الموضوع مفيهوش اراء....
تغيير و بس... و اخر مرة قلت عليها غيروهالي في نفس اليوم .... ان شاء الله يحصل معاك زيي و تلاقيها في ساعتها
رقم العضوية : 86015
تاريخ التسجيل : 16Jan2011
المشاركات : 847
النوع : ذكر
الاقامة : Banha
السيارة: No
السيارة[2]: Speranza M11
دراجة بخارية: No
الحالة :
النهاردة لاحظت بعض الشروخ البسيطة فى القربة للاسف فيهم واحد من الجنب ناحية الموتور بيرشح مية على خفيف اوى اوى بس اكيد هو ده سبب نقص المية .. طبعا الموضوع ميتسكتش عليه ونويت بامر الله اطلع بكرة على ابو رواش اشوف حل .. خايف ان القربة تكون عايزة تتغير ومتوكنش متوفرة .. انا سمعت عن موضوع شرخ القربة ده من قبل ما اشترى العربية وكنت سامع انها مش موجودة بوفرة فربنا يستر.
حد عنده اراء قبل ما اطلع على التوكيل؟
رقم العضوية : 36962
تاريخ التسجيل : 31Mar2009
المشاركات : 2,315
النوع : ذكر
الاقامة : Zaton
السيارة: ما قولنا كله من نعم الله و الحمد لله
السيارة[2]: كله من نعم الله
دراجة بخارية: never
الحالة :
الموضوع مفيهوش اراء....
تغيير و بس... و اخر مرة قلت عليها غيروهالي في نفس اليوم .... ان شاء الله يحصل معاك زيي و تلاقيها في ساعتها
البريبئ اتخرم و عايزيين بريبئ جديد
رقم العضوية : 99822
تاريخ التسجيل : 20May2011
المشاركات : 306
النوع : ذكر
الاقامة : egypt
السيارة: sprenza 516
السيارة[2]: ritmo
دراجة بخارية: no
الحالة :
موجوده بالتوكيل وموجوده فى شارع دمشق
رقم العضوية : 113041
تاريخ التسجيل : 14Sep2011
المشاركات : 250
النوع : ذكر
الاقامة : HELIOPOLIS
السيارة: SPERANZA
السيارة[2]: 132FIAT
دراجة بخارية: لا يوجد
الحالة :
اطلع على شارع دمشق عند زكى جرجس او عند ابو الفتوح و لو ما لقتش اطلع على شارع زكى فى وسط البلد برضوه حتلاقى هناك
رقم العضوية : 86015
تاريخ التسجيل : 16Jan2011
المشاركات : 847
النوع : ذكر
الاقامة : Banha
السيارة: No
السيارة[2]: Speranza M11
دراجة بخارية: No
الحالة :
انا كنت المفروض اروح التوكيل النهاردة بس للاسف مقدرتش اقوم من النوم .. باذن الله هاخد اجازة بكرة او بعده واطلع على ابورواش علاطول لان اصلا انا ليا ماستر دبرياج محجوز بقالو 10 شهور ودراع التانك مكسور من شهرين ومش موجود وبكلمهم كل اسبوع مفيش فايدة واشتكيت برقم الشكاوى مليون مرة ومفيش فايدة والنهاردة كلمت قطع الغيار مليون مرة مش بيردوا فأنا ناوى اروح اعملهم فضيحة هناك لانى اتخنقت بصراحة لما الموضوع يوصل لتسريب فى دورة التبريد يبقى كده فيه خطر على العربية فلازم حل.
ممكن لو سمحتم اعرف فين بالظبط التوفيقية وشارع دمشق وشارع زكى عشان لو اضطريت هنزل يوم الف فى الاماكن دى بس معرفش مكانها بالتحديد.
تحياتى
رقم العضوية : 86015
تاريخ التسجيل : 16Jan2011
المشاركات : 847
النوع : ذكر
الاقامة : Banha
السيارة: No
السيارة[2]: Speranza M11
دراجة بخارية: No
الحالة :
ولله الحمد صحيت من النوم النهاردة قومت طلعت على مركز خدمة ابو رواش اللى دايما بتعامل معاه .. وصلت 8 ص بالدقيقة بس مكنتش حاجز لا موضوع المية حصل فجأة ومكنش فيه فرصة احجز ده غير ان كل تليفوناتهم مش بترد حسبى الله ونعم الوكيل فيهم طل النهار امبارح بتصل بيهم عشان اسأل القربة موجودة ولا لأ عشان مخبطش المشوار على الفاضى ومش بيردو نهائيا نهائيا!
