها فى الطريق
رأيى ان المشكله أساسا فى الصنايعيه اللى حضرتك بتتعامل معاهم.
ربنا يوفقك.

الانجكشن مشاكله اقل طول ماانت محافظ عليه يعني لا تمون 90 ياتمون 80 وماتنقصش عن النص
وطبعا انا بفضله بس عيبه ان اي مشكله ممكن تتسبب في بوظان المجموعه كامله

لكن مشكلة الصنايعية دي مش عندي انا بس دي في كل مكان خصوصا مع الفيات
لكن هما بيفهموا في الكوري الي حد ما لانوس وفيرنا