أنوي بإذن الله لزق شماسة على الزجاج الأمامي و الخلفي في حدود ارتفاع 15 سم بعرض الزجاج...هل هذا العمل يعتبر مخالفة مرورية ولا لأ؟
وجزاكم الله خيرا
عرض للطباعة
أنوي بإذن الله لزق شماسة على الزجاج الأمامي و الخلفي في حدود ارتفاع 15 سم بعرض الزجاج...هل هذا العمل يعتبر مخالفة مرورية ولا لأ؟
وجزاكم الله خيرا
يا عني ايه لزق شماسة اقصدك البتاعة المخرمة السوده ده لا ما اعتقدتش
أنا مش هفتي بس هقولك على اللي أعرفه.
لسه سائل واحد صديقي (رئيس نيابة مرور في البحيرة) على الستائر هل هي مخالفة ولا لأ وقالي مش مخالفة نهائي لكن الملصقات مخالفة.وبما إن الشماسة من الملصقات فهي مخالفة طبعا وهيرخموا عليك كتير في أي لجنة علشان ياخدوا فلوس
ايه هيا الشماسة ده انا موش فاهم حاجة
لا يا فندم البتاعة المخرمه يمكن تكون ستاره ..البتاعه اللي انا اقصدها زي الفاميه بس بتبقى على الجزء العلوي فقط من الزجاج لحجب الشمس :)
اقتباس:
المشاركة الأصلية كتبت بواسطة cobraa2008
اه موش عارف بس مممكن يغلسوا عليك اوووووووووووووووووووووووي بلاش ابهد عن الشر وغنيله
انا كنت لاصق شماسه على الزجاج الامامى حوالى 18 سم اتسحبت منى رخصة العربيه بسببها فنصيحة متركبهاش علشان ماتدوخش على الرخصه
اقتباس:
المشاركة الأصلية كتبت بواسطة elpasha009
للأسف الشديد الكلام دة غير سليم لأن كان عندنا عربية والدى كان شاريها راكب فيها ستاير و الرخصة اتسحبت و اتعمل للعربية فحص للتأكد من ازالة الستائر.
الشماسة مخالفة , لكن لو العربية نازلة بيها متبقاش مخالفة ,
الفامية في الإزاز يبقى مخالفة لكن لو العربية نازلة كده متبقاش مخالفة ,
لو قدرت تعمل الشماسة من جوة و بدرجة خفيفة أعتقد مفيش لجنة أو فحص هياخد باله و هيحسبوا انها نازلة في الإزاز , و على فكرة لما بتكون نازلة في الإزاز ما بتتسبتس في الرخصة لكن بتبقى باينة انها في الإزاز و مش فاميه.
يافندم الشماسة بيعتبروها من الحاجات اللي بتحجب الرؤية لكن قانونا هي مش ممنوعة بنص صريح في القانون ولما حد يكلمك عليها تشيلها في ساعتها وملوش حاجة عندك.اقتباس:
المشاركة الأصلية كتبت بواسطة جندى مجند
ممكن حضرتك تستخدم خصوصا لو مسافر شماسات الشبابيك المخرمة و كذلك شماسة الزجاج الخلفي و عند دخولك علي اي كمين ممكن تشدها بسهولة و بعد كده تبقي تشبطها في الزجاج تاني و اعتقد ان دي حتخفف شوية من حدة الشمس و الحرارة و برضه بتكون مفيدة قوي لو ركنت في شمس لانها بتحافظ علي الفرش و في نفس الوقت بتمنع سخونة صالون العربية
محمد فهمي
و الله كنت ناوي اعمل كده بس شفت الستارة المخرمة راكبة في عربية واحد قريبي وكانت الدنيا ظلمة و متعرفش تشوف حاجة من الزجاج الخلفي و ده اللي خلاني افكر في الشماسة اللي بتبقى في اعلى الزجاج فقط
وشكرا على مشاركتك :)
اقتباس:
المشاركة الأصلية كتبت بواسطة borgelharm
يا جماعة يعني لو جبت ستائر كبس ، دي هتكون مخالفه ؟؟
ياباشا حسب المرمور الي أنت تابع ليه لو أنت في القاهره مثلا عادي
لكن لو أنت في المنصوره مثلا منصحكش تمشي بالعربيه لانهم
ممكن يسحبوا الرخص علشان لابس نضاره شمس فيميه ........ (أه رخمــــــــــــين)
كون الشماسة مخالفة ولا لا يعتمد على الحالة المزاجية لضابط المرور اللى وقفك
MMamdouh
اه مخالفة انا اتسحبا منى الرخص قبل كده علشانها
بالظبط كدهاقتباس:
كون الشماسة مخالفة ولا لا يعتمد على الحالة المزاجية لضابط المرور اللى وقفك
الشماسة مش مخالفة فى حدود 10 سنتيمتر قانونا ده بتاع الازاز اللى قالى الكلام ده ..
لأن بربريز العربية بتلاقيه ملون من فوق ازرق او اخضر وبيكون 10 سنتى ...
