انا بفكر في الاكورد 84..انا عارف ان قطع الغيار الميكانيكية موجودة أكيد..لان مواتير وعفشات الهوندات مشتركة مع بعض...المهم الاكسسوارات..والفوانيس والشبكة والكلام دة...وياريت لو فوانيس قلاب..ايه رأيكم..
انا بفكر في الاكورد 84..انا عارف ان قطع الغيار الميكانيكية موجودة أكيد..لان مواتير وعفشات الهوندات مشتركة مع بعض...المهم الاكسسوارات..والفوانيس والشبكة والكلام دة...وياريت لو فوانيس قلاب..ايه رأيكم..
الهوندا اكورد الفوانيس القلاب مش موجودة فى موديل 84 لكن موجودة فى الجيل التالت (86-89)
وقطع الغيار تلاقيها فى اماكن مختلفة زى :
شارع دمشق
توشكى فى الحرفيين
عزبة شلبى
محل حفنى فى حدائق القبة فى عمارات السعودية
انا ميزانيتي حوالي 20 الف..وممكن تزيد الف او اتنين..عايز اكورد..بس تكون سليمة اركبها..مش تجنني..مانيوال او اوتوماتيك مش هاتفرق..
حضرتك فيه مواقع كتير فيها بيع سيارات هوندا اكورد زى كونتاكت كار وان شاء اله تلاقى حالة مناسبة.....
وان شاء الله بالمبلغ اللى معاك تلاقى حالة مناسبة الاكورد مظلومة جدا فى مصر رغم انها عربية جميلة بصراحة
ديه ركوبه بجد
اهم حاجة يا جماعة ..الفوانيس الامامية والخلفية..والاكر والحاجات دي موجودة وسهلة...لأني بصراحة عاجباني الاكورد جدا..انا بقالي فترة بفلتررر في العربيات..وتقريبا شيلت من دماغي االفيفوريت..والاونو..ومركز حاليا في فولفو 244..او أكورد..أو فيات تيبو..الحمد لله انا مش بحب العربيات الشعبية..والمنتشرة..بحب الحاجة المميزة ..وعارف اكيد ان الاكورد والفولفو.والتيبو أكييييد ليهم قطع غيار..والدنيا حلوة..لأن اكيد العربيات دي بقالها 20 سنة واكتر ماشية في مصر..اصحابها مش شايلنها في التلاجة يعني..
الفوانيس الامامية والخلفية تلاقيها فى كذا مكان زى الاماكن اللى ذكرتها وكمان التوفيقية تلاقى فيها بالنسبة للاكر تلاقيها فى الحرفيين لانها هتبقى استيراد
اعتقد ان اكورد افضل من الفولفو من حيث التوفير فى استهلاك البنزين لان الفولفو محركها حوالى 2400 سى سى انما الاكورد 1600 سى سى و 1800 سى سى وبالنسبة لشكل الاكورد اكثر حداثة فى التصميم من الفولفو بس الفولفو محترمة برضه
يا عم انت جننتنى معاك
عايز اكورد ولا فولفو ولا ايه و لا ايه ولا ايه
اثبت على نوع معين علشان تبدأ البحث بجديه فيها
^_^
والله يا احمد ...انا قربت اتجنن..مش لاقي عربية نضيفة...الشعب بتاعنا بيفرتك العربيات بتاعتة ...مافيش عربية سليمة...ولا فولفو..ولا اكورد..وانا مش هاركب 128 ..ولا الحاجات العجيبة دي..
عندى واحده بتاعة جد مراتى..موديل ٨٥ كامله،فتحة سقف،اوتوماتيك
طيب من فضلك قولي حالتها..ومطلوب فيها كام...وانا جأد جدا ان شاء الله...
لو عايز تشوفها كلمنى على الخاص
انا شكلي كدة هاشتري أكورد ان شاء الله..لان بصراحة..متوسط سعر 25000 الف..يجيب فيليشيا او بونتو او ابيزا....وانا شايف ان هوندا احسن من كل دة.
ربنا يوفقك وتبقى هونداوية يابو حميد
بصراحة انا لو اشتريت اكورد مش هابقي قلقان..كفاية ان هايبقي في ضهري سمسم واحمد ايهاب..ورجالة الهوندا...والله نفسي اتعرف عليكوا بجد..بس ظروف شغلي ...