زعلالالالالالالالالان

**إسلام شاهين** · 20-06-2007 06:27 PM

انا مش عارف أقول إيه بس بجد زعلان جدا جدا النهارده ياجماعه بعت عربيتي القديمة وصدقوني كأن حد من عيالي هو اللي اتباع متستغربوش أيوه للدرجة وأكثر كمان العربية كانت معايا من حوالي 4 سنين وكانت 132 أرجنتا 1600 اتنين كامة أوتوماتيك والفتيس ده كان الأصلي بتاعها مش متركب لكن رمضان اللي فات قل معايا وصلحته بحوالي 1700 جنيه وبعدين من حوالي 5 شهور عملها ثاني فاضطريت أقلبها مانوال ركبتلها فتيس 132 بحوالي 750 من بور سعيد العربية بصراحة كانت تحفة شد وتجميع وصالون إيه بحر واسع أنا حوالي 197 سم وأتخن من حبيبي شريف المصري كمان وكنت بقعد فيها براحتي خالص ( الانسر دلوقتي صالونها خنقة ) بس عشان أنا يمكن اتعودت على الوسع ، المهم أنا مش قادر انساها خالص كفاية إنها كل سنة في الصيف رايحه جايه من مرسى مطروح عمرها ما اشتكت وكل يوم الصبح عمرها ماكسفتني خالص خالص وعمرها ما اشتكت غير من حاجات بسيطة (صداع مثلا في الموتور ) حاجات زي كده وبصراحه ربنا يبارلك للي اشتراها وربنا يحفظهاله وفي النهاية فعلا العشرة فعلا يا جماعه صعب حد ينساها .

**وائل عطية** · 20-06-2007 06:30 PM

هيييييييييييييييييييييييي يييييييييييه مادايم إلا وجه الله
ياعم ربنا يباركلك في الجديدة

**hazem_khidr** · 20-06-2007 07:42 PM

شد حيلك يا ابو اسلام مش كده انا عارف ان الفرقه بتبقي صعبه و خصوصا لو 132 او ارجينتا (بموت في حاجه اسمها 132 اصلا) بس خد علي عربيتك الجديده و افتكر خشونه التانيه جنب دي و صدقني اسبوع واحد مش جتعرف تركب الارجينتا تاني