ولازم الشماسة اللى تحطها تكون فاميه وتتلزق من جوة ..
لكن فى ناس بتحط شماسه اسود مط من بره دى مخالفة نهائى
اقتباس:
المشاركة الأصلية كتبت بواسطة MMamdouh
هية غير مخالفة لحد 10 سم زي ما الزجاج بينزل في أي عربية جديدة
بس الظابط لو رخم ولاقاك لازق فاميه ممكن يدخلها تحت بند الملصقات والمعلقات اللى هما بيحطوا تحتيه أي حاجة لما يكونوا عايزين يتلككوا ويسحبوا أي رخص والسلام
وعلى فكرة المعطر اللى بيتعلق على المراية اللى في النص مخالفة لأنه من المعلقات وده ممنوع بس هما بيعدوها عشان لو قالو للناس يشيلوا السبح والمعطرات والخرز الأزرق اللى متعلق في المرايات من عربياتهم الناس هاتنزل تحط صوابعها في عنيهم تقريبا
ماترسونا على حل
الستاير الجانبيه مخالفه ولا ايه؟
انا جالى بيبى الحمد لله عنده اسبوعين ولما بيركب العربيه على رجل مامته الشمس بتضايقه ففكرت فى الستاير الجانبيه وفيمت القزاز اللى ورا
كده مخالف ولا ايه
ياجماعه بالنسبه للستائر الجانبيه مخالفه ولا لا ياريت حد يرد ويكون متأكد
يعني نموت من الشمس والحر عشان خاطرهم ولا ايه .. نعمل ايه يعني طيب !
و الله يا جماعه انا توكلت على الله و لزقت شماسه داخليه على الزجاج الخلفي من اعلاه الى بداية السخان كما هو موضح بالشكل
http://www6.0zz0.com/2008/07/14/09/220784873.jpg
وربنا يسترها معانا و محدش ياخد باله من اخوانا بتوع المرور
والله فرقت جامد في السفريه اللي فاتت علشان انا دايما باخالي المدام و احمد بك ابني الصغير في الكنبه الخلفية و خصوصا ان سفري لمكان عملي بياخد 9 ساعات منهم على الآقل 3-4 ساعات في الشمس
اقتباس:
المشاركة الأصلية كتبت بواسطة mrghost
ياسيدي هية مخالفة فعلا لأنها من الملصقات والمعلقات
والقانون بيحظر ان يكون في أي ملصقات أو معلقات على المركبة في الطريق العام
وبصراحة انا مش عارف ليه القانون بيتضمن حاجة زي كده ... لازمتها ايه أو فايدتها ايه بالنسبة ليهم حتى
انا كنت مركب ستاير جانبية (الجرار دي المخرمة)
ما حدش و قفني عليها غير مرتين قاللي دي ايه قولتلو ستاير
قالللي اطلع
V-Kool has black tint, you could have made it for 70-100 I think and it help reduce heat a lot better than normal tint. I have normal double tint in my father car in front windshield for 2 years now and no problem at all, maybe I am just lucky.
اقتباس:
المشاركة الأصلية كتبت بواسطة mshamy
انا هقول حاجة حصلتلي
الشماسة الي قدام مخالفة وسحب رخص او غرامة فورية 20جنية
ودفعت يومها ال20 لان مكنش معايا رصيد اكلم حد ولو من المنصورة ما انصحكش تعمل حاجة
خالص لانهم شادين شدة صعبة اوي
و الله فكره حلوه يا كيمو بس انا فعلا معرفش حد في بورسعيد بيركب V-Kool يمكن لما انزل القاهره إن شاء الله الأجازه الجايه...
اقتباس:
المشاركة الأصلية كتبت بواسطة kimoboy
أنا إتأكدت انها مخالفة فعلا و بالمره جربت قانون المرور الجديد و دفعت ال 50 أهيف:banghead: بعد التصلح مع حضرة الظابط ال..:036:
انا اتلخبط يا جماعة يعني الستاير الجرار اللي بتركب في الازاز اللي ورا دة ممنوعة و لا بيمشوها عادي ؟؟؟؟؟؟؟؟؟
يا جماعة ياريت اللى يعرف و يكون متأكد من موضوع الستائر الخلفية اللى بتتجر دى مخالفة ولا لأ يفيدنا؟
الشماسة مخالفة الفيميه مخالفة الستائر الكبس مخالفة الستائر الجر مخالفة الv coolمخالفة الاكل في العربية مخالفة التليفون مخالفة عدم سماع كلام بابا وماما مخالفة لو لبست بدلة بلون العربية مخالفة اي حاجة مخالفة هما عايزين فلوس وخلاص ويحرقوا دمنا وخلاص وتدور علي واحد منهم في الشارع بينظم متلاقيش تلاقيهم بس في تحصيل المخلفات في اللجان؟؟؟؟؟؟؟؟؟؟؟؟
فعلا تعتبر مخالفة و ربنا يسترها