المهم دخلت وكانت المفاجأة على البوابة ان مفيش دخول من غير حجز لان الوقت ضيق فى رمضان والنهاردة الدنيا زحمة (على عكس ما توقعت تمام ان النهاردة يوم معظم الناس فى شغلها وكمان رمضان والجو حر مين هيروح ابورواش؟) .. الاهم قاللى اركن برة وادخل الاستقبال اشرحله مشكلتك ولو حاجة متستناش ممكن يقدر موقفك ويدخلك .. دخلت على الاستقبال حكيتله فى السريع قاللى لو قدرنا ندخلت مش هنشتغل فيها النهاردة لازم تبات وتاخدها بكرة (قال ايه ده ان قدر يدخلنى قال يعنى داخل باب الجنه يا خى .. لولا انا صايم!!) .. قولتله مينفعش هروح ازاى واستغنى عن العربية ازاى قالى بس شوف القربة موجودة ولا لأ الأول بعدين نتكلم .. روحت أسأل وكانت المفاجأة المريرة ان القربة مش موجودة هههههههههه انا انتابتنى حالة من الذهول يعنى انا خدت اجازة طارئة وجيت المشوار ده كله عالفاضى ولسه العربية هتفضل فى خطر عشان خاطر سفالة وقلة ادب وعدم توافر قطع غيار ابو الفتوح!!!! بس سريعا ما لحقنى الموظف الله يكرمه وقالى بس موجودة فى المركز بتاع الكيلو 32 اللى جنبنا هنا ووصفلى السكة اروح ازاى .. خرجت على موظف الاستقبال قالى اه خلاص اطلع على هناك ده هناك رايق وادخل من غير حجز وفلة.
جيت على المركز التانى بس طريقه غريب اوى اوى اوى مطبات ومدقات ومصانع وشركات ومفيش اى حاجة تدل على اسبرنزا فى السكة خالص .. اللى ضحكنى وسط الهم ده والشحططة ان جيت عند مصنع قولت أسأل لاكون مشيت فى سكة غلط لسه بقول سلام عليكم لقيت الراجل بيقولى بعد السور شمال هههههههههه واضح ان الراجل متعود على السؤال ده.
المهم وصلت دخلت ركنت ودخلت على الاستقبال وكانت المفاجأة ان الاستقبال بيقولى مش هتدخل لازم حجز مش فاهم ايه موضوع الحجز ده .. بدأت افهمه بالراحة مشكلتى وانها مينفعش تستنى قالى سيبنى شوية وهحاول هشوف هينفع ولا لأ ادخلك .. انا قفشت فجأة وقولتله لازم ادخل انا مشكلتى مينفعش استنى عليها لقيته بيقولى لو سمحت حضرتك متلزمنيش بحاجة .. فأنا جبت ورا شوية لما حسيت انه عايز يساعدنى وقومت راغى وحاكى الحوار وانا روحت ابو رواش ويك ويك ويك ورغيت الحوار لقيته بيعايرنى وبيقولى اذا كان مركز الخدمة اللى بتتعامل معاه اتخلى عنك قولتلو يعنى ايه مش انتوا وهما ابو الفتوح يعنى واحد يعنى هتفرق يه وايه الكلام ده .. ماعلينا استنيت فى الريسيبشن شوية وقومت قولت أسأل على دراع تانك البنزين لقيته بيقولى حتى لو موجود مش هنركبه انا دخلتك بالعافية عشان القربة ودى المهمة قولتله طيب اشتريه حتى واخليه لبعد العيد وابقى اجى اركبه فقالى زى ماتحب تقدر تشتريه من المخزن وتخليه معاك.
