كاام لتر زيت للصني الشكل القديم 2011

كاام لتر زيت للصني الشكل القديم 2011يا رجالة
النيسان صني بتاخد كام لتر زيت بالفلتر و بدون فلتر ؟
و هل يخرجها من الضمان تغيير الزيت بره التوكيل ؟

2.5 غير فلتر و 3 الا ربع بالفلتر وده ميزه انها موفره في الزيت معظم العربيات بتاخد 3 ونص او 4

وخلي بالك لازم تبقى الصني الشكل المصري الشكل الخليجي الي هو تقفيل كوري الي زي الرينو اسكالا تقريبا بتاخد 4

هو كده فعلا .. واطمن تغيير الزيت لا يخرج من الضمان
لكن اذا استمريت فى تبديل الزيت خارج التوكيل وعدم عمل صيانتين كبار ورا بعض الضمان بيسقط .. ممكن تروحلهم كل 20.000 كم وخلاص لو متضايق اوى
اعرف ناس كتير جاية زيرو نيسان وغير نيسان واخرهم اول صيانة مجانية ان توفرت وبعد كده بيقضوها برة التوكيل
تيجى تبص ع العربية بعد كام شهر ولا سنة وتقارنها بواحدة موديلها بتعمل صيانات فى التوكيل بانتظام .. هتلاقى فرق كبير بينهم لما تركبهم !!!
وده طبعا مع توكيل نيسان .. انما فى توكيلات تانية بتروح وتيجى بدون فارق واحتمال تبوظ كمان فوق الفلوس اللى دفعتها

فعلا كلام دكتور يوسف صح 100% ,انا لسه عامل صيانه ال 10000 كم فى السبع , بجد أداء العربيه اتغير 180 درجه بعد الصيانه وتغيير الزيت والفلتر (داخل الصيانه) العفشه اتربطت تمام وصوت الموتور هدى جدا وتم ظبط النور العالى (كان بيضرب ف السقف) وحاجات كتير , وكل ده لايمكن تحصل عليه بره التوكيل او عند اى ميكانيكى مهما كان شاطر ,
وعلى فكره انا حطيت زيت شيل الترا والعربيه خدت 3 لتر بالفلتر , وفعلا هدى صوت الموتور جدا عن زيت توتال اللى كنت مغيره آخر مره ف أوتو إيجبت

صيانه العربيه بالوكيل بانتظام بيفرق بجد فى كفاءه العربيه
اما بالنسبه للزيت العربيه بتاخد 2,7 لتر بالفلتر و ماتزودش عن كده علشان البوجيهات