عاوز اعرف ايه سبب الحدفة الشمال ؟؟؟

**vip6** · 08-08-2012 03:12 AM

اخوانى الاعزاء

انا عربيتى لانوس 1 موديل 2000 ، العربية كانت ماشاء الله ميزان وتمام جدا ولكن بدأت الاحظ حدفة شمال لما بسيب الدريكسيون بتحدف شمال ببطىء برغم انى رصصت وظبط زوايا بس الراجل الى ظبط الزوايا قالى الكاوتشين الى قدام مختلفين علشان كده بتحدف !!! طيب ماهو كانوا هما هما الكاوتشين ومكنش فيها الهوا وماشاء الله كانت مسترة ، ايه سبب الحدفة الشمال ، وعلى فكره دلوقتى ذادت الحدفة شويه بعنى اول ما بسيب الدريكسيون بتحدف شمال !!! ايييييه السبب ؟؟؟

ولكم جزيل الشكر

**lanos2004** · 08-08-2012 03:34 AM

انا بتحدف يمين طول عمرها تعال نقسم العربيتين -مع بعض ممكن يتظبطوا
حاول تبدل الكاوتش اليمين مكان الشمال

**vip6** · 08-08-2012 03:44 AM

المشاركة الأصلية كتبت بواسطة lanos2004

انا بتحدف يمين طول عمرها تعال نقسم العربيتين -مع بعض ممكن يتظبطوا
حاول تبدل الكاوتش اليمين مكان الشمال

هههههههههههههههههههه موافق عالقسمة

عملت كده رجعت الى ورا قدام والى قدام ورا ونفس الحدفه بالضبط لازادت ولا نقصت وده شيىء دخيل على عربيتى ، مكنتش كده اطلاقا !!!!

**khalid_adel** · 08-08-2012 05:45 AM

بص لو اول ماتسيب الدركسيون بتحدف على طول
طبعا بعد ماتأكد ان مقاس الكاوتش مظبوط
روح لبتاع الزوايا تاني لانها مفروض تبان في الزوايا وهو بيعرف ايه اللي مش مظبوط ويقولك عليه
سواء مقص ولا مساعد ولا ولا .... بتاع الزوايا المفروض انه بيفهم في العفشه ونصيحه روح لحد بيفهم كويس لان الزوايا الوحيد اللي بيكشف ايه اللي مش مظبوط بدقه اكتر من العفشجي نفسه

**MMamdouh** · 08-08-2012 11:29 AM

انقل العجلة اليمين مكان الشمال

لو الحدفة عكست تبقى عيب كاوتش... لو معكستش يبقى عيب زوايا

MMamdouh

**lanos2004** · 12-08-2012 03:08 AM

شوف انته عاوز من الاخر
بص على العجل الخلفى هتلاقى عجله مش مظبوطه الدنجل مرحل يمين سنه او شمال سنه
الدنجل لما بيرحل ولا العفريت هيعرف يظبطلك زوايا
لازم تروح عند حد عنده ظبط خلفى وامامى زى الجهاز الى فى بنزينه موبيل الى فى اخر شيراتون جنب مرور النزهه

**MMamdouh** · 13-08-2012 12:28 PM

المشاركة الأصلية كتبت بواسطة vip6

انا روحت لمركز لضبط الزوايا كويس ولكن ما زالت المشكله قائمة بس قابلت واحد بتاع تاكسى بالصدفه وقالى محدش هيعرف يظبطلك الزوايا كويس روح اظبطها بالدى ، ظبط الزوايا بلدى يعنى بالمقاس تقريبا ، ايه راى حضرتك فى الكلام ده ؟؟؟؟

مفيش حاجة اسمها ضبط زوايا بلدى

روح لواحد بتاع زوايا محترم و شوف هيقول ايه... لو الزوايا 100 100 يبقى عيب كاوتش

MMamdouh