ماهو نفس كل حاجة فى ال2010 معايا وماحسيتش بأى اختلاف او ملاحظات زى كده
وبعدين الراجل بيقول العربية كانت زى الفل وفجآة اتحولت للوضع الحالى !!!!!
عرض للطباعة
مر هو انا عربيتي كانت زي الفل برضه من ناحيه الثبات زمأن و بعد 2000 كيلو ابتدت الالعاب
أبو حميد سلام عليكم و على دكتور يوسف كمان:
العربية معايا من 2010 و زى الفل الشكوى دى غريبة فعلا خاصا و ان العربية كانت سليمة و بعد كدة حصل اللى حصل ده على رأيك يا يوسف العربية دى يا إما إترزعت فى مطب جامد اوى و لو ده حصل فعلا كان لازم يبان على شكلها الخارجى زى جنط إتلوا أو شكل العجل يكون شكلة مش مظبوط او العربية تكون وطية من حتة و عالية من حتة تانية. أخيرا و دة بعيد شويا ان قطع الغيار اللى ركبة فالعفشة مش جديدة (انا لا اقصد الاهانة للشركة ابدا لا سمح الله) بس هل العضو المحترم ترك العربية لأى صنيعى معندوش ضمير و خد من العفشة حاجة؟ حصلت فى عربية إيجار مرة و إتاخد منها مقصات و مساعدين و الله اعلم.
انا اكتشفت ان الجنب اليمين عندي اعلي من الجنب الشمال فهل دة اللي يكون عامل عند المشكلة ودة بيكون سببة اية
يا باشا كل الصنى n16 كده ... ولما احمد fbiahmed سألهم فى احد المقابلات قالوله ده لدواعى تصميمية !!!
وهتلاقى بتوع بريدجستون هايقولك لازم زرجينة للعجلة الامامية يمين سم واحد الا ربع لقدام !!!
كل الكلام ده قديم ومعروف ..
وهتلاقى الارتفاع ده اتظبط لما تركب حد جنبك فى العربية وهتلاقيها اثبت ع الطريق ومش بتحدف شمال
اللى مش فاهمينه لحد دلوقت ازاى العربية ما جراش فيها حاجة واداء العفشة اختلف 180 درجة كده !!!
معني كلامك اني لازم اركب حد معايا عشان احس ان العربية مظبوطة اكيد ليها حل .. انا فعلا كنت مركب ٤ غيري وكانت العربية تحفة وكل المشاكل دي مش موجودة واول ما نزلوا اجارك اللة نط وحدف وميل ولعب وكل اللي انت عاوزة .. حد يوجهني انا رايح التوكيل الثلاثاء اعمل اية
عليك وعلى الاخ احمد fbi .. هو باله طويل فى الحوار ده من اول ما استلم العربية وداخل على 40.000 كم دلوقت وكان عامل موضوع بخصوص الاعضاء اللى بيشتكوا من الحدفة الشمال دى من فترة
عمل زرجينة وظبط زوايا عند صنايعة مصر بحالها ويبقى الحال كما هو عليه
الحل انك تتأقلم عليها بقى مع الاسف لانهم فى التوكيل بيكشفوا ويجربوا ويلاقوا كله تمام التمام طبقا لكتالوج وتصميم العربية ومقاساتها
سلام عليكم انا معايا صني مانيوال 2010 .... انا معنديش مشاكل فى العربيه صراحه الحمدلله عملت بيها 46 الف كيلو .. و مافتكرلهاش انها زعلتني بس فى حاجاة متعلقة فى ذهني ماحكيتش فيها قبل كدة بس طالما الموضوع اتفتح فعلا العربيه فى اول كام الف كيلو كانت عفشتها سوبر ملبن .. حاجة كدة اشي خيال يا ناس ,, بعد كدة انسي النعومه .وخش عالهبد شوية وانك تحس بالنقر و الحفر الجميله و الاسفلت المحبب اوى بتاع بلدنا ( علما بان ضغط الكاووتش 30 قدام 29 ورا نيتروجين ) بس امنيتي الوحيدة ان العربيه عفشتها ترجع زى ماكانت جديدة كنت حلوه خالص و ماسكه نفسه وماسكة العربيه جامد ,, انا فى فيديو عااليوتيوب عامله اسمه ( صني مصري .. ام الاجنبي ) دى عربيتي كان ليا قلب امشي بيها فوق ال 190 ,, دلوقتى حلو اوى 170 .. و بهدي فى الملفات :( .. لدرجة انى بفكر اجيب الشدادات قدام و ورا ربنا يسهل الحال يمكن يكون ليهم تأثير ايجابي