دخلت المخزن ٍسألت على الآتى:
1. قربة مية: موجودة وسعرها 170 والغطاء 20 جم
2. دراع التانك: موجود وسعره حوالى 30 جم
3. ماستر دبرياج علوى: مش موجود
قولتله اقدر اشترى الدراع دلوقتى قالى زى ماتحب قولتله بس انا هقعد مع المهندس ولو وافق يركبه هيبقى ايه الوضع لانهم برة قالولى لأ مش هنركبه مفيش وقت فقالى لأ يبقى استنى عشان المصنعيات والكلام ده لو هيركب ولو مركبش ابقى عدى عليا خده لما تخلص قولت اوك.
سلمت العربية وبعدها قعدت مع مهندس الاستقبال وشرحتله موضوع المية بس ان الحرارة مزادتش هى بس المية اللى نقصت .. قالى هنكشف على الدورة ولو القربة محتاجة تتغير هيبقى غالبا القربة على الضمان والغطاء هدفع انا تمنه قولتله اوك .. طيب وبالنسبة يا بشمهندس للدراع وبحنية كده وتوسل بصتله قالى عينينا بس المشكلة انه مش موجود قولتله لألألألألألألألأ انا سألت عليه فى قطع الغيار لقيته موجود قالى خلاص هركبهولك وحطه فى امر الشغل مشكورا.
ان شاء الله هستلم الساعة 12 ظهرا .. بالليل لما ارجع على خير باذن الله وافوق من المشوار هبقى اقولكم ايه اللى تم بالظبط
رقم العضوية : 86015
تاريخ التسجيل : 16Jan2011
المشاركات : 847
النوع : ذكر
الاقامة : Banha
السيارة: No
السيارة[2]: Speranza M11
دراجة بخارية: No
الحالة :
السلام عليكم ورحمة الله وبركاته
سلمت العربية الساعة الساعة 9:15 ص
استملت الساعة 11:40 ص
دفعت 75 جم
تم تغيير الاتى:
1. قربة مية على الضمان والغطاء على حسابى 20 جم
2. دراع تانك البنزين على حسابى 27 جم
3. مصنعيات حوالى 25 جم
بصراحة يا جماعة المركز اللى بعد البوابات ده محترم جدا عن مركز ابو رواش .. اول مرة اروح ابو الفتوح واخرج مبسوط ومجبور الخاطر من كل ناحية .. من ناحية المعاملة والسلاسة والتنظيم وتوافر قطع الغيار والمبلغ اللى بدفعه
عيبه حاجة واحدة بس هى طريقه وعر اوى ورخم (اصلى روحت من جوة من مركز ابورواش للمركز التانى) .. وانا راجع خرجت على الصحراوى ومشيت مع اتجاه اسكندرية واخد اول لفة بعد حوالى 10 كم :b4_444:
بصراحة مركز نضيف ومعاملتهم وتنظيمهم ارقى بكتير من ابورواش .. فى ابو رواش اول مادخلت كل اللى طالع عليهم انت مش حاجز مينفعش تدخل ولو دخلت العربية هتبات اصل الدنيا زحمة
لما روحت المركز التانى قالولى لازم تكون حاجز لكن لما شرحت ان الوضع حرج بصراحة الراجل قالى اصبر عليا وانا هساعدك وهدخلك وبالفعل دخلت والمهندس كان ذوق جدا وقالى هعملك اللى انت عايزه وفعلا تم كل اللى انا عايزه وبسرعة وبتكلفة بسيطة جدا
شكرا لكل من ساهم برأى فى مشكلتى واتمنى من الله انه يبعد عننا كل المشاكل ويكفينا شر ابو الفتوح ومراكزه
رقم العضوية : 36962
تاريخ التسجيل : 31Mar2009
المشاركات : 2,315
النوع : ذكر
الاقامة : Zaton
السيارة: ما قولنا كله من نعم الله و الحمد لله
السيارة[2]: كله من نعم الله
دراجة بخارية: never
الحالة :
بس بأمانة ... موضوع الحجز احسن كتييييير... النظام حلو بغض النظر عن اي ظروف شخصية
البريبئ اتخرم و عايزيين بريبئ جديد
رقم العضوية : 86015
تاريخ التسجيل : 16Jan2011
المشاركات : 847
النوع : ذكر
الاقامة : Banha
السيارة: No
السيارة[2]: Speranza M11
دراجة بخارية: No
الحالة :
المفضلات