لسه جايب أوكتافيا a5 و محتاج مساعدتكم

يا جماعة أنا لسه جايب أوكتافيا a5 2006 كاملة من غير جنوط ولا فتحة سقف عاملة 112 ألف كيلو فابريكة برة و جوه بس يا جماعة العربية فيها كذا مشكلة و عايز مساعدتكم :
1-العربية فيها تنتيشة ع الغيار التالت (هيه أوتوماتيك) بس بتختفى لو كبست بنزين جامد شوية
2-فيه صوت هوا جامد داخل جوة العربية مصدره من الباب اللى ورا يمين بيظهر أوى من أول ال 80 فيما فوق
3-العربية فيها صوت ونة أو نعرة بيظهر أوى مع الغيار الخامس و السادس من 100-120 بالذات عامللى زنة كده فى جسم العربية ده ممكن يكون بلى عجل خشن ولا كبالن داخلية ولا ايه؟؟
قولولى أروح بيها فين أضمن مكان ولا اعمل ايه أفيدونى أفادكم الله

اولا الف مبروك ربنا يديك خيرها ويكفيك شرها

1- بالنسبة لنتشة الفتيس اول حاجة لازم تغير زيت الفتيس وبعد كدة نشوف الدنيا

2- صوت الهواء دة ممكن يكون فية كاوتشة باب مقطوعة ,

3- شوف الاول هتغير الزيت وهتشوف الدنيا فيها اية

زي مقال سمسم باشا
والف مبروك ..

الله يبارك فيكوا أنا بشكر حضراتكم على سرعة الرد و الأفادة بس ليا استفسارين يا سمسم بخصوص اللى انت قلته:
1- أغير زيت الفتيس فين يعنى تنصحنى أروح التوكيل و لا مركز خدمة معتمد؟؟!!
2-هو الموضوع ممكن يكون فيه مشكلة جامدة فى الفتيس؟؟ مع العلم انى حطيت العربية على كمبيوتر و قاللى مفيش أى ايرورز فى الفتيس عشان انت كده وجعتلى بطنى بصراحة بالموضوع ده

اقتباس:

---

المشاركة الأصلية كتبت بواسطة momo_13331

الله يبارك فيكوا أنا بشكر حضراتكم على سرعة الرد و الأفادة بس ليا استفسارين يا سمسم بخصوص اللى انت قلته:
1- أغير زيت الفتيس فين يعنى تنصحنى أروح التوكيل و لا مركز خدمة معتمد؟؟!!
2-هو الموضوع ممكن يكون فيه مشكلة جامدة فى الفتيس؟؟ مع العلم انى حطيت العربية على كمبيوتر و قاللى مفيش أى ايرورز فى الفتيس عشان انت كده وجعتلى بطنى بصراحة بالموضوع ده

---

بصراحة ماعتقدش ان تغيير الزيت هاياثر فى نتشات الفتيش الاوتو لازم تكشف عليه فى مكان كويس

مبروك عليك يا باشا
:( انا زعلان انا كنت رايح اخلص فى واحده اخت اللى معاك بكره وانت خوفتنى منها كده
هو حضرتك جبتها على كام

تقريبا كبالان داخلية هى الى تعمل كل العيوب الى بتشتكى منها دى

اقتباس:

---

المشاركة الأصلية كتبت بواسطة momo_13331

الله يبارك فيكوا أنا بشكر حضراتكم على سرعة الرد و الأفادة بس ليا استفسارين يا سمسم بخصوص اللى انت قلته:

---

اقتباس:

---

المشاركة الأصلية كتبت بواسطة momo_13331

1- أغير زيت الفتيس فين يعنى تنصحنى أروح التوكيل و لا مركز خدمة معتمد؟؟!!
2-هو الموضوع ممكن يكون فيه مشكلة جامدة فى الفتيس؟؟ مع العلم انى حطيت العربية على كمبيوتر و قاللى مفيش أى ايرورز فى الفتيس عشان انت كده وجعتلى بطنى بصراحة بالموضوع ده

---

اولا الموضوع مش مقلق ولا حاجة

دية صيانة دورية لازم تتعمل فاى عربية وخصوصا لو مستعملة بتاخدها تغير كل السيرفيشس بتاعها وتحسب مدةن التشغيل عشان يتغير فى مواعيدة الدورية

دلوقتى : انت ماتعرفش اللى قابلك ماشى على الزيت قد اية , فاحنا الاول بنغير الزيت

وبتشترية وبيتم تغيرة فى اقرب مركز معتمد لصيانة فولكس فاجن وسكودا وممكن اخواتنا فى قسم اسكودا يقولولك على افضل مركز بحكم الخبرة والتعامل

وياباشا الموضوع عادى والله انت معاك فى النقلة الاولى كويس والتانية كويس بيجى عند الثالث ويعمل نتشة فهنغير الزيت وان شاء الله الدنيا تتظبط

اقتباس:

---

المشاركة الأصلية كتبت بواسطة momo_13331

يا جماعة أنا لسه جايب أوكتافيا a5 2006 كاملة من غير جنوط ولا فتحة سقف عاملة 112 ألف كيلو فابريكة برة و جوه بس يا جماعة العربية فيها كذا مشكلة و عايز مساعدتكم :
1-العربية فيها تنتيشة ع الغيار التالت (هيه أوتوماتيك) بس بتختفى لو كبست بنزين جامد شوية
2-فيه صوت هوا جامد داخل جوة العربية مصدره من الباب اللى ورا يمين بيظهر أوى من أول ال 80 فيما فوق
3-العربية فيها صوت ونة أو نعرة بيظهر أوى مع الغيار الخامس و السادس من 100-120 بالذات عامللى زنة كده فى جسم العربية ده ممكن يكون بلى عجل خشن ولا كبالن داخلية ولا ايه؟؟
قولولى أروح بيها فين أضمن مكان ولا اعمل ايه أفيدونى أفادكم الله

---

الصوت ده ممكن يكون كاوتش (كان عندي صوت كده والميكانيكي قاللي كاوتش وما صدقتوش -- وراح لما غيرت الكاوتش )

روح لأحمد زاهر -- اتوتستراد المعادي بعد نزلة الدائري -- 01002221256
حيقوللك عندك ايه بالظبط -- مش حيشتغلك

الكبالن الداخلية تخلي العربية تترج جامد من قدام ( تحس انها بتلروح يمين وشمال )عند سرعة 40 وبعدين تروح